English - European Union - Energy - Environment -

TREOIR (AE) 2024/1275 Ó PHARLAIMINT NA hEORPA AGUS ÓN gCOMHAIRLE an 24 Aibreán 2024 maidir le feidhmíocht fuinnimh foirgneamh (athmhúnlú) (Téacs atá ábhartha maidir le LEE)

TREOIR (AE) 2024/1275 Ó PHARLAIMINT NA hEORPA AGUS ÓN gCOMHAIRLE

an 24 Aibreán 2024

maidir le feidhmíocht fuinnimh foirgneamh

(athmhúnlú)

(Téacs atá ábhartha maidir le LEE)

1. Forbhreathnú

Airteagal 1 Ábhar

Airteagal 2 Sainmhínithe

Airteagal 2

Sainmhínithe

Chun críocha na Treorach seo, tá feidhm ag na sainmhínithe seo a leanas:

(1)

ciallaíonn “foirgneamh” déanmhas faoi dhíon a bhfuil ballaí leis agus a n-úsáidtear fuinneamh ina leith chun an timpeallacht laistigh a chóiriú;

(2)

ciallaíonn “foirgneamh astaíochtaí nialasacha” foirgneamh a bhfuil feidhmíocht fuinnimh an-ard aige, arna chinneadh i gcomhréir le hIarscríbhinn I, nach bhfuil fuinneamh ar bith ag teastáil ina leith nó nach bhfuil ach méid an-bheag fuinnimh ag teastáil ina leith, a tháirgeann astaíochtaí nialasacha carbóin ar an láthair ó bhreoslaí iontaise agus a tháirgeann astaíochtaí nialasacha gás ceaptha teasa oibríochtúla nó méid an-bheag astaíochtaí gás ceaptha teasa oibríochtúla, i gcomhréir le hAirteagal 11;

(3)

ciallaíonn “foirgneamh atá nach mór neodrach ó thaobh an fhuinnimh de” foirgneamh lena ngabhann feidhmíocht fuinnimh an-ard, arna chinneadh i gcomhréir le hIarscríbhinn I, feidhmíocht fuinnimh nach bhfuil níos measa ná an leibhéal is fearr costas in 2023 arna thuairisciú ag na Ballstáit de bhun Airteagal 6(2) agus i gcás ina bhfuil an méid fuinnimh a éilítear, atá nach mór neodrach nó an-íseal, cumhdaithe go leibhéal an-ard ag fuinneamh ó fhoinsí in-athnuaite, lena n-áirítear fuinneamh ó fhoinsí in-athnuaite arna tháirgeadh ar an láthair nó fuinneamh ó fhoinsí in-athnuaite arna tháirgeadh in aice láimhe;

(4)

ciallaíonn “íoschaighdeáin feidhmíochta fuinnimh” rialacha lena gceanglaítear ar fhoirgnimh atá ann cheana ceanglas feidhmíochta fuinnimh a chomhlíonadh mar chuid de phlean athchóirithe leathan do stoc foirgneamh nó ag truicearphointe ar an margadh amhail díol, cíos, deonú nó athrú críche faoin gclár talún, laistigh de thréimhse ama nó faoi dháta sonrach, agus ar an gcaoi sin athchóiriú ar fhoirgnimh atá ann cheana a spreagadh;

(5)

ciallaíonn “comhlachtaí poiblí” comhlachtaí poiblí mar a shainmhínítear in Airteagal 2, pointe (12), de Threoir (AE) 2023/1791;

(6)

ciallaíonn “córas teicniúil foirgnimh” an trealamh teicniúil a bhíonn i bhfoirgneamh nó in aonad foirgnimh i gcomhair téamh spáis, fuarú spáis, aerála, uisce te tí, soilsiú ionsuite, uathoibriú agus rialú foirgnimh, giniúint fuinnimh in-athnuaite agus stóráil fuinnimh ar an láthair, lena n-áirítear na córais siúd a úsáideann fuinneamh ó fhoinsí in-athnuaite;

(7)

ciallaíonn “córas uathoibrithe agus rialaithe foirgnimh” córas lena gcumhdaítear na táirgí, na bogearraí agus na seirbhísí innealtóireachta go léir ar féidir leo tacú le hoibriú fuinneamhéifeachtúil, tíosach agus sábháilte córas teicniúil foirgnimh trí rialuithe uathoibríocha agus trí bhainistiú na gcóras teicniúil foirgnimh sin de láimh a éascú;

(8)

ciallaíonn “feidhmíocht fuinnimh foirgnimh” an méid fuinnimh ríofa nó mhéadraithe atá ag teastáil chun freastal ar an éileamh fuinnimh a bhaineann le gnáthúsáid an fhoirgnimh, lena n-áirítear fuinneamh a úsáidtear chun an foirgneamh a théamh, a fhuarú, a aeráil, chun uisce te tí a sholáthar ann agus chun an foirgneamh a shoilsiú;

(9)

ciallaíonn “fuinneamh príomhúil” fuinneamh in-athnuaite agus neamh-in-athnuaite nach ndeachaigh faoi phróiseas tiontaithe nó claochlaithe;

(10)

ciallaíonn “méadraithe” fuinneamh a thomhas le feiste ábhartha, amhail méadar fuinnimh, méadar cumhachta, feiste méadraithe agus faireacháin cumhachta, nó méadar leictreachais;

(11)

ciallaíonn “fachtóir fuinnimh phríomhúil neamh-in-athnuaite” táscaire a ríomhtar tríd an bhfuinneamh príomhúil ó fhoinsí neamh-in-athnuaite le haghaidh iompróir fuinnimh ar leith, lena n-áirítear an fuinneamh arna sheachadadh agus forchostais fuinnimh ríofa an tsoláthair chuig na pointí úsáide, a roinnt ar an bhfuinneamh arna sheachadadh;

(12)

ciallaíonn “fachtóir fuinnimh phríomhúil in-athnuaite” táscaire a ríomhtar tríd an bhfuinneamh príomhúil ó fhoinsí in-athnuaite ó fhoinse fuinnimh ar an láthair, in aice láimhe nó i gcéin, a sheachadtar trí iompróir fuinnimh ar leith, lena n-áirítear an fuinneamh arna sheachadadh agus forchostais fuinnimh ríofa an tseachadta chuig na pointí úsáide, a roinnt ar an bhfuinneamh arna sheachadadh;

(13)

ciallaíonn “fachtóir fuinnimh phríomhúil iomlán” suim na bhfachtóirí fuinnimh phríomhúil in-athnuaite agus neamh-in-athnuaite i gcás iompróir fuinnimh ar leith;

(14)

ciallaíonn “fuinneamh ó fhoinsí in-athnuaite” fuinneamh ó fhoinsí in-athnuaite neamh-iontaise, eadhon fuinneamh gaoithe, gréine (grianfhuinneamh teirmeach agus grianfhuinneamh fótavoltach) agus fuinneamh geoiteirmeach, fuinneamh osmóiseach, fuinneamh comhthimpeallach, fuinneamh taoide, fuinneamh toinne agus fuinneamh eile aigéin, hidreachumhacht, bithmhais, gás ó líonadh talún, gás ó ionad cóireála camrais, agus bithghás;

(15)

ciallaíonn “imchlúdach foirgnimh” eilimintí comhtháite foirgnimh a thagann idir an taobh istigh agus an timpeallacht lasmuigh;

(16)

ciallaíonn “aonad foirgnimh” cuid, urlár nó árasán laistigh d’fhoirgneamh arna dhearadh nó arna athrú chun go n-úsáidfí as féin é;

(17)

ciallaíonn “eilimint foirgnimh” córas teicniúil foirgnimh nó eilimint den imchlúdach foirgnimh;

(18)

ciallaíonn “foirgnimh cónaithe nó aonad foirgnimh cónaithe” seomra nó sraith seomraí i bhfoirgneamh buan nó i gcuid d’fhoirgneamh atá leithleach ó thaobh struchtúrtha de agus atá deartha le haghaidh cónaithe don bhliain ar fad ag teaghlach príobháideach amháin;

(19)

ciallaíonn “pas athchóirithe” treochlár saincheaptha chun athchóiriú domhain a dhéanamh ar fhoirgneamh in uaslíon céimeanna lena gcuirfear feabhas suntasach ar a fheidhmíocht fuinnimh;

(20)

ciallaíonn “athchóiriú domhain” athchóiriú atá i gcomhréir le “bunphrionsabal na héifeachtúlachta fuinnimh”, lena ndírítear ar eilimintí riachtanacha foirgnimh agus lena gclaochlaítear foirgneamh nó aonad foirgnimh:

(a)

roimh an 1 Eanáir 2030, ina fhoirgneamh atá nach mór neodrach ó thaobh an fhuinnimh de;

(b)

ón 1 Eanáir 2030, ina fhoirgneamh astaíochtaí nialasacha;

(21)

ciallaíonn “athchóiriú domhain céimneach” athchóiriú domhain a dhéantar in uaslíon céimeanna, mar a leagtar amach i bpas athchóirithe;

(22)

ciallaíonn “athchóiriú mór” athchóiriú a dhéanamh ar fhoirgneamh sna cásanna seo a leanas:

(a)

tá costas iomlán an athchóirithe maidir leis an imchlúdach foirgnimh nó na córais theicniúla foirgnimh níos airde ná 25 % de luach an fhoirgnimh, gan luach na talún ar a bhfuil an foirgneamh suite a chur san áireamh; nó

(b)

déantar níos mó ná 25 % de dhromchla an imchlúdaigh foirgnimh a athchóiriú.

Féadfaidh na Ballstáit rogha a dhéanamh pointe (a) nó (b) a chur i bhfeidhm;

(23)

ciallaíonn “astaíochtaí gás ceaptha teasa oibríochtúla” astaíochtaí gás ceaptha teasa a bhaineann le tomhaltas fuinnimh na gcóras teicniúil foirgnimh le linn úsáid agus oibriú an fhoirgnimh;

(24)

ciallaíonn “astaíochtaí gás ceaptha teasa ar feadh na saolré iomláine” na hastaíochtaí gás ceaptha teasa thar shaolré iomlán foirgnimh, lena n-áirítear táirgeadh agus iompar táirgí foirgníochta, gníomhaíochtaí ar láithreáin foirgníochta, úsáid fuinnimh chun táirgí foirgníochta a thógáil agus chun táirgí foirgníochta a athsholáthar, chomh maith le scartáil, iompar agus bainistiú dramhábhar agus athúsáid, athchúrsáil, agus diúscairt deiridh na ndramhábhar sin;

(25)

ciallaíonn “poitéinseal téimh dhomhanda ar feadh saolré” nó “GWP ar feadh saolré” táscaire lena ndéantar cainníochtú ar an méid a d’fheadfadh foirgneamh cur leis an téamh domhanda feadh a shaolré iomláine;

(26)

ciallaíonn “dreasachtaí deighilte” dreasachtaí deighilte mar a shainmhínítear in Airteagal 2, pointe (54), de Threoir (AE) 2023/1791;

(27)

ciallaíonn “bochtaineacht fuinnimh” bochtaineacht fuinnimh mar a shainmhínítear in Airteagal 2, pointe (52), de Threoir (AE) 2023/1791;

(28)

ciallaíonn “teaghlaigh leochaileacha” teaghlaigh atá i mbochtaineacht fuinnimh nó teaghlaigh, lena n-áirítear teaghlaigh íseal-mheánioncaim, atá neamhchosanta go háirithe ar chostais arda fuinnimh agus nach bhfuil in acmhainn athchóiriú a dhéanamh ar an bhfoirgneamh atá á áitiú acu;

(29)

ciallaíonn “caighdeán Eorpach” caighdeán arna ghlacadh ag an gCoiste Eorpach um Chaighdeánú, Coiste Eorpach na gCaighdeán Leictriteicniúil, Institiúid Eorpach na gCaighdeán Teileachumarsáide agus a chuirtear ar fáil le haghaidh úsáid phoiblí;

(30)

ciallaíonn “deimhniú feidhmíochta fuinnimh” deimhniú, arna aithint ag Ballstát nó ag duine dlítheanach arna ainmniú aige, ina léirítear feidhmíocht fuinnimh foirgnimh nó aonaid foirgnimh, a dhéantar a ríomh i gcomhréir le modheolaíocht a ghlactar de bhun Airteagal 4;

(31)

ciallaíonn “comhghiniúint” giniúint chomhuaineach, in aon phróiseas amháin, fuinnimh theirmigh agus fuinnimh leictrigh nó mheicniúil;

(32)

ciallaíonn “an leibhéal is fearr costas” an leibhéal feidhmíochta fuinnimh a thugann an costas is lú le linn na saolré eacnamaíche réamh-mheasta sna cásanna seo a leanas:

(a)

déantar an costas is ísle a chinneadh agus an méid seo a leanas á chur san áireamh:

(i)

catagóir agus úsáid an fhoirgnimh lena mbaineann:

(ii)

costais infheistíochta a bhaineann le fuinneamh ar bhonn réamhaisnéisí oifigiúla;

(iii)

costais chothabhála agus oibriúcháin, lena n-áirítear costais fuinnimh agus costas lamháltas astaíochtaí gás ceaptha teasa a chur san áireamh;

(iv)

seachtrachtaí comhshaoil agus sláinte a bhaineann le húsáid fuinnimh;

(v)

tuilleamh ón bhfuinneamh a tháirgtear ar an láthair, i gcás inarb infheidhme;

(vi)

costais bainistíochta dramhaíola, i gcás inarb infheidhme; agus

(b)

is é gach Ballstát a dhéanann an tsaolré eacnamaíoch réamh-mheasta a chinneadh agus tagraítear leis don tsaolré eacnamaíoch réamh-mheasta atá fágtha d’fhoirgneamh i gcás ina bhfuil ceanglais maidir le feidhmíocht fuinnimh leagtha amach don fhoirgneamh ina iomláine, nó tagraítear leis don tsaolré eacnamaíoch réamh-mheasta d’eilimint foirgnimh i gcás ina bhfuil ceanglais feidhmíochta fuinnimh leagtha amach maidir le heilimintí foirgnimh.

