Titolu I - Suġġett, ambitu u definizzjonijiet

Suġġett

Dawn il-linji gwida jispeċifikaw aktar dettalji dwar il-miżuri previsti fl-Artikolu 17(5) tad-Direttiva 2014/59/UE u ċ-ċirkostanzi li fihom kull miżura tista’ tiġi applikata.

Definizzjonijiet

Id-definizzjonijiet li ġejjin japplikaw għal dawn il-linji gwida:

• (a) “Strateġija ta’ riżoluzzjoni” tfisser sett ta’ azzjonijiet għar-riżoluzzjoni ta’ istituzzjoni jew grupp.
• (b) “Riċevitur” tfisser l-akkwirent, l-istituzzjoni tranżitorja jew il-vettura tal-immaniġġjar tal-assi wara l-użu tal-bejgħ ta’ negozju, l-istituzzjoni tranżitorja jew l-għodda tas-separazzjoni tal-assi.
• (c) “Punt ta’ dħul multiplu (MPE)” tfisser strateġija ta’ riżoluzzjoni jew waħda mill-għażliet taħt strateġija ta’ riżoluzzjoni li tinvolvi l-applikazzjoni ta’ setgħat tar-riżoluzzjoni minn żewġ awtoritajiet ta’ riżoluzzjoni jew aktar għas-sub-gruppi jew l-entitajiet reġjonali ta’ grupp.
• (d) “Punt ta’ dħul uniku (SPE)” tfisser strateġija ta’ riżoluzzjoni jew waħda mill-għażliet taħt strateġija ta’ riżoluzzjoni li tinvolvi l-applikazzjoni ta’ setgħat ta’ riżoluzzjoni minn awtorità ta’ riżoluzzjoni unika fil-livell ta’ impriża prinċipali unika jew ta’ istituzzjoni unika soġġetta għal superviżjoni kkonsolidata.

Livell ta’ applikazzjoni

Dawn il-linji gwida japplikaw għall-awtoritajiet ta’ riżoluzzjoni.