Artikolu 228
Kalkolu tal-ammonti tal-iskopertura ponderati għar-riskju skont il-Metodu Komprensiv tal-Kollateral Finanzjarju għall-iskoperturi trattati skont l-Approċċ Standardizzat
Skont l-Approċċ Standardizzat, l-istituzzjonijiet għandhom jużaw E * kif ikkalkulat skont l-Artikolu 223(5) bħala l-valur tal-iskopertura għall-finijiet tal-Artikolu 113. Fil-każ ta' elementi li ma jidhrux fil-karta tal-bilanċ elenkati fl-Anness I, l-istituzzjonijiet għandhom jużaw E * bħala l-valur li għalih għandhom jiġu applikati l-perċentwali indikati fl-Artikolu 111(2) biex jintlaħaq il-valur tal-iskopertura.