Parti 8 – Trattament Prudenzjali

It-trattament prudenzjali tal-impenji ta’ pagament għandu jimmira li jiżgura li jkun hemm kundizzjonijiet ekwi u li jiġġieled l-effett proċikliku ta’ tali impenji skont it-trattament ta’ kontabbiltà tagħhom.

Meta t-trattament ta’ kontabbiltà jirriżulta f’li l-impenn ta’ pagament jiġi rifless b’mod sħiħ fil-karta tal-bilanċ (bħala obbligazzjoni), jew jirriżulta f’li l-arranġament tal-kollateral jiġi rifless għal kollox fir-rapport tal-introjtu, ma għandux għalfejn ikun hemm il-bżonn li jiġi applikat trattament prudenzjali ad -hoc għall-mitigazzjoni tal-effetti proċikliċi.

Meta, b’kuntrast, it-trattament tal-kontabbiltà jirriżulta f'li l-impenn ta’ pagament u l-arranġament tal-kollateral jibqa’ mhux inkluż fil-karta tal-bilanċ, fl-analiżi superviżorja u l-proċess tal-evalwazzjoni (SREP), l-awtoritajiet kompetenti għandhom jivvalutaw ir-riskji li għalihom se jkunu esposti l-kapital u l-pożizzjonijiet ta’ likwidità ta’ istituzzjoni tal-kreditu, jekk l-SGD titlob lil din l-istituzzjoni biex tħallas l-impenn tagħha fi flus, u teżerċita s-setgħat ta’ approprjazzjoni tagħha sabiex tiżgura li l-effett proċikliku tagħha jiġi mitigat b’rekwiżiti ta’ kapital/likwidità addizzjonali .