7.4 Applikazzjoni konsistenti tad - definizzjoni ta’ improduttivi

L- istituzzjonijiet ta’ kreditu għandhom jadottaw mekkaniżmi u proċeduri adegwati, skont it - Taqsima 8 tal - Linji Gwida tal - EBA dwar id - definizzjoni ta’ inadempjenza, għall - implimentazzjoni armonizzata tad - definizzjoni fis - sussidjarji u l - fergħat kollha. Dan jiżgura li l - identifikazzjoni tal - NPEs tkun konsistenti fil - livelli ta’ entità u ta’ grupp bankarju.

Il - politiki tal - istituzzjonijiet ta’ kreditu għandhom jiżguraw trattament konsistenti ta’ klijenti individwali u gruppi ta’ klijenti konnessi kif definit fir - Regolament (UE) Nru 575/2013, il - Linji Gwida tal - EBA dwar klijenti konnessi³⁰ u l - Linji Gwida tal - EBA dwar id - definizzjoni ta’ inadempjenza. Il - politiki tal - istituzzjonijiet ta’ kreditu għandhom jiżguraw ukoll valutazzjoni konsistenti tar - relazzjonijiet legali sottostanti bejn entitajiet legali fi grupp ta’ klijenti konnessi. Fid - dawl ta’ kontaġju possibbli, l - istituzzjonijiet ta’ kreditu għandhom, kull meta jkun fattibbli, japplikaw perspettiva ta’ grupp meta jivvalutaw l - istatus ta’ skopertura ta’ mutwatarju bħala improduttiva, sakemm ma tkunx affettwata minn tilwim iżolat li ma jkunx relatat mas - solvenza tal - kontroparti.

³⁰ Linji gwida dwar klijenti konnessi skont l - Artikolu 4(1) (39) tar - Regolament (UE) Nru 575/2013 (EBA/GL/2017/15).

Skont il - Linji Gwida tal - EBA dwar id - definizzjoni ta’ inadempjenza, l - istituzzjonijiet ta’ kreditu għandhom iżommu reġistru tal - kriterji kollha tal - klassifikazzjoni.