Kundizzjonijiet ta’ distakkament

Għall-finijiet tal-Artikolu 248 tar-Regolament (UE) Nru 575/2013, tranżazzjoni għandha titqies imwettqa f’kondizzjonijiet ta’ distakkament meta t-termini tat-tranżazzjoni huma bħal dawk ta’ tranżazzjoni kummerċjali normali jekk:

• (a) il-partijiet ma kellhom l-ebda relazzjoni ma’ xulxin (inkluż, iżda mhux limitat għal, kwalunkwe dmir jew obbligu speċjali u kwalunkwe possibbiltà li jikkontrollow jew jinfluwenzaw lil xulxin); u
• (b) kull parti:
• i. aġixxiet b’mod indipendenti;
• ii. daħlet fit-tranżazzjoni fuq inizjattiva tagħha stess;
• iii. aġixxiet fl-interessi tagħha stess; u
• iv. ma daħlitx fit-tranżazzjoni abbażi ta’ kunsiderazzjonijiet estranji li mhumiex konnessi direttament mat-tranżazzjoni inkwistjioni (tali kunsiderazzjonijiet estranji inkluż, iżda mhux limitati għal, kwalunkwe riskju ta’ reputazzjoni li jista’ jinħoloq fir-rigward tal-istituzzjoni oriġinatriċi jew l-istituzzjoni sponsor jekk ma tipproċedix bit-tranżazzjoni).

Matul il-valutazzjoni msemmija fil-paragrafu 15, għandha tingħata attenzjoni xierqa għall-informazzjoni disponibbli għal kull parti fiż-żmien meta t-tranżazzjoni tiġi impenjata u mhux għal tali informazzjoni kif tiġi disponibbli minn hemm 'il quddiem.