Artikolu 2 Dati tar-referenza tar-rapportar

L-istituzzjonijiet għandhom jissottomettu informazzjoni lill-awtoritajiet kompetenti hekk kif tkun fid-dati ta’ referenza ta’ rapportar li ġejjin:

L-informazzjoni sottomessa skont il-formoli stabbiliti fl-Annessi III u IV, skont l-istruzzjonijiet fl-Anness V u li tirreferi għal ċertu perjodu, għandha tiġi rrapportata b’mod kumulattiv mill-ewwel jum tas-sena kontabilistika sad-data ta’ referenza.

Meta l-liġijiet nazzjonali jippermettu lill-istituzzjonijiet jirrapportaw l-informazzjoni finanzjarja tagħhom abbażi ta’ tmiem is-sena kontabilistika tagħhom, li tiddevja mis-sena kalendarja, id-dati ta’ referenza tar-rapportar jistgħu jiġu aġġustati bix-xieraq, sabiex ir-rapportar tal-informazzjoni finanzjarja u tal-informazzjoni għall-finijiet tal-identifikazzjoni tal-istituzzjonijiet globali sistemikament importanti (G-SIIs) u tal-assenjazzjoni tar-rati tal-buffer tal-G-SII isir kull tliet xhur, kull sitt xhur jew kull tnax-il xahar minn tmiem is-sena kontabilistika tagħhom, rispettivament.