Beidh an leibhéal is fearr costas laistigh de raon na leibhéal feidhmíochta nuair is dearfach an anailís costais is tairbhe arna ríomh le linn na saolré eacnamaíche réamh-mheasta;

(33)

ciallaíonn “pointe athluchtaithe” pointe athluchtaithe mar a shainmhínítear in Airteagal 2, pointe (48), de Rialachán (AE) 2023/1804 ó Pharlaimint na hEorpa agus ón gComhairle ( 1 );

(34)

ciallaíonn “réamhcháblú” na bearta go léir is gá chun suiteáil pointí athluchtaithe a chumasú, lena n-áirítear tarchur sonraí, cáblaí, bealaí cábla agus, i gcás inar gá, méadair leictreachais;

(35)

ciallaíonn “carrchlós faoi dhíon” déanmhas faoi dhíon, a bhfuil ar a laghad trí spás páirceála gluaisteán ann, nach n-úsáideann fuinneamh chun an timpeallacht laistigh a chóiriú;

(36)

ciallaíonn “micreachóras scoite” aon chóras ag a bhfuil tomhaltas níos lú ná 500 GWh sa bhliain in 2022, i gcás nach bhfuil aon cheangal idir é agus córais eile;

(37)

ciallaíonn “athluchtú cliste” athluchtú cliste mar a shainmhínítear in Airteagal 2, an dara mír, pointe (14m), de Threoir (AE) 2018/2001 ó Pharlaimint na hEorpa agus ón gComhairle ( 2 );

(38)

ciallaíonn “athluchtú déthreoch” athluchtú déthreoch mar a shainmhínítear in Airteagal 2, pointe (11), de Rialachán (AE) 2023/1804;

(39)

ciallaíonn “caighdeáin punann morgáiste” sásraí lena spreagtar iasachtóirí morgáiste bealach a bhunú chun feidhmíocht airmheánach fuinnimh na punainne foirgneamh a chumhdaítear lena morgáistí a mhéadú i dtreo 2030 agus 2050 agus chun cliaint ionchasacha a spreagadh chun feidhmíocht fuinnimh a maoine a dhéanamh níos fearr i gcomhréir le huaillmhian an Aontais maidir le dícharbónú agus spriocanna ábhartha fuinnimh i réimse an tomhaltais fuinnimh i bhfoirgnimh, ag brath ar na critéir maidir le gníomhaíochtaí eacnamaíocha atá inbhuanaithe ó thaobh an chomhshaoil de a leagtar amach in Airteagal 3 de Rialachán (AE) 2020/852;

(40)

ciallaíonn “scéim íoc-mar-a-shábháiltear” scéim iasachta atá tiomnaithe go heisiach d’fheabhsuithe san fheidhmíocht fuinnimh, i gcás ina mbunaítear comhghaol agus an scéim á ceapadh idir na haisíocaíochtaí ar an iasacht agus an coigilteas fuinnimh a baineadh amach, agus tosca eacnamaíocha eile á gcur san áireamh freisin amhail innéacsú an chostais fuinnimh, rátaí úis, luach sócmhainní méadaithe agus athmhaoiniú iasachta;

(41)

ciallaíonn “logleabhar digiteach foirgneamh” stór coiteann do na sonraí foirgníochta ábhartha go léir, lena n-áirítear sonraí a bhaineann le feidhmíocht fuinnimh, amhail deimhnithe feidhmíochta fuinnimh, pasanna athchóirithe agus táscairí ullmhachta cliste, chomh maith le sonraí a bhaineann le GWP ar feadh saolré, lena n-éascaítear cinnteoireacht eolasach agus comhroinnt faisnéise san earnáil foirgníochta, agus i measc úinéirí agus áititheoirí foirgneamh, institiúidí airgeadais agus comhlachtaí phoiblí;

(42)

ciallaíonn “córas aerchóirithe” comhcheangal de na comhpháirteanna is gá chun cineál íonaithe an aeir laistigh a sholáthar lena rialaítear an teocht nó lena bhféadtar an teocht a ísliú;

(43)

ciallaíonn “córas téimh” comhcheangal de na codanna is gá chun cineál íonaithe an aeir laistigh a sholáthar lena méadaítear an teocht;

(44)

ciallaíonn “córas aerála” an córas teicniúil foirgnimh a sholáthraíonn aer lasmuigh do spás ar mhodh nádúrtha nó meicniúil;

(45)

ciallaíonn “gineadóir teasa” an chuid de chóras téimh a ghineann teas úsáideach le haghaidh na n-úsáidí arna sainaithint in Iarscríbhinn I, agus úsáid á baint as ceann amháin nó níos mó de na próisis seo a leanas:

(a)

dóchán breosla i gcoire, mar shampla;

(b)

iarmhairt Joule, a bhíonn ar siúl sna heilimintí téimh de chóras téimh friotaíochta leictrí;

(c)

teas a ghabháil ó aer comhthimpeallach, ó aer sceite aerála, ó fhoinse teasa uisce nó ó fhoinse teasa talún agus úsáid á baint as teaschaidéal;

(46)

ciallaíonn “gineadóir fuaraithe” an chuid den chóras aerchóirithe a ghineann fuarú úsáideach le haghaidh na n-úsáidí arna sainaithint in Iarscríbhinn I;

(47)

ciallaíonn “conraitheoireacht um fheidhmíocht fuinnimh” conraitheoireacht um fheidhmíocht fuinnimh mar a shainmhínítear in Airteagal 2, pointe (33), de Threoir (AE) 2023/1791;

(48)

ciallaíonn “coire” an t-aonad ina bhfuil coire agus dóire comhcheangailte, arna cheapadh chun an teas a scaoiltear as an dó a aistriú go leachtanna;

(49)

ciallaíonn “aschur rátaithe éifeachtach” an t-uasaschur calrach, arna shloinneadh in kW, arna sonrú agus arna ráthú ag an monaróir a bheith insoláthartha le linn oibriú leanúnach agus an éifeachtúlacht úsáideach arna lua ag an monaróir á comhlíonadh;

(50)

ciallaíonn “téamh ceantair” nó “fuarú ceantair” scaipeadh fuinnimh theirmigh i bhfoirm gail, uisce the nó leachtanna fuaraithe, trí ghréasáin, ó fhoinse lárnach nó dhíláraithe táirgthe go dtí foirgnimh nó suíomhanna éagsúla le húsáid do théamh nó d’fhuarú spáis nó próisis;

(51)

ciallaíonn “achar urláir úsáideach” achar urláir foirgnimh a bhfuil gá leis mar pharaiméadar chun coinníollacha sonracha úsáide a chainníochtú a shloinntear in aghaidh an aonaid urláir agus le haghaidh chur i bhfeidhm an tsimplithe agus na rialacha criosaithe agus leithdháilte nó ath-leithdháilte;

(52)

ciallaíonn “achar urláir tagartha” an t-achar urláir a úsáidtear mar mhéid tagartha chun measúnú a dhéanamh ar fheidhmíocht fuinnimh foirgnimh, arna ríomh mar shuim d’achar urláir úsáideach na spásanna laistigh den imchlúdach foirgnimh atá sonraithe don mheasúnú ar fheidhmíocht fuinnimh;

(53)

ciallaíonn “teorainn mheasúnúcháin” an teorainn ar a ndéantar an fuinneamh arna sheachadadh agus an fuinneamh arna onnmhairiú a thomhas nó a ríomh;

(54)

ciallaíonn “ar an láthair” i bhfoirgneamh nó ar fhoirgneamh ar leith nó ar an talamh ar a bhfuil an foirgneamh sin suite;

(55)

ciallaíonn “fuinneamh ó fhoinsí in-athnuaite arna tháirgeadh in aice láimhe” fuinneamh ó fhoinsí in-athnuaite, arna tháirgeadh laistigh d’imlíne áitiúil nó ceantair d’fhoirgneamh ar leith a ndearnadh measúnú air, agus a chomhlíonann na coinníollacha seo a leanas uile:

(a)

ní féidir é a dháileadh agus a úsáid laistigh den imlíne áitiúil agus ceantair sin ach amháin trí ghréasán dáileacháin tiomnaithe;

(b)

ceadaítear leis fachtóir fuinnimh phríomhúil shonrach a ríomh nach bhfuil bailí ach amháin don fhuinneamh ó fhoinsí in-athnuaite arna tháirgeadh laistigh den imlíne áitiúil nó ceantair sin; agus

(c)

is féidir é a úsáid ar an láthair trí cheangal tiomnaithe leis an bhfoinse táirgthe fuinnimh, i gcás ina n-éilíonn an ceangal tiomnaithe sin trealamh sonrach chun fuinneamh a sholáthar agus a mhéadrú go sábháilte le haghaidh fhéin-úsáid an fhoirgnimh;

(56)

ciallaíonn “seirbhísí a bhaineann le feidhmíocht fuinnimh foirgneamh” nó “seirbhísí EPB” na seirbhísí, mar atá téamh, fuarú, aeráil, uisce te tí agus soilsiú agus seirbhísí eile a gcuirtear úsáid fuinnimh san áireamh ina leith maidir le feidhmíocht fuinnimh foirgneamh a ríomh;

(57)

ciallaíonn “riachtanais fuinnimh” an fuinneamh atá le seachadadh chuig spás cóirithe nó le baint as spás cóirithe chun na dálaí spáis atá beartaithe a chothabháil le linn tréimhse áirithe gan aird a thabhairt ar aon neamhéifeachtúlachtaí i gcóras teicniúil foirgnimh;

(58)

ciallaíonn “úsáid fuinnimh” nó “tomhaltas fuinnimh” ionchur fuinnimh i gcóras teicniúil foirgnimh lena gcuirtear seirbhís EPB ar fáil atá beartaithe riachtanas fuinnimh a shásamh;

(59)

ciallaíonn “féin-úsáid” úsáid fuinnimh ó fhoinsí in-athnuaite arna tháirgeadh ar an láthair nó fuinneamh ó fhoinsí in-athnuaite arna tháirgeadh in aice láimhe ag córais theicniúla ar an láthair le haghaidh seirbhísí EPB;

(60)

ciallaíonn “úsáidí eile ar an láthair” úsáidí ar an láthair le haghaidh úsáidí seachas seirbhísí EPB, lena n-áirítear fearais, ualaí ilghnéitheacha agus coimhdeacha nó pointí athluchtaithe leictrea-shoghluaisteachta;

(61)

ciallaíonn “eatramh ríomha” an t-eatramh ama scoite a úsáidtear chun an fheidhmíocht fuinnimh a ríomh;

(62)

ciallaíonn “fuinneamh arna sheachadadh” fuinneamh, arna shloinneadh in aghaidh an iompróra fuinnimh, arna sholáthar do na córais theicniúla foirgnimh tríd an teorainn mheasúnúcháin, chun na húsáidí a cuireadh san áireamh a shásamh nó chun an fuinneamh arna onnmhairiú a tháirgeadh;

(63)

ciallaíonn “fuinneamh arna onnmhairiú” an cion den fhuinneamh in-athnuaite, arna shloinneadh in aghaidh an iompróra fuinnimh agus in aghaidh an fhachtóra fuinnimh phríomhúil, a onnmhairítear go dtí an eangach fuinnimh seachas é a úsáid ar an láthair le haghaidh féin-úsáid ar an láthair nó le haghaidh úsáidí eile ar an láthair;

(64)

ciallaíonn “spás páirceála do rothair” spás ainmnithe chun aon rothar amháin ar a laghad a pháirceáil ann;

(65)

ciallaíonn “carrchlós taobh le foirgneamh” carrchlós atá beartaithe lena úsáid ag cónaitheoirí, ag cuairteoirí nó ag oibrithe foirgnimh agus atá suite laistigh de limistéar maoine an fhoirgnimh nó i ngarchomharsanacht dhíreach an fhoirgnimh;

(66)

ciallaíonn “cáilíocht na timpeallachta laistigh” toradh measúnaithe a rinneadh ar na dálaí laistigh d’fhoirgneamh a imríonn tionchar ar shláinte agus ar dhea-bhail na n-áititheoirí, bunaithe ar pharaiméadair amhail na paraiméadair a bhaineann le teocht, bogthaise, ráta aerála agus láithreacht éilleán;

Airteagal 3 Plean náisiúnta athchóirithe foirgneamh

Airteagal 4 Modheolaíocht a ghlacadh maidir le feidhmíocht fuinnimh foirgneamh a ríomh

Airteagal 4

Modheolaíocht a ghlacadh maidir le feidhmíocht fuinnimh foirgneamh a ríomh

Cuirfidh na Ballstáit modheolaíocht i bhfeidhm maidir le feidhmíocht fuinnimh foirgneamh a ríomh i gcomhréir leis an gcomhchreat ginearálta a leagtar amach in Iarscríbhinn I. Glacfar an mhodheolaíocht sin ar an leibhéal náisiúnta nó ar an leibhéal réigiúnach.

Eiseoidh an Coimisiún treoir maidir le ríomh fheidhmíocht fuinnimh na n-eilimintí foirgnimh trédhearcacha atá mar chuid den imchlúdach foirgnimh agus maidir le fuinneamh comhthimpeallach a mheas.

Airteagal 5 Íoscheanglais feidhmíochta fuinnimh a shocrú

Airteagal 6 Na leibhéil is fearr costas maidir le híoscheanglais feidhmíochta fuinnimh a ríomh

Airteagal 7 Foirgnimh nua

Airteagal 8 Foirgnimh atá ann cheana

Airteagal 9 Íoschaighdeáin feidhmíochta fuinnimh le haghaidh foirgnimh nach foirgnimh chónaithe iad agus conairí chun an stoic foirgneamh cónaithe a athchóiriú de réir a chéile

Airteagal 10 Grianfhuinneamh i bhfoirgnimh

Airteagal 11 Foirgnimh astaíochtaí nialasacha

Airteagal 12 Pas athchóirithe

Airteagal 13 Córais theicniúla foirgnimh

Airteagal 14 Bonneagar le haghaidh soghluaisteacht inbhuanaithe

Airteagal 15 Ullmhacht chliste foirgneamh

Airteagal 16 Sonraí a mhalartú

Airteagal 17 Dreasachtaí airgeadais, scileanna agus bacainní ar an margadh

Airteagal 18 Ionaid ilfhreastail le haghaidh feidhmíocht fuinnimh foirgneamh

Airteagal 19 Deimhnithe feidhmíochta fuinnimh

Airteagal 20 Deimhnithe feidhmíochta fuinnimh a eisiúint

Airteagal 21 Deimhniú feidhmíochta fuinnimh a chur ar taispeáint

Airteagal 22 Bunachair sonraí le haghaidh feidhmíocht fuinnimh foirgneamh

Airteagal 23 Cigireachtaí

Airteagal 24 Tuarascálacha maidir le cigireachtaí ar chórais téimh, córais aerála agus córais aerchóirithe

Airteagal 25 Saineolaithe neamhspleácha

Airteagal 26 Deimhniú gairmithe tógála

Airteagal 27 Córas rialaithe neamhspleách

Airteagal 28 Athbhreithniú

Airteagal 28

Athbhreithniú

Déanfaidh an Coimisiún, le cúnamh ón gCoiste dá dtagraítear in Airteagal 33, athbhreithniú ar an Treoir seo faoin 31 Nollaig 2028, i bhfianaise na taithí atá faighte agus an dul chun cinn atá déanta le linn a chur i bhfeidhm agus moltaí a dhéanamh, más gá.

