Artikolu 13 4.

Meta jintroduċi prodott b’elementi diġitali fis-suq, il-manifattur għandu jinkludi l-valutazzjoni tar-riskju għaċ-ċibersigurtà msemmija fil-paragrafu 3 ta’ dan l-Artikolu fid-dokumentazzjoni teknika meħtieġa skont l-Artikolu 31 u l-Anness VII. Għal prodotti b’elementi diġitali kif imsemmija fl-Artikolu 12, li huma wkoll soġġetti għal atti legali oħra tal-Unjoni, il-valutazzjoni tar-riskju għaċ-ċibersigurtà tista’ tkun parti mill-valutazzjoni tar-riskju meħtieġa minn dawk l-atti legali tal-Unjoni. Meta ċerti rekwiżiti essenzjali taċ-ċibersigurtà ma jkunux applikabbli għall-prodott b’elementi diġitali, il-manifattur għandu jinkludi ġustifikazzjoni ċara dwar dan f’dik id-dokumentazzjoni teknika.