Title III- Transitional provisions and implementation

Tħassir

Il-Linji Gwida tal-EBA dwar l-eżerċizzju ta’ valutazzjoni komparattiva tar-rimunerazzjoni (EBA/GL/2012/04), ippubblikati fis-27 ta’ Lulju 2012, huma rrevokati b’effett immedjat.

Arranġamenti tranżitorji

8.1. L-awtoritajiet kompetenti għandhom jiġbru d-dejta relatata mas-sena tal-eżekuzzjoni 2013 mingħand l-istituzzjonijiet sa data li tiżgura li d-dejta relatata mas-sena tal-eżekuzzjoni 2013 tiġi sottomessa lill-EBA sat-30 ta’ Novembru 2014.

8.2. Għad-dejta relatata mas-sena tal-eżekuzzjoni 2013, ‘il-persunal li l-attivitajiet professjonali tagħhom għandhom impatt materjali fuq il-profil tar-riskju tal-istituzzjoni’ jitqiesu bħala dawk li huma deskritti fl-Anness V, it-Taqsima 11(23) tad-Direttiva 2006/49, kif emendata mid-Direttiva 2010/76/UE.

8.3. Meta d-dejta li tkun trid tiġi ppreżentata għas-sena tal-eżekuzzjoni 2013 ma tkunx tista’ tiġi identifikata fil-funzjonijiet u fl-oqsma tan-negozju speċifikati f’dawn il-Linji Gwida, l-istituzzjonijiet jistgħu jirrapportaw, għall-2013, bl-użu tal-mudelli inklużi f’dawn il-Linji Gwida, dejta aggregata għall-funzjonijiet tal-korp maniġerjali fil-funzjoni maniġerjali tiegħu u tal-korp maniġerjali fil-funzjoni superviżorja tiegħu, għall-funzjonijiet korporattivi u għall-funzjonijiet ta’ kontroll indipendenti taħt il-kategorija ‘l-oħrajn kollha’.

Data tal-applikazzjoni

L-awtoritajiet kompetenti għandhom jimplimentaw dawn il-Linji Gwida billi jinkorporawhom fi ħdan il-proċeduri superviżorji tagħhom sal-31 ta’ Ottubru 2014. Wara dik id-data, l-awtoritajiet kompetenti għandhom jiżguraw li l-istituzzjonijiet jikkonformaw magħhom b’mod effettiv.