1. L-awtorità ta' riżoluzzjoni fil-livell tal-grupp tħejji abbozz tar-rapport dwar l-impediment sostantiv għar-riżolvibbiltà skont l-Artikolu 18(2) tad-Direttiva 2014/59/UE u tibagħtu lis-superviżur konsolidanti, lill-EBA, lill-awtoritajiet kompetenti u lill-awtoritajiet ta' riżoluzzjoni tas-sussidjarji u tal-ġurisdizzjonijiet fejn hemm fergħat importanti.
Hija tista' tibgħat l-abbozz tar-rapport lil membri u osservaturi oħrajn tal-kulleġġ ta' riżoluzzjoni wkoll, kif ikun xieraq u b'mod miftiehem u spjegat fl-arranġamenti u l-proċeduri bil-miktub tal-kulleġġ ta' riżoluzzjoni.