Mar chuid den athbhreithniú sin, déanfaidh an Coimisiún measúnú an dtugann cur i bhfeidhm na Treorach seo i gcomhar le hionstraimí reachtacha eile lena dtugtar aghaidh ar fheidhmíocht fuinnimh agus astaíochtaí gás ceaptha teasa ó fhoirgnimh, go háirithe trí phraghsáil carbóin, dul chun cinn leordhóthanach i dtreo stoc foirgneamh astaíochtaí nialasacha atá dícharbónaithe go hiomlán, a bhaint amach faoin mbliain 2050, nó an gá bearta ceangailteacha breise ar leibhéal an Aontais, go háirithe íoschaighdeáin feidhmíochta fuinnimh éigeantacha ar fud an stoic foirgneamh ina iomláine, a thabhairt isteach, lena n-áirítear chun a áirithiú gur féidir na luachanna le haghaidh 2030 agus 2035 a leagtar amach in Airteagal 9(2) a bhaint amach. Déanfaidh an Coimisiún measúnú freisin ar na treochláir náisiúnta agus go háirithe ar na teorainnluachanna atá beartaithe do GWP ar feadh saolré foirgneamh nua de bhun Airteagal 7(4) agus breithneoidh sé an bhfuil gá le bearta breise lena gcuirtear timpeallacht thógtha inbhuanaithe chun cinn. Scrúdóidh an Coimisiún Eorpach chomh maith an bealach a mbeadh Ballstáit in ann cur chuige comhtháite limistéir nó comharsanachta a chur i bhfeidhm i mbeartas tógála agus éifeachtúlachta fuinnimh an Aontais, agus ag féachaint dó go mbainfidh gach foirgneamh na ceanglais íosta feidhmíochta fuinnimh amach ag an am céanna, mar shampla trí bhíthin cláir athchóirithe chomhtháite agus scéimeanna athchóirithe foriomlána a chuirfear i bhfeidhm ar líon foirgneamh i gcomhthéacs spásúil in ionad déanamh amhlaidh ar fhoirgneamh aonair. Déanfaidh an Coimisiún measúnú freisin an mbeadh táscairí malartacha, mar shampla úsáid deiridh fuinnimh agus riachtanais fuinnimh, níos oiriúnaí chun críocha Iarscríbhinn I.

Airteagal 29 Faisnéis

Airteagal 30 Comhairliúchán

Airteagal 30

Comhairliúchán

Chun cur chun feidhme éifeachtach na Treorach seo a éascú, rachaidh na Ballstáit i gcomhairle leis na páirtithe leasmhara lena mbaineann, lena n-áirítear údaráis áitiúla agus réigiúnacha, i gcomhréir leis an dlí náisiúnta is infheidhme agus de réir mar is ábhartha. Tá tábhacht ar leith le comhairliúchán den sórt sin maidir le cur i bhfeidhm Airteagal 29.

Airteagal 31 Oiriúnú Iarscríbhinn I don dul chun cinn teicniúil

Airteagal 31

Oiriúnú Iarscríbhinn I don dul chun cinn teicniúil

Glacfaidh an Coimisiún gníomhartha tarmligthe i gcomhréir le hAirteagal 32 chun an Treoir seo a leasú a mhéid a bhaineann le pointí 4 agus 5 d’Iarscríbhinn I a oiriúnú don dul chun cinn teicniúil.

Airteagal 32 An tarmligean a fheidhmiú

Airteagal 33 Nós imeachta coiste

Airteagal 34 Pionóis

Airteagal 34

Pionóis

Déanfaidh na Ballstáit na rialacha a bhaineann leis na pionóis is infheidhme maidir le sáruithe ar fhorálacha náisiúnta arna nglacadh de bhun na Treorach seo a leagan síos agus glacfaidh siad gach beart is gá lena áirithiú go gcuirfear chun feidhme iad. Beidh na pionóis dá bhforáiltear éifeachtach, comhréireach agus athchomhairleach. Tabharfaidh na Ballstáit fógra don Choimisiún faoi na rialacha sin agus na bearta sin gan mhoill agus tabharfaidh siad fógra dó, gan mhoill, faoi aon leasú ina dhiaidh sin a dhéanfaidh difear dóibh.

Airteagal 35 Trasuí

Airteagal 36 Aisghairm

Airteagal 36

Aisghairm

Aisghairtear Treoir 2010/31/AE, arna leasú leis na gníomhartha a liostaítear i gCuid A d’Iarscríbhinn IX, le héifeacht ón 30 Bealtaine 2026, gan dochar d’oibleagáidí na mBallstát maidir leis na teorainneacha ama chun na Treoracha a leagtar amach i gCuid B d’Iarscríbhinn IX a thrasuí sa dlí náisiúnta agus maidir le dátaí chur i bhfeidhm na dTreoracha sin.

Déanfar tagairtí don Treoir aisghairthe a fhorléiriú mar thagairtí don Treoir seo agus léifear iad i gcomhréir leis an tábla comhghaoil atá in Iarscríbhinn X.

Airteagal 37 Teacht i bhfeidhm agus cur i bhfeidhm

Airteagal 37

Teacht i bhfeidhm agus cur i bhfeidhm

Tiocfaidh an Treoir seo i bhfeidhm an 20ú lá tar éis lá a foilsithe in Iris Oifigiúil an Aontais Eorpaigh.

Beidh feidhm ag Airteagail 30, 31, 33 agus 34 ón 30 Bealtaine 2026.

Airteagal 38 Seolaithe

Airteagal 38

Seolaithe

Is chuig na Ballstáit a dhírítear an Treoir seo.

IARSCRÍBHINN I Creat ginearálta comhchoiteann chun feidhmíocht fuinnimh foirgneamh a ríomh

IARSCRÍBHINN I

Creat ginearálta comhchoiteann chun feidhmíocht fuinnimh foirgneamh a ríomh

(dá dtagraítear in Airteagal 4)

1. Cinnfear feidhmíocht fuinnimh foirgnimh ar bhonn úsáid fuinnimh ríofa nó fuinnimh mhéadraithe agus léireofar léi an ghnáthúsáid fuinnimh do théamh spáis, fuarú spáis, uisce te tí, aeráil, soilsiú ionsuite agus córais theicniúla foirgnimh eile. Áiritheoidh na Ballstáit go bhfuil an ghnáthúsáid fuinnimh ionadaíoch do na dálaí iarbhír oibriúcháin maidir le gach tíopeolaíocht ábhartha agus go léiríonn sí iompraíocht thipiciúil an úsáideora. I gcás inar féidir, beidh úsáid thipiciúil fuinnimh agus iompraíocht thipiciúil úsáideoirí bunaithe ar an staidreamh náisiúnta, ar chóid tógála agus ar shonraí méadraithe atá ar fáil.

I gcás inarb é úsáid fuinnimh mhéadraithe an bonn le feidhmíocht fuinnimh foirgneamh a ríomh, beidh an mhodheolaíocht ríofa in ann tionchar iompraíocht na n-áititheoirí agus na haeráide áitiúla a shainaithint, rud nach léireofar mar thoradh ar an ríomh. Maidir le húsáid fuinnimh mhéadraithe chun críocha feidhmíocht fuinnimh foirgneamh a ríomh, beidh gá lena léamh gach mí ar a laghad agus ní mór idirdhealú a dhéanamh idir iompróirí fuinnimh.

Féadfaidh na Ballstáit tomhaltas fuinnimh mhéadraithe a úsáid faoi ghnáthdhálaí oibriúcháin chun cirte na húsáide fuinnimh ríofa a fhíorú agus chun comparáid a dhéanamh idir an fheidhmíocht ríofa agus an fheidhmíocht iarbhír. Féadfar tomhaltas fuinnimh mhéadraithe chun críocha fíoraithe agus comparáide a bhunú ar léamha míosúla.

Cuirfear feidhmíocht fuinnimh foirgnimh in iúl le táscaire uimhriúil d’úsáid fuinnimh phríomhúil in aghaidh an aonaid d’achar urláir tagartha in aghaidh na bliana, in kWh/(m2.y) chun críche feidhmíocht fuinnimh a dheimhniú agus íoscheanglais feidhmíochta fuinnimh a chomhlíonadh araon. Beidh an mhodheolaíocht a chuirfear i bhfeidhm chun feidhmíocht fuinnimh foirgnimh a chinneadh trédhearcach agus oscailte do nuálaíocht.

Tabharfaidh na Ballstáit tuairisc ar a modheolaíocht ríofa náisiúnta ar bhonn Iarscríbhinn A a ghabhann leis na príomhchaighdeáin Eorpacha maidir le feidhmíocht fuinnimh foirgneamh, eadhon (EN) ISO 52000-1, (EN) ISO 52003-1, (EN) ISO 52010-1, (EN) ISO 52016-1, EN ISO 52018-1, (EN) ISO 52120-1, EN 16798-1 agus EN 17423 nó doiciméid a ghabhfaidh ionad na gcaighdeán sin. Ní hionann an fhoráil seo agus códú dlíthiúil na gcaighdeán sin.

Déanfaidh na Ballstáit na bearta is gá chun a áirithiú, i gcás ina soláthraíonn córais téimh nó fuaraithe ceantair foirgnimh, go n-aithneofar agus go dtabharfar cuntas ar thairbhí an tsoláthair sin sa mhodheolaíocht ríofa, go háirithe an sciar den fhuinneamh atá in-athnuaite, trí fhachtóirí fuinnimh phríomhúil atá deimhnithe nó aitheanta ina n-aonar.

2. Déanfar riachtanais fuinnimh agus úsáid fuinnimh do théamh spáis, fuarú spáis, uisce te tí, aeráil, soilsiú agus córais theicniúla foirgnimh eile a ríomh trí úsáid a bhaint as eatraimh ríomha gach mí, gach uair an chloig nó faoi bhun gach uair an chloig chun am a ríomh chun dálaí éagsúla a chur san áireamh a dhéanann difear suntasach d’oibriú agus d’fheidhmíocht an chórais agus do dhálaí laistigh, agus sláinte, cáilíocht aeir laistigh, lena n-áirítear leibhéil chompoird arna sainiú ag na Ballstáit ar an leibhéal náisiúnta nó réigiúnach a bharrfheabhsú.

I gcás ina bhfuil ceanglais shonracha maidir le faisnéis faoi tháirge ar áireamh i rialacháin táirgeshonracha le haghaidh táirgí a bhaineann le fuinneamh arna nglacadh faoi Threoir 2009/125/CE chun feidhmíocht fuinnimh agus GWP ar feadh saolré a ríomh faoin Treoir seo, ní bheidh faisnéis bhreise ag teastáil ó mhodhanna ríofa náisiúnta.

Beidh ríomh an fhuinnimh phríomhúil bunaithe ar fhachtóirí fuinnimh phríomhúil réamhbhreathnaitheacha a ndéantar a thabhairt cothrom le dáta go tráthrialta, (agus fuinneamh neamh-in-athnuaite, in-athnuaite agus iomlán á sonrú) nó ar fhachtóirí ualúcháin in aghaidh an iompróra fuinnimh, nach mór do na húdaráis náisiúnta iad a aithint agus an meascán fuinnimh measta á chur san áireamh ar bhonn a bplean náisiúnta fuinnimh agus aeráide. Féadfar na fachtóirí fuinnimh phríomhúil nó na fachtóirí ualúcháin sin a bhunú ar fhaisnéis náisiúnta, réigiúnach nó áitiúil. Féadfar fachtóirí fuinnimh phríomhúil nó na fachtóirí ualúcháin a shocrú ar bhonn bliantúil, séasúrach, míosúil, laethúil nó in aghaidh na huaire nó ar fhaisnéis níos sonraí a chuirtear ar fáil do chórais ceantair aonair.

Déanfaidh na Ballstáit na fachtóirí fuinnimh phríomhúil nó na fachtóirí ualúcháin a shainiú. Déanfar na roghanna arna ndéanamh agus na foinsí sonraí a thuairisciú de réir EN 17423 nó de réir aon bhundoiciméad. Féadfaidh na Ballstáit meán fhachtóir fuinnimh phríomhúil an Aontais a roghnú do leictreachas arna bhunú de bhun Threoir (AE) 2023/1791 in ionad fachtóir fuinnimh phríomhúil a léiríonn an meascán leictreachais sa tír.

3. Chun feidhmíocht fuinnimh foirgnimh a chur in iúl, déanfaidh na Ballstáit táscairí breise uimhriúla den úsáid fuinnimh phríomhúil iomlán, neamh-in-athnuaite agus in-athnuaite, agus astaíochtaí gás ceaptha teasa oibríochtúla arna dtáirgeadh in kgCO2eq/(m2.y).

4. Leagfar síos an mhodheolaíocht agus na gnéithe seo a leanas ar a laghad á gcur san áireamh:

(a)

na saintréithe teirmeacha iarbhír seo a leanas den fhoirgneamh lena n-áirítear a dheighiltí inmheánacha:

(i)

toilleadh teirmeach;

(ii)

insliú;

(iii)

téamh éighníomhach;

(iv)

eilimintí fuaraithe;

(v)

droichid theirmeacha;

(b)

suiteáil téimh agus soláthar uisce the tí, lena n-áirítear a saintréithe inslithe;

(c)

toilleadh giniúint fuinnimh in-athnuaite agus stórála atá suiteáilte ar an láthair;

(d)

suiteálacha aerchóirithe;

(e)

aeráil nádúrtha agus mheicniúil a bhféadfadh aerdhíonacht agus aisghabháil teasa a bheith mar chuid de;

(f)

suiteáil soilsithe ionsuite (san earnáil neamhchónaithe den chuid is mó);

(g)

dearadh, suíomh agus treoshuíomh an fhoirgnimh, lena n-áirítear an aeráid lasmuigh;

(h)

grianchórais éighníomhacha agus grianchosaint;

(i)

dálaí aeráide laistigh, lena n-áirítear an aeráid dhíonach atá deartha;

(j)

ualaí inmheánacha;

(k)

córais uathoibrithe agus rialaithe foirgnimh agus a gcumas faireachán, rialú agus barrfheabhsú a dhéanamh ar fheidhmíocht fuinnimh.

5. Cuirfear dea-thionchar na ngnéithe seo a leanas san áireamh:

(a)

dálaí áitiúla nochta gréine, grianchórais ghníomhacha agus córais eile téimh agus leictreachais ar bhonn fhuinnimh ó fhoinsí in-athnuaite;

(b)

leictreachas arna tháirgeadh trí chomhghiniúint;

(c)

córais téimh agus fuaraithe ceantair nó bloic;

(d)

soilsiú nádúrtha;

(e)

córais stórála leictrí;

(f)

córais teirmeastórála.

6. Chun feidhmíocht fuinnimh foirgneamh a ríomh, ba cheart na foirgnimh a aicmiú go leordhóthanach sna catagóirí seo a leanas:

(a)

tithe aonteaghlaigh de chineálacha éagsúla;

(b)

bloic árasán;

(c)

oifigí;

(d)

foirgnimh oideachais;

(e)

ospidéil;

(f)

óstáin agus bialanna;

(g)

saoráidí spóirt;

(h)

foirgnimh seirbhísí mórdhíola agus miondíola;

(i)

cineálacha eile foirgneamh a ídíonn fuinneamh.

