7.3 Calibration of EL BE and LGD in-default

Sabiex jiġu stmati l-EL BE u l-LGD fl-inadempjenza, jenħtieġ li l-istituzzjonijiet jikkalkolaw l-LGDs realizzati għal skoperturi inadempjenti, skont it-taqsima 6.3.1, bl-unika differenza li dan jenħtieġ li jsir fir-rigward ta’ kull data ta’ referenza speċifikata skont il-paragrafi 171 sa 174, aktar milli d-data tal-inadempjenza. Fil-kalkolu tal-LGD realizzat f’data ta’ referenza partikolari, jenħtieġ li l-istituzzjonijiet jinkludu t-tariffi kollha u l-interess kapitalizzat qabel id-data ta’ referenza u jiskontaw il-flussi tal-flus u l-ġbid sussegwenti kollha sad-data ta’ referenza.

Fejn, wara l-mument tal-inadempjenza, l-istituzzjonijiet iħassru parti mill-iskopertura, jenħtieġ li l-kalkolu tat-telf ekonomiku u l-LGD irrealizzat ikun ibbażat fuq l-ammont sħiħ tal-obbligu tal-kreditu pendenti, mingħajr ma jiġi kkunsidrat it-tħassir. Madankollu, fejn l-istituzzjonijiet iħassru b’mod regolari partijiet ta’ skoperturi abbażi ta’ politika konsistenti f’termini taż-żmien u tal-proporzjon tat-tħassir, huma jistgħu jinkludu din l-informazzjoni fil-kalibrazzjoni tal-EL BE u tal-LGD fl-inadempjenza. Fejn l-istituzzjonijiet iwettqu tħassir b’mod inqas regolari, huma jistgħu jaffettwaw l-informazzjoni dwar it-tħassir parzjali ta’ skopertura speċifika fl-applikazzjoni ta’ dawn il-parametri għal din l-iskopertura billi jipprevalu l-output tal-proċess tal-assenjazzjoni tal-klassifikazzjoni skont it-taqsima 8.2 sabiex tiġi żgurata konsistenza bejn l-istima tal-LGD u l-applikazzjoni tal-istimi tal-LGD.

Sabiex jiġu stmati l-EL BE u l-LGD fl-inadempjenza, jenħtieġ li l-istituzzjonijiet jikkalkolaw l-LGD medju fuq perjodu twil tal-LGDs irrealizzati għal skoperturi inadempjenti, imsemmija fil-paragrafu 178, wara r-rekwiżiti stipulati fit-taqsima 6.3.2, bl-unika eċċezzjoni li, għal kull data ta’ referenza, jenħtieġ li jintużaw proċessi ta’ rkupru mhux kompluti biss jekk id-data ta’ referenza rilevanti tagħhom għall-applikazzjoni tal-parametri tal-EL BE u tal-LGD fl-inadempjenza tkun wara d-data ta’ referenza li tkun qiegħda tiġi kkunsidrata għall-istima.

Skont it-taqsima 6.3.2.3, l-istituzzjonijiet ma għandhomx jagħtu stima ta’ kwalunkwe rkupru futur għal skoperturi li jibqgħu fi stat inadempjenti għal perjodu ta’ żmien itwal mit-tul massimu tal-proċess ta’ rkupru, kif speċifikat mill-istituzzjoni. Madankollu, informazzjoni rilevanti li tirrigwarda skoperturi speċifiċi, b’mod partikolari informazzjoni dwar kollateral eżistenti, tista’ tiġi riflessa fl-applikazzjoni ta’ dawn il-parametri bil-prevalazzjoni tal-output tal-proċess tal-assenjazzjoni tal-klassifikazzjoni skont it-taqsima 8.2.

7.3.2 Rekwiżiti speċifiċi għall-istima tal-EL BE

7.3.2.1 Consideration of MoC in EL BE estimation

7.3.2.2 Current economic circumstances

7.3.2.3 Relation of EL BE to specific credit risk adjustments