Il - komunikazzjoni mal - konglomerat finanzjarju

Il - koordinatur għandu jkun responsabbli għall - komunikazzjoni mal - impriża prinċipali responsabbli għall - grupp jew, fin - nuqqas ta’ impriża prinċipali, mal - entità regolata bl - ikbar total tal - karta tal - bilanċ fl - ikbar settur finanzjarju fil - grupp. L- awtoritajiet kompetenti għandhom jinformaw lill - koordinatur qabel ma jikkomunikaw direttament ma’ dik l - impriża prinċipali jew entità regolata. Fil - każ ta’ ċirkostanzi eċċezzjonali li ma jippermettux notifika minn qabel, l - awtoritajiet kompetenti għandhom jinformaw lill - koordinatur mingħajr ebda dewmien mhux dovut dwar in - natura u r - riżultat tal - komunikazzjoni .