Artikolu 2 Definizzjonijiet

“IAS” u “IFRS” ifissru “International Accounting Standards” [Standards ta' Kontabilità Internazzjonali] u “International Financial Reporting Standards” [Standards ta' Rapportar Finanzjarju Internazzjonali], kif imsemmi fl-Artikolu 2 tar-Regolament (KE) Nru 1606/2002.

“sussidjarja” tfisser sussidjarja kif iddefinita fl-Artikolu 4(1)(16) tar-Regolament (UE) Nru 575/2013 u li hija istituzzjoni ta' kreditu fit-tifsira tal-Artikolu 4(1)(1) tar-Regolament (UE) Nru 575/2013;

“bażi kkonsolidata” tfisser bażi kkonsolidata kif iddefinita fl-Artikolu 4(1)(48) tar-Regolament (UE) Nru 575/2013;

“bażi subkonsolidata” tfisser bażi subkonsolidata kif iddefinita fl-Artikolu 4(1)(49) tar-Regolament (UE) Nru 575/2013;

“istituzzjoni ta’ kreditu sinifikanti” tfisser istituzzjoni ta’ kreditu li għandha l-istatus ta’ entità sinifikanti taħt superviżjoni;

“istituzzjoni ta’ kreditu inqas sinifikanti” tfisser istituzzjoni ta’ kreditu li ma jkollhiex l-istatus ta’ entità sinifikanti taħt superviżjoni;

“fergħa sinifikanti” tfisser fergħa li jkollha l-istatus ta’ entità sinifikanti taħt superviżjoni li ma tkunx parti minn grupp taħt superviżjoni u tkun stabbilita fi Stat Membru parteċipanti minn istituzzjoni ta’ kreditu stabbilita fi Stat Membru mhux parteċipanti;

“fergħa inqas sinifikanti” tfisser fergħa li ma jkollhiex l-istatus ta’ entità sinifikanti taħt superviżjoni li ma tkunx parti minn grupp taħt superviżjoni u tkun stabiblita fi Stat Membru parteċipanti minn istituzzjoni ta’ kreditu stabbilita fi Stat Membru mhux parteċipanti.