IARSCRÍBHINN II Teimpléad do na pleananna náisiúnta athchóirithe foirgneamh

IARSCRÍBHINN II

Teimpléad do na pleananna náisiúnta athchóirithe foirgneamh

(dá dtagraítear in Airteagal 3)

An Treoir seo Airteagal 3	Táscairí éigeantacha	Táscairí roghnacha
(a) Forbhreathnú ar an stoc náisiúnta foirgneamh	Líon na bhfoirgneamh agus an t-achar urláir iomlán (m2): — in aghaidh an chineáil foirgnimh (lena n-áirítear foirgnimh phoiblí agus tithíocht shóisialta) — de réir aicme feidhmíochta fuinnimh — foirgneamh atá nach mór neodrach ó thaobh an fhuinnimh de — foirgnimh is neamhfheidhmiúla (lena n-áirítear sainmhíniú) — an 43 % is neamhfheidhmiúla — de na foirgneamh nach foirgnimh chónaithe iad meastachán ar sciar na bhfoirgneamh atá díolmhaithe de bhun Airteagal 9(6), pointe (b)	Líon na bhfoirgneamh agus an t-achar urláir iomlán (m2): — de réir aois an fhoirgnimh — de réir mhéid an fhoirgnimh — in aghaidh an limistéir aeráide — scartáil (líon agus achar urláir iomlán (m2))
	Líon na ndeimhnithe feidhmíochta fuinnimh: — in aghaidh an chineáil foirgnimh (lena n-áirítear foirgnimh phoiblí) — in aghaidh aicme feidhmíochta fuinnimh	Líon na ndeimhnithe feidhmíochta fuinnimh: — in aghaidh na tréimhse foirgníochta
	Rátaí athchóirithe bliantúla: líon agus achar urláir iomlán (m2) — in aghaidh an chineáil foirgnimh — go dtí leibhéil foirgneamh atá nach mór neodrach ó thaobh an fhuinnimh de agus/nó foirgneamh astaíochtaí nialasacha — in aghaidh na doimhneachta athchóirithe (meán-athchóiriú ualaithe) — foirgnimh phoiblí
	Tomhaltas bliantúil fuinnimh phríomhúil agus deiridh (ktoe): — in aghaidh an chineáil foirgnimh — in aghaidh na húsáide deiridh Coigiltis fuinnimh (ktoe): — foirgnimh chónaithe — foirgnimh nach foirgnimh chónaithe iad — foirgnimh phoiblí Meánúsáid fuinnimh phríomhúil in kWh/(m2.y) le haghaidh foirgnimh chónaithe Sciar an fhuinnimh in-athnuaite san earnáil tógála (MW suiteáilte nó GWh ginte): — le haghaidh úsáidí éagsúla	Laghdú ar chostais fuinnimh (EUR) in aghaidh an teaghlaigh (meán) Úsáid fuinnimh phríomhúil foirgnimh a chomhfhreagraíonn don 15 % is airde (tairseach rannchuidithe shubstaintiúil) agus an 30 % is airde (gan an tairseach le haghaidh dochar suntasach a dhéanamh) den stoc náisiúnta foirgneamh, i gcomhréir le Rialachán Tarmligthe (AE) 2021/2139 Sciar de chóras téimh san earnáil tógála in aghaidh an chineáil coire/córas téimh Sciar an fhuinnimh in-athnuaite san earnáil tógála (MW arna shuiteáil nó GWh arna ghiniúint): — ar an láthair — as an láthair
	Astaíochtaí gás ceaptha teasa oibríochtúla bliantúla (kgCO2eq/(m2.y): — in aghaidh an chineáil foirgnimh Laghdú bliantúil ar astaíochtaí gás ceaptha teasa oibríochtúla (kgCO2eq/(m2.y): — in aghaidh an chineáil foirgnimh	GWP ar feadh saolré (kgCO2eq/m2) i bhfoirgnimh nua: — in aghaidh an chineáil foirgnimh
	Bacainní agus teipeanna margaidh (tuairisc): — dreasachtaí deighilte — acmhainneacht na hearnála tógála agus na hearnála fuinnimh Measúnú ar na hacmhainneachtaí san earnáil tógála, in earnáil na héifeachtúlachta fuinnimh agus in earnáil an fhuinnimh in-athnuaite	Bacainní agus teipeanna margaidh (tuairisc): — riaracháin — airgeadais — teicniúil — feasacht — eile An líon: — cuideachtaí seirbhíse fuinnimh — cuideachtaí tógála — ailtirí agus innealtóirí — oibrithe oilte — ionad ilfhreastail — FBManna san earnáil tógála/athchóirithe — comhphobal fuinnimh in-athnuaite agus tionscnamh athchóirithe faoi stiúir na saoránach Réamh-mheastacháin an lucht saothair tógála: — ailtirí/innealtóirí/oibrithe oilte atá ag dul ar scor — ailtirí/innealtóirí/oibrithe oilte atá ag teacht isteach sa mhargadh — daoine óga san earnáil — mná san earnáil Forléargas agus réamhaisnéis ar éabhlóid na bpraghsanna ar ábhair thógála agus ar fhorbairtí sa mhargadh náisiúnta
	Bochtaineacht fuinnimh (sainmhíniú): — % de na daoine a bhfuil tionchar ag bochtaineacht fuinnimh orthu — an cion d’ioncam indiúscartha teaghlaigh a chaitear ar fhuinneamh — daonra ina gcónaí faoi dhálaí cónaithe nach bhfuil sách maith (e.g. díon ag sileadh) nó le dálaí compoird theirmigh nach bhfuil sách maith
	Príomhfhachtóirí fuinnimh: — in aghaidh an iompróra fuinnimh — fachtóir fuinnimh phríomhúil neamh-in-athnuaite — príomhfhachtóir fuinnimh in-athnuaite — fachtóir fuinnimh phríomhúil iomlán
	Sainmhíniú ar fhoirgneamh atá nach mór neodrach ó thaobh an fhuinnimh de d“fhoirgnimh nua agus d”fhoirgnimh atá ann cheana féin	Forléargas ar an gcreat dlíthiúil agus riaracháin
	Ceanglais íosta le haghaidh feidhmíochta fuinnimh is fearr ó thaobh costais de le haghaidh foirgneamh nua agus foirgneamh atá ann cheana féin
(b) Treochlár le haghaidh 2030, 2040, 2050	Spriocanna do rátaí athchóirithe bliantúla: líon agus achar urláir iomlán (m2): — in aghaidh an chineáil foirgnimh — foirgnimh is neamhfheidhmiúla — an 43 % is neamhfheidhmiúla De na foirgnimh chónaithe Eolas de bhun Airteagal 9(1): — critéir chun foirgnimh aonair nach foirgnimh chónaithe iad a dhíolmhú — sciar measta na bhfoirgneamh nach foirgnimh chónaithe iad díolmhaithe — meastachán ar fheabhsuithe coibhéiseacha ar fheidhmíocht fuinnimh mar gheall ar fhoirgnimh nach foirgnimh chónaithe iad dhíolmhaithe	Spriocanna le haghaidh sciar ionchasach (%) d’fhoirgnimh athchóirithe: — in aghaidh an chineáil foirgnimh — in aghaidh na doimhneachta athchóirithe
	Spriocanna don tomhaltas bliantúil fuinnimh phríomhúil agus deiridh a bhfuiltear ag súil leis (ktoe): — in aghaidh an chineáil foirgnimh — in aghaidh na húsáide deiridh An coigilteas fuinnimh measta: — in aghaidh an chineáil foirgnimh Spriocanna maidir le sciar an fhuinnimh in-athnuaite a mhéadú i gcomhréir le hAirteagal 15a de Threoir (AE) 2018/2001 Spriocanna uimhriúla maidir le grianfhuinneamh a chur in úsáid i bhfoirgnimh	An sciar den fhuinneamh ó fhoinsí in-athnuaite san earnáil tógála (MW arna shuiteáil nó GWh arna ghiniúint)
	Spriocanna maidir le hastaíochtaí gás ceaptha teasa oibríochtúla measta (kgCO2eq/(m2.y): — in aghaidh an chineáil foirgnimh Spriocanna don laghdú ar astaíochtaí gás ceaptha teasa oibríochtúla measta (%): — in aghaidh an chineáil foirgnimh	Foroinnt idir astaíochtaí a chumhdaítear le Caibidil III [suiteálacha do-aistrithe], Caibidil IVa [córas trádála astaíochtaí d’fhoirgnimh, d’iompar de bhóthar agus d’earnálacha breise] de Threoir 2003/87/CE, agus stoc eile; Spriocanna measta maidir le hastaíochtaí gás ceaptha teasa ar feadh na saolré iomláine (kgCO2eq/(m2.y) i bhfoirgnimh nua: — in aghaidh an chineáil foirgnimh
	Na sochair mheasta níos leithne: — Laghdú % ar na daoine a bhfuil tionchar ag an mbochtaineacht fuinnimh orthu	— Poist nua a chruthú — Méadú ar OTI (scair agus billiún Euro)
	Rannchuidiú an Bhallstáit le spriocanna éifeachtúlachta fuinnimh an Aontais i gcomhréir le hAirteagal 4 de Threoir (AE) 2023/1791 atá inchurtha i leith athchóiriú a stoic foirgneamh (sciar agus figiúr ktoe)
	Rannchuidiú an Bhallstáit le spriocanna an Aontais maidir le fuinneamh in-athnuaite i gcomhréir le Treoir (AE) 2018/2001 atá inchurtha i leith athchóiriú stoic foirgneamh (sciar, MW arna shuiteáil nó GWh arna ghiniúint)
(c) Forléargas ar na beartais agus na bearta atá curtha chun feidhme agus atá beartaithe	Beartais agus bearta maidir leis na heilimintí seo a leanas: (a) cuir chuige chostéifeachtacha i leith athchóiriú a shainaithint le haghaidh cineálacha éagsúla foirgneamh agus criosanna aeráide, ag féachaint do na truicphointí ábhartha a d’fhéadfadh a bheith ann i saolré an fhoirgnimh; (b) íoschaighdeáin feidhmíochta fuinnimh náisiúnta de bhun Airteagal 9 agus beartais agus gníomhaíochtaí eile chun díriú ar na codanna is neamhfheidhmiúla den stoc náisiúnta foirgneamh, lena n-áirítear na coimircí dá dtagraítear in Airteagal 17(19); (c) athchóiriú domhain foirgneamh, lena n-áirítear athchóiriú domhain céimneach a chur chun cinn; (d) custaiméirí leochaileacha a chumhachtú agus a chosaint agus laghdú a dhéanamh ar bhochtaineacht fuinnimh, lena n-áirítear beartais agus bearta de bhun Airteagal 24 de Threoir (AE) 2023/1791, agus inacmhainneacht tithíochta; (e) ionaid ilfhreastail nó sásraí dá samhail a chruthú de bhun Airteagal 18 chun comhairle agus cúnamh teicniúil, riaracháin agus airgeadais a sholáthar; (f) téamh agus fuarú a dhícharbónú, lena n-áirítear trí ghréasáin téimh agus fuaraithe ceantair, agus deireadh a chur de réir a chéile le breoslaí iontaise i dtéamh agus i bhfuarú d’fhonn deireadh iomlán a chur le coirí breosla iontaise faoi 2040; (g) dramhaíl tógála agus scartála a chosc agus cóireáil ar ardcháilíocht a dhéanamh orthu i gcomhréir le Treoir 2008/98/CE, go háirithe a mhéid a bhaineann le hord na réiteach dramhaíola, agus cuspóirí an gheilleagair chiorclaigh; (h) foinsí fuinnimh in-athnuaite a chur chun cinn i bhfoirgnimh i gcomhréir leis an sprioc tháscach maidir le sciar an fhuinnimh ó fhoinsí in-athnuaite san earnáil tógála a leagtar síos in Airteagal 15a(1) de Threoir (AE) 2018/2001; (i) suiteálacha grianfhuinnimh a chur in úsáid ar fhoirgnimh; (j) an laghdú ar astaíochtaí gás ceaptha teasa ar feadh na saolré iomláine chun foirgnimh a fhoirgniú, a athchóiriú, a oibriú agus a chríochnú, agus chun glacadh le haistrithe carbóin; (k) cur chuige an cheantair agus na comharsanachta agus cláir athchóirithe chomhtháite a chur chun cinn ar leibhéal an cheantair, lena bhféadfar aghaidh a thabhairt ar shaincheisteanna mar shampla fuinneamh, soghluaisteacht, bonneagar glas, cóireáil dramhaíola agus uisce agus gnéithe eile den phleanáil uirbeach agus lena bhféadfar acmhainní áitiúla agus réigiúnacha, ciorclaíocht agus leordhóthanacht a chur san áireamh; (l) feabhsú foirgneamh atá faoi úinéireacht comhlachtaí poiblí, lena n-áirítear beartais agus bearta de bhun Airteagail 5, 6 agus 7 de Threoir (AE) 2023/1791; (m) teicneolaíochtaí cliste agus bonneagar le haghaidh soghluaisteacht inbhuanaithe i bhfoirgnimh a chur chun cinn; (n) aghaidh a thabhairt ar bhacainní margaidh agus teipeanna margaidh; (o) aghaidh a thabhairt ar bhearnaí scileanna agus oideachas, oiliúint spriocdhírithe, uas-sciliú agus athsciliú a chur chun cinn san earnáil tógála, in earnáil na héifeachtúlachta fuinnimh agus san earnáil fuinnimh in-athnuaite (poiblí nó príobháideach), d’fhonn a áirithiú go mbeidh go leor oibrithe ann ag a bhfuil an leibhéal iomchuí scileanna a chomhfhreagraíonn do na riachtanais san earnáil tógála, agus béim ar leith á leagan ar na grúpaí atá faoi ghannionadaíocht; (p) feachtais ardaithe feasachta agus uirlisí comhairleacha eile; agus (q) réitigh mhodúlacha agus thionsclaithe chun tógáil agus athchóiriú foirgneamh a chur chun cinn. I gcás gach beartais agus birt: — ainm an bheartais nó an bhirt — tuairisc ghairid (raon feidhme beacht, cuspóir agus coinníollacha oibríochta) — cuspóir cainníochtaithe — cineál beartais nó birt (mar shampla beartas nó beart reachtach; eacnamaíoch; fioscach; oiliúint, feasacht) — an buiséad agus foinsí maoinithe atá beartaithe — eintitis atá freagrach as an mbeartas a chur chun feidhme — an tionchar a bhfuiltear ag súil leis — stádas cur chun feidhme — dáta teacht i bhfeidhm — tréimhse chur chun feidhme	Beartais agus bearta maidir leis na heilimintí seo a leanas: (a) athléimneacht foirgneamh ó thaobh aeráide de a mhéadú; (b) an margadh seirbhísí fuinnimh a chur chun cinn; (c) méadú ar shábháilteacht ó dhóiteán; (d) athléimneacht i gcoinne rioscaí tubaiste a mhéadú, lena n-áirítear priacail a bhaineann le dianghníomhaíocht sheismeach; (e) substaintí guaiseacha a bhaint, lena n-áirítear aispeist; (f) inrochtaineacht do dhaoine faoi mhíchumas; (g) ról na bpobal fuinnimh in-athnuaite agus na bpobal fuinnimh saoránach i gcuir chuige ceantair agus comharsanachta; (h) aghaidh a thabhairt ar neamhréireanna in acmhainneachtaí an duine; agus (i) aghaidh a thabhairt ar cháilíocht na timpeallachta laistigh a fheabhsú. I gcás gach beartais agus birt: — acmhainní agus acmhainneachtaí riaracháin — an réimse/na réimsí a chumhdaítear — is neamhfheidhmiúla — íoschaighdeáin feidhmíochta fuinnimh — bochtaineacht fuinnimh, tithíocht shóisialta — foirgnimh phoiblí — cónaitheach (teaghlach aonair, ilchlann) — foirgnimh nach foirgnimh chónaithe iad — tionscal — foinsí in-athnuaite fuinnimh — deireadh a chur de réir a chéile le breoslaí iontaise i dtéamh agus i bhfuarú — astaíochtaí gás ceaptha teasa ar feadh na saolré iomláine — an geilleagar ciorclach agus dramhaíl — ionaid ilfhreastail — pasanna athchóirithe — teicneolaíochtaí cliste — soghluaisteacht inbhuanaithe i bhfoirgnimh — cur chuige ceantair agus comharsanachta — scileanna, oiliúint — feachtais feasachta agus uirlisí comhairleacha
(d) Achoimre ar na riachtanais infheistíochta, ar na foinsí buiséadacha agus ar na hacmhainní riaracháin	— riachtanais iomlána infheistíochta le haghaidh 2030, 2040, 2050 (EUR milliún) — infheistíochtaí poiblí (EUR milliún) — infheistíochtaí príobháideacha (EUR milliún) — acmhainní buiséadacha
(e) Tairseacha le haghaidh foirgnimh astaíochtaí nialasacha nua agus athchóirithe, dá dtagraítear in Airteagal 11	— tairseacha d’astaíochtaí gás ceaptha teasa oibríochtúla i bhfoirgnimh astaíochtaí nialasacha nua; — tairseacha d’astaíochtaí gás ceaptha teasa oibríochtúla i bhfoirgnimh astaíochtaí nialasacha athchóirithe; — tairseacha d’úsáid fuinnimh phríomhúil bhliantúil i bhfoirgnimh astaíochtaí nialasacha nua; — tairseacha d’úsáid fuinnimh phríomhúil bhliantúil i bhfoirgnimh astaíochtaí nialasacha athchóirithe
(f) Íoschaighdeáin feidhmíochta fuinnimh le haghaidh foirgnimh nach foirgnimh chónaithe iad	— uastairseacha feidhmíochta fuinnimh, de bhun Airteagal 9(1)
(g) Conair náisiúnta chun an stoic foirgneamh cónaithe a athchóiriú de réir a chéile	— an chonair náisiúnta chun an stoc foirgneamh cónaithe a athchóiriú de réir a chéile, lena n-áirítear garspriocanna 2030 agus 2035 le haghaidh meánúsáid fuinnimh phríomhúil in kWh/(m2.y), de bhun Airteagal 9(2)

