4. Ħarsa ġenerali lejn ir - rekwiżiti

Għall - fini li jingħata l -permess imsemmi fl-Artikolu 352(2) tar-Regolament (UE) Nru 575/2013, għandu jiġi applikat il - proċess li ġej:

• (a) it- talbiet għandhom jissodisfaw ir- rekwiżiti ta’ ammissibbiltà proċedurali msemmija fit - Taqsima 5 u r- rekwiżiti ta’ ammissibbiltà sostantiva msemmija fit - Taqsima 6;
• (b) kwalunkwe talba li tkun ammissibbli f’konformità mal-punt (a), imbagħad għandha tiġi vvalutata bil- għan li tkun eżaminata l - konformità tagħha mal -kundizzjonijiet tar-Regolament (UE) Nru 575/2013 f’konformità mat- Taqsima 7;
• (c) fir-rigward ta’ kwalunkwe talba li tkun instabet konformi mar- rekwiżiti ta’ dak ir - Regolament f’konformità mal-punt (b), id- daqs tal - pożizzjoni li għandha tiġi eskluża jrid jiġi ddeterminat f’konformità mat - Taqsima 8.

Wara l- għoti tal -permess imsemmi fl-Artikolu 352(2) tar-Regolament (UE) Nru 575/2013, għandu jitwettaq il - monitoraġġ kontinwu tal -permess f’konformità mat- Taqsima 9.