Artikolu 322 Komprensività, akkuratezza u kwalità tad-datadwar it-telf

L-istituzzjonijiet għandu jkollhom fis-seħħ l-organizzazzjoni u l-proċessi sabiex jiżguraw il-komprensività, l-akkuratezza u l-kwalità tad-data dwar it-telf u biex dik id-data tiġi soġġetta għal rieżami indipendenti.

L-awtoritajiet kompetenti għandhom jirrieżaminaw perjodikament, u tal-anqas kull ħames snin, il-kwalità tad-data dwar it-telf ta' istituzzjoni li tikkalkula t-telf annwali mir-riskju operazzjonali f'konformità mal-Artikolu 316(1). L-awtoritajiet kompetenti għandhom iwettqu tali rieżami tal-anqas kull tliet snin għal istituzzjoni b'indikatur tan-negozju li jaqbeż il-EUR 1 biljun.