3.2. Informazzjoni pprovduta mill-awtorità tar-riżoluzzjoni

Mal-identifikazzjoni tal-elementi oġġettivi speċifikati fit-Titolu II ta’ dawn il-Linji Gwida, l-awtorità tar-riżoluzzjoni għandha tipprovdi s-sejbiet u r-raġunament tagħha bil-miktub lill-awtorità kompetenti.

L-awtorità kompetenti għandha tiġi mgħarrfa f’kull każ meta l-awtorità tar-riżoluzzjoni:

• - tiddeċiedi li teżerċita s-setgħa li titlob lil istituzzjoni sabiex tikkuntattja lix-xerrejja potenzjali sabiex iħejju għar-riżoluzzjoni tal-istituzzjoni, skont l-Artikolu 27(2) tad-Direttiva 2014/59/UE;
• - titlob li l-valwazzjoni tal-assi u l-obbligazzjonijiet tal-istituzzjonijiet titwettaq minn valwatur indipendenti, jew tiddeċiedi li l-valwazzjoni provviżorja titwettaq mill-awtorità tar-riżoluzzjoni, skont l-Artikolu 36 tad-Direttiva 2014/59/UE;
• - tirċievi r-riżultati tal-valwazzjoni tal-assi u l-obbligazzjonijiet ta’ istituzzjoni, skont l-Artikolu 36 tad-Direttiva 2014/59/UE, mingħand il-valwatur indipendenti jew tiddetermina r-riżultat tal-valwazzjoni provviżorja li tkun wettqet.