7.3.2.2 Current economic circumstances

Sabiex jikkunsidraw iċ-ċirkostanzi ekonomiċi attwali fl-istimi tagħhom tal-EL BE , kif meħtieġ mill-Artikolu 181(1)(h) tar-Regolament (UE) Nru 575/2013, jenħtieġ li l-istituzzjonijiet jikkunsidraw il-fatturi ekonomiċi, inklużi l-fatturi makroekonomiċi u dawk ta’ kreditu, rilevanti għat-tip ta’ skoperturi li qegħdin jiġu kkunsidrati.

Jenħtieġ li l-L-EL BE jiġi stmat abbażi tal-LGD medju fuq perjodu twil, imsemmi fil-paragrafu 180, u l-ebda aġġustament ulterjuri sabiex jiġu riflessi l-kundizzjonijiet ekonomiċi attwali ma għandu jsir fejn tiġi ssodisfata xi waħda mill-kundizzjonijiet li ġejjin:

• (a) il-mudell jinkludi direttament mill-inqas fattur makroekonomiku wieħed bħala motivatur tar-riskju;
• (b) mill-inqas motivatur tar-riskju wieħed ikun sensittiv għal kundizzjonijiet ekonomiċi;
• (c) l-LGD realizzat għal skoperturi inadempjenti, imsemmi fil-paragrafu 178, ma jkunx sensittiv għall-fatturi ekonomiċi rilevanti għat-tip ta’ skoperturi li jkunu qegħdin jiġu kkunsidrati.

Fejn ma tiġi ssodisfata l-ebda mill-kundizzjonijiet imniżżla fil-paragrafu 184 , jenħtieġ li l-istituzzjonijiet jaġġustaw l-LGD medju fuq perjodu twil għall-iskoperturi inadempjenti sabiex jirriflettu l-kundizzjonijiet ekonomiċi. F’dan il-każ, jenħtieġ li l-istituzzjonijiet jiddokumentaw b’mod separat l-LGD medju fuq perjodu twil għall-iskoperturi inadempjenti, imsemmija fil-paragrafu 180, u l-aġġustament għall-kundizzjonijiet ekonomiċi attwali.