IARSCRÍBHINN III GWP ar feadh saolré a ríomh i gcás foirgnimh nua de bhun Airteagal 7(2)

IARSCRÍBHINN III

GWP ar feadh saolré a ríomh i gcás foirgnimh nua de bhun Airteagal 7(2)

1. CREAT GINEARÁLTA

Leis an iarscríbhinn seo leagtar amach creat de chuid an Aontais maidir le GWP ar feadh saolré a ríomh ar bhonn náisiúnta d’fhonn na torthaí i ndeimhniú feidhmíochta fuinnimh an fhoirgnimh a nochtadh de bhun Airteagal 7(2). Chun comhlíonadh teorainnluacha a fhíorú de bhun Airteagal 7(5), féadfaidh na Ballstáit a chinneadh codanna áirithe de chéimeanna saolré agus codanna áirithe de raon feidhme comhpháirteanna foirgnimh a fhágáil ar lár, mar shampla trí chomhéifeachtaí ualaithe a bhaineann le dáta na n-astaíochtaí le linn shaolré an fhoirgnimh a chur i bhfeidhm.

Déanfar GWP ar feadh saolré foirgneamh nua a ríomh i gcomhréir leis na híoscheanglais a leagtar amach san Iarscríbhinn seo agus de réir chodanna ábhartha chaighdeán EN 15978 (EN 15978:2011 Inbhuanaitheacht oibreacha foirgníochta. Feidhmíocht chomhshaoil foirgneamh a mheasúnú. Modh ríofa) agus aon chaighdeán ina dhiaidh sin a bhaineann le hinbhuanaitheacht oibreacha foirgníochta agus an modh ríofa chun measúnú a dhéanamh ar fheidhmíocht chomhshaoil foirgneamh á gcur san áireamh. Ní hionann sin agus códú dlíthiúil an chaighdeáin sin.

Léireoidh an GWP ar feadh saolré a nochtfar i ndeimhniú feidhmíochta fuinnimh an fhoirgnimh an chéim mar a tógadh.

2. TRÉIMHSE STAIDÉIR TAGARTHA

Déanfar an GWP ar feadh saolré a ríomh thar thréimhse staidéir tagartha 50 bliain ( 9 ).

3. SONRAÍ LE hAGHAIDH RÍOMHA

Úsáidfear sonraí arna n-eisiúint i gcomhréir le Rialacháin (AE) Uimh. 305/2011 ( 10 ) nó (AE) 2024/3110 ( 11 ) ó Phairlimint na hEorpa agus ón gComhairle, dá ngairtear “sonraí atá ar fáil faoin Rialachán maidir le Táirgí Foirgníochta” i dTábla 1, nuair a bheidh siad ar fáil. Má tá siad comhoiriúnach le “sonraí atá ar fáil faoin Rialachán maidir le Táirgí Foirgníochta”, úsáidfear freisin sonraí arna n-eisiúint i gcomhréir le rialacháin táirgí arna nglacadh ar bhonn Threoir 2009/125/CE, Rialachán (AE) 2017/1369, nó Rialachán (AE) 2024/1781 ó Pharlaimint na hEorpa agus ón gComhairle ( 12 ), dá ngairtear “sonraí atá ar fáil faoin reachtaíocht maidir le héicidhearthóireacht agus lipéadú fuinnimh” i dTábla 1. Mura bhfuil sonraí den sórt sin ar fáil, féadfar cineálacha eile sonraí dá dtagraítear i dTábla 1 a úsáid. Áiritheoidh na Ballstáit an cruinneas agus an iontaofacht is airde is féidir maidir le torthaí ríomh GWP ar feadh saolré agus moltar dóibh úsáid sonraí tionscadalsonracha nó táirgeshonracha a cheadú, ar sonraí iad a bhfuil cáilíocht níos airde agus beachtas níos airde acu ná sonraí cineálacha nó luachanna réamhshocraithe.

Tábla 1

Forbhreathnú ar shainmhínithe ar chineálacha éagsúla sonraí faoi tháirgí foirgníochta

Cineál sonraí	Sainmhíniú agus úsáid
Sonraí atá ar fáil faoin Rialachán maidir le Táirgí Foirgníochta	Sonraí táirge maidir leis na héifeachtaí ar an athrú aeráide a fhaightear ón dearbhú feidhmíochta agus comhréireachta faoi Rialachán (AE) Uimh. 305/2011 nó Rialachán (AE) 2024/3110, lena n-áirítear dearbhú feidhmíochta agus comhréireachta a chumhdaítear le sonraíocht theicniúil chomhchuibhithe agus dearbhú feidhmíochta agus comhréireachta arna eisiúint i gcomhréir leis an doiciméad ábhartha um measúnú Eorpach agus leis an measúnú teicniúil Eorpach.
Sonraí atá ar fáil faoi reachtaíocht maidir le héicidhearthóireacht agus lipéadú fuinnimh	Sonraí comhoiriúnacha arna n-eisiúint i gcomhréir le rialacháin táirgí arna nglacadh ar bhonn Threoir 2009/125/CE, Rialachán (AE) 2017/1369 nó Rialachán (AE) 2024/1781.
Sonraí tionscadalsonracha	Sonraí tionscadalsonracha arna ríomh i gcomhréir le caighdeán EN 15804 nó EN 50693 nó caighdeán comhoiriúnach, cé nár eisíodh iad faoi Rialachán (AE) Uimh. 305/2011 ná faoi Rialachán (AE) 2024/3110 ná faoi rialacháin táirgí arna nglacadh ar bhonn Threoir 2009/125/CE, Rialachán (AE) 2017/1369 nó Rialachán (AE) 2024/1781. Ní fhéadfar na sonraí sin a úsáid ach amháin má cheadaítear go sonrach iad leis an reachtaíocht náisiúnta.
Sonraí táirgeshonracha	Sonraí táirgeshonracha arna ríomh i gcomhréir le caighdeán EN 15804 nó EN 50693 nó caighdeán comhoiriúnach, cé nár eisíodh iad faoi Rialachán (AE) Uimh. 305/2011 ná faoi Rialachán (AE) 2024/3110 ná faoi rialacháin táirgí arna nglacadh ar bhonn Threoir 2009/125/CE, Rialachán (AE) 2017/1369 nó Rialachán (AE) 2024/1781. Ní fhéadfar na sonraí sin a úsáid ach amháin má cheadaítear go sonrach iad leis an reachtaíocht náisiúnta.
Meánsonraí le haghaidh grúpa táirgí i gcomhréir le caighdeán EN 15804 nó EN 50693	Léiríonn sonraí comhshaoil earnála meán na dtáirgí iomadúla ó chuideachta amháin nó níos mó agus is comhlachais tionscail nó eagraíochtaí coibhéiseacha eile a chumhdaíonn an táirge a sholáthraíonn iad. Ní fhéadfar na sonraí sin a úsáid ach amháin má cheadaítear go sonrach iad leis an reachtaíocht náisiúnta.
Sonraí cineálacha	Sonraí comhshaoil cineálacha arna ríomh i gcomhréir le caighdeán EN 15804 nó EN 50693 nó caighdeán comhoiriúnach do ghrúpa táirgí le haghaidh tíre nó réigiúin. D’fhéadfadh sé nach sonraí a bhaineann go sonrach le suíomh nó le fiontar iad na sonraí sin. Leagfaidh na Ballstáit rialacha soiléire síos maidir leis an gcaoi a ndéanfar na sonraí sin a ghiniúint nó a ríomh, ar bhonn sonraí comhchosúla táirgeshonracha atá ann cheana. Beidh na rialacha sin bunaithe ar thoimhdí coimeádacha, ionas nach dtabharfar tús áite do shonraí cineálacha ar bhonn éagórach thar shonraí táirgeshonracha. Féadfaidh na Ballstáit sonraí cineálacha a bhunú le haghaidh táirgí foirgníochta athúsáidte, agus na tairbhí a bhaineann le cuir chuige chiorclacha á gcur san áireamh.
Luachanna réamhshocraithe	Féadfar sonraí comhshaoil arna ríomh i gcomhréir le caighdeán EN 15804 nó EN 50693 nó caighdeán comhoiriúnach a úsáid chun bearnaí sonraí a líonadh, i gcás nach bhfuil aon cheann de na cineálacha sonraí thuas ar fáil, nó i gcás inar gá an ríomh a shimpliú. Féadfar luachanna réamhshocraithe a leagan amach do raon feidhme sonrach eiliminte foirgnimh nó eilimintí foirgnimh iomadúla, nó do raon feidhme fomhodúil saolré nó modúil saolré, nó do raon feidhme fomhodúl saolré iomadúil nó modúl saolré iomadúil. Féadfaidh na Ballstáit luachanna réamhshocraithe a shocrú le toimhdí coimeádacha lena spreagtar an ríomh le sonraí sonracha nuair a bheidh siad ar fáil. Féadfaidh na Ballstáit sraith luachanna réamhshocraithe a shocrú lena n-áiritheofar gur féidir GWP ar feadh saolré foirgneamh nua a nochtadh, de bhun Airteagal 7(2), fiú in éagmais aon sonraí sonracha.

Leagfaidh na Ballstáit amach rialacha soiléire, le cur chuige comhsheasmhach coimeádach, chun sonraí ginearálta agus luachanna réamhshocraithe a ghiniúint agus a thabhairt cothrom le dáta. Áiritheoidh na Ballstáit go gcuirfear na sonraí is gá, lena n-áirítear sonraí cineálacha agus luachanna réamhshocraithe, ar fáil go poiblí, rud lena gcumasófar ríomh GWP ar feadh saolré foirgneamh nua faoi na dátaí a leagtar amach in Airteagal 7(2), lena n-áirítear i gcásanna nach bhfuil sonraí tionscadalsonracha nó táirgeshonracha ar fáil.

Maidir le cineálacha sonraí seachas sonraí atá ar fáil faoin Rialachán maidir le Táirgí Foirgníochta nó faoin reachtaíocht maidir le héicidhearthóireacht agus lipéadú fuinnimh, moltar do na Ballstáit ilroinnt an mhargaidh a theorannú trí aitheantas a thabhairt do shonraí iontaofa agus comhoiriúnacha atá ar fáil arna n-eisiúint in aon Bhallstát, lena n-áirítear sonraí táirgeshonracha agus sonraí tionscadalsonracha le tionscadal arna ríomh i gcomhréir le EN 15804 nó EN 50693 nó caighdeán comhoiriúnach. In aon chás, déanfaidh na Ballstáit na bearta is gá chun comhsheasmhacht agus comhoiriúnacht a áirithiú idir sonraí, agus na sonraí sin ó fhoinsí éagsúla á gcomhcheangal acu agus áiritheoidh siad go mbeidh na torthaí deiridh don GWP ar feadh saolré iontaofa.

4. ACHAR URLÁIR ÚSÁIDEACH

Sloinnfear GWP ar feadh saolré in aonaid kg CO2eq/m2 d’achar urláir úsáideach.

Leagfaidh na Ballstáit amach conas a úsáidfear an sainmhíniú ar achar urláir úsáideach sa chleachtas chun GWP ar feadh saolré foirgneamh nua a ríomh. Comhfhreagróidh an t-achar urláir úsáideach d’achar na gcodanna den fhoirgneamh a chumhdaítear le ríomh GWP ar feadh saolré agus ní shínfidh sé thar an imchlúdach foirgnimh. Tabharfaidh na Ballstáit tuairisc ar an leibhéal náisiúnta ar an achar urláir úsáideach atá glactha i dtéarmaí achair éagsúla ar comhpháirteanna iad, mar a shainítear i gcomhréir leis na Caighdeáin Idirnáisiúnta um Thomhas Maoine ( 13 ) nó i gcomhréir le caighdeán coibhéiseach, lena n-áirithítear trédhearcacht, comhsheasmhacht agus inchomparáideacht na dtomhas achair urláir.

