3. Konsultazzjoni u skambju ta’ informazzjoni bejn l-awtorità kompetenti u l-awtorità tar-riżoluzzjoni

Mingħajr preġudizzju għall-Artikolu 90 u għall-Artikolu 32(2) tad-Direttiva 2014/59/UE, sabiex jiffaċilitaw il-fluss f’waqtu tal-informazzjoni għall-fini tal-valutazzjoni ta’ jekk istituzzjoni hijiex qiegħda tfalli jew huwiex probabbli li tfalli, l-awtorità kompetenti u l-awtorità tar-riżoluzzjoni għandhom jiskambjaw l-informazzjoni b’konformità mar-rekwiżiti stipulati hawn taħt.

Qabel jikkonkludu d-determinazzjoni li l-istituzzjoni qiegħda tfalli jew x’aktarx li tfalli, l-awtorità kompetenti u l-awtorità tar-riżoluzzjoni għandhom jiddiskutu kif xieraq ir-riżultati tal-valutazzjonijiet tagħhom.

Mal-identifikazzjoni tal-preżenza tal-elementi oġġettivi speċifikati fit-Titolu II ta’ dawn il-Linji Gwida, l-awtorità tar-riżoluzzjoni għandha titlob lill-awtorità kompetenti biex tispjega jekk u kif dawn iċ-ċirkostanzi kienu riflessi fil-valutazzjoni globali tal-SREP tal-istituzzjoni.

3.1. Informazzjoni pprovduta mill-awtorità kompetenti

3.2. Informazzjoni pprovduta mill-awtorità tar-riżoluzzjoni