7.2 Model development in the estimation of EL BE and LGD in-default

Sabiex tiġi kkunsidrata l-informazzjoni dwar iż-żmien fl-inadempjenza u l-irkupri rrealizzati s’issa, skont l-Artikolu 54(2)(b) tal-RTS dwar il-metodoloġija tal-valutazzjoni tal-IRB, l-istituzzjonijiet jistgħu jikkunsidraw din l-informazzjoni jew direttament bħala motivaturi tar-riskju jew indirettament, pereżempju billi jistabbilixxu d-data ta’ referenza għall-istima, kif imsemmi fil-paragrafi 171 sa 174.

Sabiex jiġu stmati l-EL BE u l-LGD fl-inadempjenza, jenħtieġ li l-istituzzjonijiet janalizzaw il-movitvaturi tar-riskju potenzjali msemmija fil-paragrafu 121 mhux biss sal-mument tal-inadempjenza iżda anki wara d-data tal-inadempjenza u sad-data tat-tmiem tal-proċess ta’ rkupru. Jenħtieġ li l-istituzzjonijiet janalizzaw ukoll motivaturi tar-riskju potenzjali oħra li jistgħu jsiru rilevanti wara d-data tal-inadempjenza, inkluż, b’mod partikolari, it-tul mistenni tal-proċess ta’ rkupru u l-istat tal-proċess ta’ rkupru. Jenħtieġ li l-istituzzjonijiet jużaw il-valuri tal-motivaturi tar-riskju kif ukoll il-valuri tal-kollateral adegwat mad-dati ta’ referenza speċifikati skont il-paragrafi 171 sa 174.