Déanfar GWP ar feadh saolré a ríomh agus a nochtadh i ndeimhniú feidhmíochta fuinnimh an fhoirgnimh, i gcomhréir le hAirteagal 19 agus Iarscríbhinn V, nó i ndeimhniú feidhmíochta fuinnimh an aonaid foirgnimh i gcás inarb infheidhme. Más ábhartha, féadfaidh na Ballstáit rialacha a leagan síos maidir le leithdháileadh na n-astaíochtaí ó chomhpháirteanna foirgnimh atá comhroinnte ag foirgnimh iomadúla. Áiritheofar leis na rialacha sin go mbeidh an ríomh GWP ar feadh saolré cothrom, trédhearcach agus comhsheasmhach ar fud foirgnimh agus tionscadail éagsúla.

5. RAON FEIDHME NA gCÉIMEANNA SAOLRÉ

Déanfar GWP ar feadh saolré a ríomh do gach céim saolré is gá, mar a leagtar amach i dTábla 2. Féadfaidh na Ballstáit a chinneadh aon chéim roghnach saolré a eisiamh ón ríomh, mar a leagtar amach i dTábla 2.

Le haghaidh gach céime saolré, nuair a chuirtear an iliomad cásanna ar fáil leis an bhfaisnéis atá ar fáil ar leibhéal an táirge, beidh an ríomh ar leibhéal an fhoirgnimh chomh hionadaíoch agus is féidir don tionscadal foirgníochta nó don fhoirgneamh. Nuair nach bhfuil faisnéis iontaofa ar fáil, nó nuair atá ríomh simplithe ábhartha, féadfaidh na Ballstáit a chinneadh cead a thabhairt cás réamhshocraithe a úsáid le haghaidh an ríomha, bunaithe ar phrionsabal an cháis is measa.

Féadfaidh na Ballstáit luachanna réamhshocraithe a ghlacadh le haghaidh aon chéime saolré nó céime fo-shaolré i gcomhréir leis na ceanglais a bhaineann le sonraí le haghaidh ríomha a leagtar amach i Roinn 3 chun bearnaí sonraí a líonadh nó nuair is gá an ríomh a shimpliú.

Tábla 2

Céimeanna saolré le ríomh, de réir EN15978:2011 agus prEN15978: 2025 agus aon chaighdeán ina dhiaidh sin a bhaineann le hinbhuanaitheacht oibreacha foirgníochta agus an modh ríofa chun measúnú a dhéanamh ar fheidhmíocht chomhshaoil foirgneamh á gcur san áireamh

Céimeanna saolré		Riachtanach/Roghnach
EN15978:2011	prEN15978:2025	Riachtanach/Roghnach
A1: Soláthar amhábhar	A1: Eastóscadh agus táirgeadh réamhtheachtach	Riachtanach
A2: Iompar	A2: Iompar chuig an monarcha	Riachtanach
A3: Monaraíocht	A3: Monaraíocht	Riachtanach
A4: Iompar	A4: Iompar	Riachtanach Féadfaidh na Ballstáit a roghnú an ríomh a theorannú d’fhaisnéis atá ar fáil ar leibhéal an táirge agus do shonraí ginearálta coibhéiseacha nó do luach réamhshocraithe
A5: Próiseas suiteála tógála	A5: Próiseas suiteála tógála	Riachtanach Féadfaidh na Ballstáit a roghnú próisis a bhaineann le scartáil réamhthógála agus iompar oibrithe foirgníochta chuig an láithreán agus uaidh a eisiamh. Má ríomhtar próiseas a bhaineann le scartáil réamhthógála nó iompar oibrithe foirgníochta chuig an láithreán agus uaidh, tuairisceofar na torthaí mar tháscairí ar leithligh
B1: Úsáid	B1: Úsáid B1.1: Astaíochtaí ó ábhair agus ó charbónú B1.2: Astaíochtaí éalaitheacha cuisneán	Riachtanach Féadfaidh na Ballstáit a roghnú an ríomh a theorannú d’fhaisnéis atá ar fáil ar leibhéal an táirge agus do shonraí ginearálta coibhéiseacha nó do luach réamhshocraithe, lena n-áirítear an tionchar a bhaineann le hastaíochtaí éalaitheacha cuisneán
B2: Cothabháil	B2: Cothabháil	Riachtanach Féadfaidh na Ballstáit a roghnú an ríomh a theorannú d’fhaisnéis atá ar fáil ar leibhéal an táirge agus do shonraí ginearálta coibhéiseacha nó do luach réamhshocraithe
B3: Deisiú	B3: Deisiú	Riachtanach Féadfaidh na Ballstáit a roghnú an ríomh a theorannú d’fhaisnéis atá ar fáil ar leibhéal an táirge agus do shonraí ginearálta coibhéiseacha nó do luach réamhshocraithe
B4: Athchur	B4: Comhpháirteanna foirgnimh a athsholáthar	Riachtanach Socróidh na Ballstáit go soiléir ar an leibhéal náisiúnta an riail maidir leis an líon athsholáthairtí a chainníochtú le haghaidh na gcomhpháirteanna nó na dtáirgí atá le cur i bhfeidhm, mar shampla, uimhir dheachúil mheánach shimplí na n-athsholáthairtí, slánuimhir na n-athsholáthairtí Nuair a bheidh sí ar fáil, úsáidfear faisnéis a bhaineann leis an tsaolré seirbhíse tagartha a chuirtear ar fáil i gcomhréir le Rialachán (AE) Uimh. 305/2011 nó le Rialachán (AE) 2024/3110 nó le rialacháin táirgí arna nglacadh ar bhonn Threoir 2009/125/CE, Rialachán (AE) 2017/1369 nó Rialachán (AE) 2024/1781.
B5: Athchóiriú	B5: Athchóiriú	Roghnach
B6: Úsáid fuinnimh oibríochtúil	B6: Úsáid fuinnimh oibríochtúil B6.1: Córais rialáilte atá comhtháite san fhoirgneamh (seirbhísí) B6.2: Córais neamhrialáilte atá comhtháite san fhoirgneamh (seirbhísí) B6.3: Úsáid eile fuinnimh a bhaineann le gníomhaíochtaí úsáideoirí foirgnimh	Riachtanach Ba cheart an ríomh a bheith comhsheasmhach le ríomh na n-astaíochtaí gás ceaptha teasa oibríochtúla, i gcomhréir leis an gcreat ginearálta comhchoiteann a leagtar amach in Iarscríbhinn I. Féadfaidh na Ballstáit an ríomh a theorannú do chórais rialáilte atá comhtháite san fhoirgneamh (seirbhísí) a chumhdaítear leis an Treoir seo, agus dóibh sin amháin. Má chinneann na Ballstáit fachtóirí réamhbhreathnaitheacha maidir le hastaíochtaí gás ceaptha teasa (GCT) a cheadú le haghaidh na n-astaíochtaí oibríochtúla, tabharfar údar cuí leis na fachtóirí, beidh siad comhsheasmhach agus saineofar go soiléir iad don tréimhse staidéir tagartha iomlán Déanfar leithdháileadh thionchair an fhuinnimh onnmhairithe i gcomhréir le caighdeán EN 15978. Tuairiscítear tionchar an fhuinnimh onnmhairithe i gcéim saolré D2
B7: Úsáid uisce oibríochtúil	B7: Úsáid uisce oibríochtúil B7.1: Córais fhíor-riachtanacha atá comhtháite san fhoirgneamh (leithris, cithfholcadáin, seomraí folctha, téamh, fuarú, aeráil, bogthaisiú, agus uisciú) B7.2: Córais chomhtháite eile san fhoirgneamh (linnte snámha, sánaí etc.) B7.3: Córais neamh-chomhtháite san fhoirgneamh (mar shampla, miasniteoirí tí, meaisíní níocháin, etc.)	Roghnach
	B8: Gníomhaíochtaí úsáideoirí atá comhtháite san fhoirgneamh, nach gcumhdaítear le B1-B7 B8.1: Daoine a iompar chuig an bhfoirgneamh agus uaidh B8.2: Feithiclí leictreacha a luchtú laistigh den láithreán tógála B8.3: Eile, amhail úsáid “tomhaltáin” ar nós páipéar i gcás oifigí, nó troscán agus trealamh nach bhfuil daingnithe don fhoirgneamh	Roghnach
C1: Díthógáil	C1: Díthógáil / Scartáil	Riachtanach Féadfaidh na Ballstáit a roghnú an ríomh a theorannú d’fhaisnéis atá ar fáil ar leibhéal an táirge agus do shonraí ginearálta coibhéiseacha nó do luach réamhshocraithe
C2: Iompar	C2: Iompar chuig próiseáil nó diúscairt dramhaíola	Riachtanach Féadfaidh na Ballstáit a roghnú an ríomh a theorannú d’fhaisnéis atá ar fáil ar leibhéal an táirge agus do shonraí ginearálta coibhéiseacha nó do luach réamhshocraithe.
C3: Próiseáil dramhaíola le haghaidh athúsáide, athchúrsála agus/nó aisghabhála	C3: Próiseáil dramhaíola le haghaidh athúsáide, athchúrsála agus/nó aisghabhála	Riachtanach Féadfaidh na Ballstáit a roghnú an ríomh a theorannú d’fhaisnéis atá ar fáil ar leibhéal an táirge agus do shonraí ginearálta coibhéiseacha nó do luach réamhshocraithe
C4: Diúscairt	C4: Diúscairt dramhaíola	Riachtanach Féadfaidh na Ballstáit a roghnú an ríomh a theorannú d’fhaisnéis atá ar fáil ar leibhéal an táirge agus do shonraí ginearálta coibhéiseacha nó do luach réamhshocraithe
D: Tairbhí agus ualaí lasmuigh de theorainn an chórais	D1: Athúsáid, athchúrsáil agus aisghabháil fuinnimh mar thoradh ar ghlansreafaí ábhar ag imeacht ó theorainn an chórais	Riachtanach Féadfaidh na Ballstáit a roghnú an ríomh a theorannú d’fhaisnéis atá ar fáil ar leibhéal an táirge agus do shonraí ginearálta coibhéiseacha nó do luach réamhshocraithe
D: Tairbhí agus ualaí lasmuigh de theorainn an chórais	D2: Tairbhí agus ualaí féideartha ó fhóntais onnmhairithe (mar shampla, fuinneamh leictreach, fuinneamh teirmeach, uisce inólta)	Riachtanach

6. LEITHDHÁILEADH ASTAÍOCHTAÍ A BHAINEANN LE TOMHALTAS FUINNIMH FOIRGNIMH AGUS GINIÚINT AR AN LÁTHAIR

Leagtar amach i dTábla 3 na trí chur chuige a d’fhéadfadh a bheith ann chun astaíochtaí corpraithe a bhaineann le tomhaltas fuinnimh foirgnimh agus giniúint ar an láthair a leithdháileadh. Chun trédhearcacht, comhsheasmhacht agus cruinneas a áirithiú sa ríomh, roghnóidh na Ballstáit ceann de na cuir chuige a liostaítear i dTábla 3, is iad sin cur chuige A, cur chuige B1 nó cur chuige B2. Má ghlactar cur chuige B1 nó B2 ar an leibhéal náisiúnta, cuirfidh na Ballstáit na rialacha leithdháilte roghnaithe is gá don ríomh ar fáil go poiblí i gcomhréir leis an ríomh fuinnimh agus leis na caighdeáin ábhartha.

Chun GWP ar feadh saolré a ríomh, déanfar na hastaíochtaí oibríochtúla a bhaineann le tomhaltas fuinnimh foirgnimh agus giniúint ar an láthair le linn gach céime saolré a leithdháileadh i gcomhréir leis an rogha maidir le leithdháileadh na n-astaíochtaí corpraithe agus i gcomhréir le caighdeán EN 15978.

Tábla 3

Astaíochtaí corpraithe maidir le táirgeadh fuinnimh in-athnuaite ar an láthair a ríomh

Fachtóir tionchair	Cur Chuige A	Cur chuige B1 nó B2
Cineál leithdháilte astaíochtaí corpraithe ó chomhpháirteanna stórála fuinnimh ar an bhfoirgneamh	Leithdháileadh iomlán ar an bhfoirgneamh
Cineál leithdháilte astaíochtaí corpraithe ó chodanna eile den chóras ar an bhfoirgneamh	Leithdháileadh iomlán ar an bhfoirgneamh	B1: Leithdháileadh comhréireach ar an bhfoirgneamh bunaithe ar sciar an fhuinnimh ghafa/ghinte a úsáidtear le haghaidh féintomhaltais	B2: Leithdháileadh ar an bhfoirgneamh le haghaidh comhpháirteanna arna gcomhtháthú san imchlúdach foirgnimh agus lena ndéantar a dhromchla, chomh maith le leithdháileadh comhréireach na n-astaíochtaí corpraithe atá fágtha ar an bhfoirgneamh bunaithe ar sciar an fhuinnimh ghafa/ghinte a úsáidtear le haghaidh féintomhaltais

7. RAON FEIDHME NA n-EILIMINTÍ FOIRGNIMH AGUS AN TREALAIMH THEICNIÚIL

Áireofar i ríomh GWP ar feadh saolré na heilimintí tógála agus an trealamh teicniúil a liostaítear i Leibhéal 2 faoin gcatagóir sceall agus croí i dTábla 4ar a laghad. Áiritheoidh na Ballstáit ríomh GWP ar feadh saolré atá cuimsitheach agus cruinn, ina ndéanfar cur síos soiléir ar eilimintí foirgnimh agus ar threalamh teicniúil foirgnimh ar an leibhéal náisiúnta is gá chun GWP ar feadh saolré a ríomh. Chuige sin, féadfaidh na Ballstáit na samplaí a léirítear i Leibhéal 3 agus i Leibhéal 4 de Thábla 4 a leanúint agus aon diall substaintiúil a sholáthar sa reachtaíocht náisiúnta.

Déanfar eilimintí foirgnimh agus trealamh teicniúil nó córais theicniúla arna gcumhdach ag deimhniú feidhmíochta fuinnimh an fhoirgnimh mheasúnaithe a chur san áireamh sa ríomh má mheasann Ballstát gurb é úinéir an fhoirgnimh atá freagrach go páirteach nó go heisiach as a n-úinéireacht agus as a gcothabháil ( 14 ), fiú má tá siad lasmuigh den fhoirgneamh measúnaithe agus neamhspleách ó thaobh struchtúir de. Nuair atá eilimintí foirgnimh agus trealamh teicniúil lasmuigh den fhoirgneamh measúnaithe agus neamhspleách ó thaobh struchtúir de, cuirfear na hastaíochtaí a bhaineann leis na heilimintí foirgnimh agus an trealaimh theicniúil sin san áireamh san anailís ar charbón corpraithe agus ar charbón oibríochtúil, ach ní chuirfear a n-achar urláir san áireamh le haghaidh na n-achar urláir.

Féadfaidh na Ballstáit breithniú a dhéanamh ar shonraí ginearálta nó luachanna réamhshocraithe a ghlacadh le haghaidh aon cheann de na heilimintí a luaitear sna leibhéil i dTábla 4, i gcomhréir leis na ceanglais a bhaineann le sonraí le haghaidh ríomha a leagtar amach i Roinn 3 chun bearnaí sonraí a líonadh nó nuair is gá an ríomh a shimpliú.

Tábla 4

Raon feidhme ordlathach na n-eilimintí foirgnimh agus an trealaimh theicniúil

Leibhéal 1	Leibhéal 2	Leibhéal 3 (sampla)	Leibhéal 4 (samplaí)
Sceall	Fostruchtúr	Bunphíleáil agus fophíleáil	Pílí buana agus cásúin bhuana
		Bunphíleáil agus fophíleáil	Fothaca
		Fotha	Taobhthacaí
			Bonnra rafta, caidhpeanna píle, boinn cholúin, bonnra balla; bíomaí strapála, bíomaí ceangail
			Ballaí agus colúin fostruchtúir
			Leaca urláir talún agus bíomaí (nuair atá íoslach san fhoirgneamh, ba cheart leaca íochtair íoslaigh a chomhaireamh laistigh den chatagóir ábhartha de Leibhéal 3 “Eilimintí íoslaigh”)
			Claiseanna ardaitheora (leaca agus ballaí)
		Eilimintí íoslaigh	Taobhthacaí íoslaigh
			Leaca íochtair agus réamhscreamh íoslaigh
			Ballaí coinneála
			Ballaí, teanntáin agus colúin struchtúracha íoslaigh
			Bíomaí, giarsaí, teanntáin agus leaca íoslaigh
			Staighrí íoslaigh agus rampaí
			Umar ingearach uiscedhíonach, brat draenála, draenacha agus balla craicinn
			Umar cothrománach uiscedhíonach, brat draenála, draenacha agus leac barráin
			Insliú íoslaigh
			Claiseanna ardaitheora, claiseanna sloic, muinchillí
		Obair ilchodach, obair réamhdhéanta agus obair iloibríochtaí le haghaidh “Fostruchtúr” (1)
	Struchtúr	Frámaí agus leaca (os cionn bharr leac urláir talún)	Ballaí, giarsaí agus colúin struchtúracha
			Bíomaí, giarsaí, teanntáin agus leaca urláir uachtair
			Bíomaí, giarsaí, teanntáin agus leaca dín
			Staighrí (ar cuid den struchtúr iad)
			Dódhíonadh ar struchtúr cruach
		Tancanna, linnte agus ilnithe	Ach amháin nuair atá sé suite laistigh den imchlúdach foirgnimh (a áirítear in oibreacha seachtracha)
		Obair ilchodach, obair réamhdhéanta agus iloibríochtaí le haghaidh “Struchtúr” (2)
	Oibreacha ailtireachta seachtracha (neamhstruchtúrach)	Aghaidh	Ballaí agus gnéithe seachtracha neamhstruchtúracha
			Bailchríocha do bhallaí seachtracha seachas cumhdra
			Cumhdra aghaidhe agus imbhallaí
			Fuinneoga seachtracha
			Doirse seachtracha
			Aghaidheanna siopa seachtracha
			Comhlaí rollacha agus comhlaí dóiteáin
		Díon	Bailchríocha dín
			Fuinneoga Dín
			Uiscedhíonadh
			Insliú
			Tírdhreachú dín (crua agus bog)
		Obair ilchodach, obair réamhdhéanta agus iloibríochtaí le haghaidh “Saothair ailtireachta sheachtracha (neamhstruchtúracha)” (3)
Croí	Oibreacha ailtireachta inmheánacha nó faoi chlúdach (neamhstruchtúrach)	Rannáin inmheánacha	Ballaí agus deighiltí inmheánacha neamhstruchtúracha
			Insliú
			Aghaidheanna siopaí inmheánacha
			Cubhachailí leithris
			Deighiltí inghluaiste
			Seomraí fuara
			Doirse inmheánacha
			Fuinneoga inmheánacha
			Comhlaí rollacha agus comhlaí dóiteáin
			Ilobair choincréite
		Feistis agus ilnithe	Balastráidí, ráillí agus lámhráillí
			Staighrí agus caolbhealach nach cuid den struchtúr iad, catdréimirí
			Caibinéid, cófraí, stórais, taisceadáin, suíocháin, seilfeanna, cuntair, binsí (4) ionsuite.
			Gnéithe maisiúla ionsuite
			Painéil rochtana
		Bailchríocha faoi chlúdach	Bailchríocha urláir (inmheánach agus seachtrach (is é sin le rá, faoi chlúdach nó i mbalcóiní))
			Bailchríocha ballaí inmheánacha agus cumhdra
			Bailchríocha síleála agus síleálacha bréagacha (inmheánach nó seachtrach)
			Insliú
		Obair ilchodach, obair réamhdhéanta agus iloibríochtaí le haghaidh “oibreacha ailtireachta inmheánacha nó faoi chumhdach (neamhstruchtúrach)” (5)
	Seirbhísí agus trealamh tógála: Córais uisce agus córais a bhaineann le fuíolluisce	Earraí sláintíochta	Leithris, sistéil, tráidirí cithfholcadáin, folcadáin, sconnaí, rialuithe, sconnaí cinn cithfholcadáin, aonaid bháisín, doirtil, téitheoirí uisce the ar an toirt
		Córais fuaruisce	Teirmeastat, méadair theirmeacha, méadair fuaruisce, caidéil/tacar treiseoirí, méadair eile, píbobair, insliú píopaí, taca/crochadán, cosaint ar shioc agus trealamh téimh riain
		Uisce fuar a stóráil	Umar stórála móide aon chóras cóireála agus scagacháin le haghaidh rialú cáilíochta uisce
		Draenáil uisce dromchla / uisce báistí / uisce bréan	Píopaí, insliú, taca, umar stórála uisce báistí, maolú, asraonta, caidéil, fanphíobáin, píobánra séarachais, píobánra comhdhlútháin, insliú, taca, sistéal, gaistí, caidéal, draein
		Córais athúsáide uisce	Umar stórála buainte uisce liath/ uisce báistí, píbobair agus trealamh cóireála laistigh den líne tógála
	Seirbhísí agus trealamh tógála: Córais téimh	Trealamh giniúna teasa agus uisce the	Coire gáis/leictreach, teaschaidéil aeir/uisce/talún, fuaraitheoir, téitheoir uisce áitiúil, sorn dóite adhmaid, coire bithmhaise, téamh teirmeach gréine agus córais uisce the. Áirítear córais téimh chomhchoiteanna atá suite laistigh de lorg an fhoirgnimh sa raon feidhme sin suas go dtí pointe an mhéadair. Lasmuigh den mhéadar, meastar gur cuid den líonra dáileacháin iad na córais sin. Áireofar clais agus ilphíobán fiú má tá siad lasmuigh de lorg an fhoirgnimh. Teasmhalartóir pláta a nascann le líonra téimh ceantair. Áireofar trealamh giniúna uisce the (mar shampla, calaraitheoir) freisin.
		Dáileachán teasa agus uisce the, rialú, gabhálais, astaírí, malartóirí/aonaid teirminéil	Radaitheoir leictreach, radaitheoir fliuch, téamh faoin urlár, aonad comhéadain teasa, teasmhalartóir pláta, caidéil, lasc-chlár meicniúil, aonad brúchóirithe, pota dáileoige, rialaitheoir ciorcaid brainse, díthaisire, gléasadh tonnchreatha, teirmeastat, méadair theirmeacha, méadar uisce the, píbobair, insliú píopaí, taca/crochadán, cosaint ar shioc agus trealamh téimh riain
		Trealamh teirmeastórála	Stóras uisce te, soitheach maolánach, soitheach borrtha
	Seirbhísí agus trealamh tógála: Córais fuaraithe thiomnaithe (má dhéanann córas téamh agus fuarú araon, tiocfaidh sé faoi raon feidhme “córais téimh” amháin)	Trealamh giniúna fuaraithe	Túr fuaraithe, aonaid ghaothráin agus chorna, aerchóiritheoir.
		Astaíre fuaraithe, malartóirí/aonaid teirminéil, gabhálais agus rialú, dáileadh, stóráil	Stóras fuaruisce, soitheach maolánach, soitheach borrtha le haghaidh fuarú, caidéil, lasc-chlár meicniúil, aonad brúchóirithe, pota dáileoige, rialaitheoir ciorcaid brainse, díthaisire, gléasadh tonnchreatha, teirmeastat, méadair theirmeacha, méadar fuaruisce, píbobair, insliú píopaí, taca/crochadán, cosaint ar shioc agus trealamh téimh riain
	Seirbhísí agus trealamh tógála: Córais aerála	Gluaiseacht aeir	Gaothráin, aeráil mheicniúil le haisghabháil teasa, aonaid láimhseála aeir, gaothráin síleála, aeráil cistine, cuirtíní aeir
		Teirminéil aeir	Idirleatóirí, gríleanna, córais le toirt athraitheach aeir, córais le toirt tairiseach aeir, lúvar
		Duchtobair agus gabhálais	Duchtobair, insliú, taca, duchtobair dóiteánrátaithe, taca
		Maolairí rialaithe, maolú agus sábháilteacht dóiteáin a bhaineann le trealamh aerála	Maolaire athraitheach toirte aeir, maolaire rialaithe toirte, maolaire dóiteáin, eastóscadh múiche agus deataigh, maolaire múchta dóiteáin innealta, brúchóiriú staighre, gaothráin dóiteánrátaithe, maolairí faoisimh brú, rialuithe, lúvair, eastóscán gáis, laghdú fuaime
	Seirbhísí agus trealamh tógála: Córais soilsithe	Soilsiú inmheánach	Daingneáin solais inmheánacha, asraon, comhchumar, soicéad, rialú solais, cábla, lasc
		Soilsiú seachtrach (suite ar fhoirgneamh)	Lampaí/ cuaillí/ tacaí etc. atá suite san fhoirgneamh. Daingneáin solais sheachtracha, asraon, comhchumar, soicéad, rialú solais, cábla, lasc
		Soilsiú éigeandála	Soilse éigeandála, rialtáin, cábla, lasc
		Soilsiú eile	Soilsiú tascanna, soilsiú stáitse/siamsaíochta, soilsiú taispeána miondíola, soilsiú ailtireachta lena n-áirítear daingneán solais gaolmhar, asraon, comhchumar, soicéad, rialú solais, cábla, lasc
	Seirbhísí agus trealamh tógála: Seirbhísí leictreacha le haghaidh cumhachta, cumarsáide, slándála, TF agus brath dóiteáin	Cumhacht leictreach	Lena n-áirítear suiteálacha inmheánacha agus suiteálacha atá suite i bhfoirgnimh. Cábla cumhachta, coimeád tráidirí cáblaí, clár painéil/dáileacháin, trealamh cúltaca, busbharra, claochladán, soicéid/lascaí, boscaí urláir, braiteoirí, ardvoltas, meánvoltais, ísealvoltas, cumhacht bheag, coimeád
		Voltas Rí-Íseal/cumarsáid/slándáil	córais voltais rí-ísil. Trealamh cumarsáide agus closamhairc. Slándáil: Trealamh teilifíse ciorcaid iata (TCI), braiteoirí slándála agus aláraim.
		TF agus sonraí	Trealamh TF: aon rud a bhaineann le sonraí, mar shampla, trealamh Wi-Fi, freastalaí, cáblú cnáimhe droma agus struchtúrtha, ríomhairí, printéirí, caibinéid sonraí, painéil paiste
		Córas bainistithe foirgneamh	Córas bainistithe foirgneamh/rialaitheoirí ar chornaí gaothráin, stáisiún seachtrach, príomhchóras rialtóra ag a bhfuil ríomhaire (ceannmhol), cáblú is gá, comhlaí rialaithe, braiteoirí le haghaidh staidreamh teochta
		Giniúint chúltaca leictreachais	Soláthar cumhachta dobhriste (UPS), giniúint chúltaca, soláthar ceallraí, gineadóirí fuireachais laistigh den líne foirgnimh
		Brath dóiteáin agus aláram	Córais aláraim dóiteáin lena n-áirítear brath, cáblú, painéal comhraic dóiteáin agus aonad glao deiridh
	Seirbhísí agus trealamh tógála: Giniúint fuinnimh in-athnuaite ar an láthair	Fuinneamh in-athnuaite – giniúint leictreach ar an láthair agus suite san fhoirgneamh	Painéal gréine, inbhéartóir, tuirbín gaoithe, foirgneamh tuirbíní uisce suiteáilte i bhfoirgneamh nó laistigh de lorg an fhoirgnimh
		Fuinneamh in-athnuaite – stóráil ar an láthair	Ceallra laistigh de lorg an fhoirgnimh
	Seirbhísí agus trealamh tógála: Suiteálacha córais sábháilteachta beatha, breosla agus gluaiseachta	Córas spré-uiscithe	Píopaí, cinn, comhlaí, umar, píobán, caidéil
		Córais comhraic dóiteáin	Ardúch tirim agus fliuch, hiodrant, laistigh de lorg an fhoirgnimh ainmnithe, rialuithe/braiteoirí gaothaire oscailte uathoibríoch, córas sochta dóiteáin
		Cosaint tintrí / nascadh talmhaithe	Seoltóir tintrí, slata talmhaithe
		Suiteálacha breosla	Gach soláthairtí breosla seachas soláthairtí leictreacha, aon ní atá pumpáilte nó brúchóirithe. Trealamh gáis: nasc, méadar gáis, brúrialtán, píopaí, comhlaí. Umar stórála breosla ar an láthair, stórais thirime. Tarathair.
		Ardaitheoir, cathaoir staighre, ardán ardaithe	Áireofar córais maidir le hardaitheoir, cathaoir staighre, ardán ardaithe. Áireofar cumhacht chuig na córais sin i suiteálacha leictreacha
		Staighrí beo agus cosáin bheo	Áireofar córais le haghaidh staighrí beo agus cosáin beo. Áireofar cumhacht chuig na córais sin i suiteálacha leictreacha
	Seirbhísí agus trealamh tógála: Córais diúscartha dramhaíola	Córais diúscartha dramhaíola speisialaithe agus chomhchoiteanna	Loisceoir dramhaíola agus aon chóras le haghaidh sruthanna dramhaíola agus suiteáil diúscartha
		Obair ilchodach, obair réamhdhéanta agus iloibríochtaí le haghaidh “Seirbhísí agus trealamh tógála” (6)
Oibreacha seachtracha (Roghnach)	Bóithre, cosáin, pábháil agus dromchlaí eile seachtracha atá oiriúnach do thrácht daoine nó d’fheithiclí atá laistigh de limistéar na dáileachta tógála	Bóithre agus cosáin atá deartha le haghaidh trácht coisithe nó feithiclí	Áireofar ullmhú oibreacha fo-bhunáite lena n-áirítear cóireáil, leagan, leibhéalú, grádú agus dlúthú Réamhscreamh, coincréit in situ lena n-áirítear foirmeánacht, treisiú, naisc, scannáin dhraenála/fiailí, colbhaí, ciumhaiseanna, gabhálais, marcanna pábhála/bóthair/páirceanna spóirt a chuirtear ar dhromchla, bailchríocha saoirsithe. e.g.: — Bailchríoch macadaim nó asfailt — Saoirseacht, pábháil, tíleanna, duirleoga, seiteanna — Gairbhéal, sliseanna cloiche, sliseanna adhmaid — Matra féir pollta — Dromchlaí atá deartha le haghaidh clóis súgartha, spóirt nó úsáidí speisialaithe eile — Gach córas is gá chun draenáil agus/nó maolú uisce dromchla a bhainistiú — Céimeanna, staighrí agus rampaí (lena n-áirítear fostruchtúr, foirmiú agus bailchríoch dheiridh) lasmuigh den líne foirgnimh ainmnithe
		Cosáin
		Pábhálacha agus dromchlaí boga atá deartha le haghaidh trácht coisithe
	Feistis agus daingneáin sheachtracha chun spásanna lasmuigh, teorainneacha agus criosanna limistéar an láithreáin tógála a theorannú agus chun críoch aeistéitiúil	Fálú seachtrach	Áireofar adhmad, miotal, coincréit, fálú saoirseachta, ráillí, geataí, ballaí, mionbhallaí atá seachtrach agus nach cuid d’imchlúdach teirmeach an fhoirgnimh iad agus atá nua Áireofar bacainní ar fheithiclí agus ar choisithe a bhfuil gá leo chun luchtú sonrach a ghlacadh chun críoch cosanta, mar aon le geataí gaolmhara Áireofar ceanglais maidir le fostruchtúr, comhpháirteanna, cuaillí, feistí, earraí iarainn, gabhálais amhail cóipeálacha, trealamh cumhachtaithe, rialuithe agus bailchríocha deiridh Áirítear leis an gcatagóir seo ballaí coinneála nach cuid den fhoirgneamh iad, a fhoirmítear de ghnáth as coincréit, adhmad nó saoirseacht, lena n-áirítear na ceanglais uile maidir le fostruchtúr/píleáil, cré threisithe, riachtanais draenála, scannáin, comhpháirteanna, fosúcháin, gabhálais amhail cóipeálacha, ailt, leasaithigh, bailchríoch deiridh, gaibiúin
		Ráillí seachtracha
		Ballaí seachtracha
		Daingneáin sheachtracha	Troscán sráide láithreáin lena n-áirítear geataí (i gcás nach cuid d’fhálta ná de bhacainní iad), geataí casta, mullaird dho-aistrithe/infhillte/inbhainte, suíocháin, binsí, boird, coimeádáin bruscair/grin, taispeántais póstaer/cláir fógra, seastáin/seideanna rothair, treochomharthaíocht, cuaillí brataí, trealamh seachtrach spóirt/clóis súgartha, miondroichid coise, stadanna bus, ionaid dídine, boscaí teileafóin, boscaí poist, dealbha/oibreacha seachtracha ealaíne, gnéithe uisce ornáideacha lena n-áirítear aon fhostruchtúr, umair, comhpháirteanna, píobánra, rialuithe agus trealamh is gá
	Seirbhísí foirgníochta seachtracha Nóta ginearálta: sa chatagóir seo tá na seirbhísí uile nach bhfuil daingnithe don fhoirgneamh nó nach bhfuil freastal déanta orthu lasmuigh de lorg an fhoirgnimh.	Draenáil sheachtrach	Uisce bréan/uisce dromchla/draenáil talún faoi bhun na talún agus os cionn na talún, ón gcéad dúnpholl lasmuigh de bhalla iata an fhoirgnimh, an nasc séarachais nó pointe sceite eile (mar shampla, saoráid chóireála séarachais ar an láthair). Áireofar freisin trinsí, píblínte, feistis, leapacha, aislíonadh, cliabháin, tacaí, naisc, silteáin agus grátaí (ar bhóithre, mar shampla). Stáisiúin chaidéalaithe pacáistithe, pointí sceite/cinn asraon, bratuithe deiridh, cainéil réamhdhéanta, cuasáin, dúnphoill, cainéil, poill shúite, linnte camrachta, aonaid idircheapóra peitril. Áireofar freisin aon athrú, aon oibreacha deisiúcháin, aon líonadh nó aon ghlanadh ar chórais draenála, dúnphoill agus grátáí atá ann cheana. Áireofar freisin suiteálacha a bhaineann le córais draenála uirbeacha inbhuanaithe (nach bhfuil plandaithe), Draenáil leachtanna guaiseacha amhail ceimiceáin agus dramhaíl leachtach thionsclaíoch
		Seirbhísí seachtracha – uisce	Córais soláthair uisce phíopaithe lena dtugtar uisce ó phríomhlíonra an ghnóthaire reachtúil go dtí an pointe iontrála isteach san fhoirgneamh, lena n-áirítear dáileadh chuig pointí úsáideoirí seachtracha (mar shampla, gléasra agus trealamh seachtrach agus hiodraint dóiteáin). Hiodraint dóiteáin/athchúrsáil uisce báistí/athchúrsáil uisce léith lasmuigh de líne foirgnimh ainmnithe. Áireofar umair, píbobair, téamh riain, insliú, naisc freisin
		Seirbhísí seachtracha – leictreachas	Dáileadh leictreachais ardvoltais ó sholáthar an ghnóthaire reachtúil chuig stáisiún claochladáin ar an láthair, dáileadh leictreachais ísealvoltais ón gclaochladán ar an láthair chuig painéal an phríomhlascthrealaimh laistigh den fhoirgneamh agus suiteálacha seachtracha chun leictreachas a sholáthar, lena n-áirítear gineadóirí éigeandála nó fuireachais. Cáblaí, sreangú, cláir, truncáil, clúdaigh rochtana, naisc, dáileadh, trinsí, claiseanna, fostáisiúin phacáistithe/chlaochladáin, suiteálacha soláthair dhobhriste cumhachta
		Seirbhísí seachtracha – gás	Córais soláthair gáis nádúrtha phíopaithe a thógann gás ó phríomhlíonra an ghnóthaire reachtúil go dtí an méadar gáis; agus gás peitriliam leachtaithe (GPL) a thógáil ó shoithí stórála seachtracha go dtí an pointe dáileacháin, lena n-áirítear soláthar gáis príomhlíonra agus dáileadh an tsoláthair gáis chuig pointí úsáideoirí seachtracha (mar shampla, chuig gléasra seachtrach agus trealamh seachtrach). Áireofar dáileadh, clúdaigh rochtana, naisc, trinsí, claiseanna, umair stórála/buidéal freisin
		Seirbhísí seachtracha – teileachumarsáid agus a leithéid	Córais teileachumarsáide, teilifís chábla, an t-idirlíon agus córais chumarsáide eile a nascadh ó sholáthar gnóthaire reachtúil nó soláthraí seirbhíse eile leis an bpríomhphointe dáileacháin laistigh den fhoirgneamh. Áireofar freisin cáblaí, sreangú, cláir, truncáil, clúdaigh rochtana, naisc, dáileadh, trinsí, claiseanna
		Seirbhísí seachtracha – stóráil breosla	Córais stórála breosla sheachtraigh agus córais dáiliúcháin phíopaithe. Umair stórála agus soithí lasmuigh den fhoirgneamh, agus córais soláthair phíopaithe lena ndáiltear ola, peitreal nó díosal ó umair stórála nó ó shoithí go dtí an pointe iontrála laistigh den fhoirgneamh nó chuig gléasra seachtrach agus trealamh seachtrach. Áireofar freisin dáileadh, caidéil, comhlaí, insliú, clúdaigh rochtana, naisc, trealamh faireacháin, trinsí, claiseanna, umair stórála/buidéal
		Seirbhísí seachtracha – soilsiú	Córais soilsithe sheachtraigh láithreáin/sráide lena n-áirítear le haghaidh limistéir coisithe, cosáin, bóithre, comharthaí tráchta soilsithe, soilsiú seachtrach. Áireofar freisin cáblaí, sreangú, cláir, truncáil, clúdaigh rochtana, naisc, dáileadh, trinsí, claiseanna, rialtáin agus na fearais solais/lampaí féin, lena n-áirítear soilsiú le haghaidh páirceanna spóirt
		Seirbhísí seachtracha – córais slándála	Córais slándála lena n-áirítear TCI, cuaillí ceamara, soláthairtí cumhachta seachtracha ginearálta le haghaidh trealamh slándála agus soilsiú slándála sonrach
		Obair ilchodach, obair réamhdhéanta agus iloibríochtaí le haghaidh “seirbhísí foirgníochta seachtracha” (7)
	Foirgnimh sheachtracha (8)	Foirgnimh bheaga choimhdeacha	Foirgnimh bheaga choimhdeacha sheachtracha ar leithligh a bhaineann leis na córais foirgnimh agus le gnáthfheidhmiú an fhoirgnimh agus na rochtana ar an láithreán, lena n-áirítear tithe coire, foirgnimh fhostáisiúin, foirgnimh stórála breosla, stóras rothar, seideanna, aonaid stórála agus bothanna cosanta
		Struchtúir pháirceála neamhspleácha (9)	Struchtúir os cionn talún nó faoi thalamh atá le húsáid go heisiach nó go comhroinnte ag áititheoirí foirgnimh
		Obair ilchodach, obair réamhdhéanta agus iloibríochtaí le haghaidh “foirgnimh sheachtracha” (10)
(1) Insliú, uiscedhíonadh, scríd, naisc, feistis nó eilimintí le haghaidh draenála, eilimintí le haghaidh seirbhísí a chuirtear isteach nó a chuirtear i bhfeidhm in éineacht leis na hoibreacha fostruchtúracha ach nach n-áirítear cheana faoi iontrálacha sonracha sa Tábla 4 seo nó in áiteanna eile. (2) Dódhíonadh, insliú, uiscedhíonadh, scríd, naisc, feistis, rampaí, foirmeánacht bhuan, struchtúir mezzanine, tacaí le haghaidh suíocháin srathacha, bealaí cothabhála nó eilimintí eile a chuirtear isteach nó a chuirtear i bhfeidhm in éineacht leis na hoibreacha struchtúracha ach nach n-áirítear cheana faoi iontrálacha sonracha sa Tábla 4 seo nó in áiteanna eile. (3) Dódhíonadh, insliú, uiscedhíonadh, scríd, naisc agus fosúcháin ar an struchtúr, feistis, rampaí, gairis scáthaithe, lúvair, sceimhleacha, cosaint feithidí, cóimeálacha gríle, uchtbhallaí, ráillí, ballaí glasa, simléir nó eilimintí eile a chuirtear isteach nó a chuirtear i bhfeidhm in éineacht leis na hoibreacha ailtireachta seachtracha ach nach n-áirítear cheana faoi iontrálacha sonracha anseo nó in áiteanna eile. (4) Tagraíonn ionsuite d’ionchorprú na ngnéithe ábhartha foirgnimh le linn chéim na tógála agus sula n-aistrítear an foirgneamh chuig an úinéir. (5) Dódhíonadh, insliú, uiscedhíonta, scríd, naisc agus fosúcháin ar an struchtúr nó ar bhealaí cothabhála, frámáil, séalú, greamacháin, urláir shaora, urláir chrochta, bailchríocha, marcanna líne, cóiriú, cláir sciorta, feistis, rampaí, cóimeálacha gríle, uchtbhallaí, ráillí, tinteáin nó eilimintí eile a chuirtear isteach nó a chuirtear i bhfeidhm in éineacht leis na hoibreacha ailtireachta inmheánacha ach nach n-áirítear cheana faoi iontrálacha sonracha sa Tábla 4 seo nó in áiteanna eile. (6) Aon daingneán, feisteas nó eilimint eile a chuirtear isteach nó a chuirtear i bhfeidhm in éineacht leis na seirbhísí, córas agus bonneagar foirgnimh ach nach n-áirítear cheana faoi iontrálacha sonracha sa Tábla 4 seo nó in áiteanna eile. (7) Aon daingneáin, feistis nó eilimintí eile atá bainteach le suiteáil uisce, gáis, leictreachais, téimh, aerála, draenála os cionn talún, teileachumarsáide agus seirbhísí eile, lena n-áirítear duchtanna, bratuithe cosanta, poill, sealanna, muinchillí, clúdaigh, cosc dóiteáin, lipéadú, agus boinn, etc., nach n-áirítear in aon áit eile. (8) Tagraíonn sé d’fhoirgnimh atá lasmuigh den fhoirgneamh measúnaithe agus neamhspleách ó thaobh struchtúir de, ach atá suite laistigh de chúirtealáiste an fhoirgnimh mheasúnaithe agus seirbhísiú á dhéanamh ar áititheoirí an fhoirgnimh mheasúnaithe agus/nó ar chórais theicniúla agus bonneagar foirgnimh measúnaithe. Tuigfear gurb ionann neamhspleáchas struchtúrach agus easpa fotha chomhroinnte agus eilimintí struchtúracha ualachiompartha eile. (9) Ní mheasfar gur foirgnimh sheachtracha iad saoráidí páirceála a roinneann eilimintí struchtúracha agus a thagann faoi chlúdach an struchtúir foirgnimh ach ina ionad sin gur cuid den fhoirgneamh iomlán iad, agus ar an gcaoi sin áirítear a limistéir charbóin corpraithe, carbóin oibríochtúla agus urláir ghaolmhara san anailís. Os a choinne sin, i gcás struchtúir pháirceála neamhspleácha a mheastar a bheith ina bhfoirgnimh sheachtracha, féadfar a gcarbón corpraithe agus a gcarbón oibríochtúil gaolmhar a chur san áireamh san anailís, ach ní ina n-achar urláir. I gcásanna ina bhfuil saoráid pháirceála ina cuid de struchtúr comhroinnte idir níos mó ná foirgneamh amháin, is aon mheasúnú amháin a bheidh i gcoimpléasc iomlán na bhfoirgneamh, nó leithdháilfear tionchair charbóin leabaithe agus achar urláir na saoráide páirceála ar bhonn sciartha coibhneasta na spásanna páirceála a ainmnítear ar gach foirgneamh. (10) Aon daingneáin, feistis nó eilimintí eile a bhaineann le tógáil foirgneamh seachtrach nach n-áirítear in aon áit eile.

8. TORTHAÍ GWP AR FEADH SAOLRÉ

Chun torthaí dheimhniú feidhmíochta fuinnimh an fhoirgnimh a thuairisciú, déanfar GWP ar feadh saolré an fhoirgnimh a thuairisciú i bhformáid thrédhearcach, ina léireofar torthaí do gach céim saolré ar a laghad i gcomhréir le Tábla 5.

Tábla 5

Nochtadh an GWP ar feadh saolré i ndeimhniú feidhmíochta fuinnimh an fhoirgnimh

	Céim an táirge (A1-A3)	Céim an phróisis tógála (A4-A5)	Úsáid, cothabháil, céim athsholáthair (B1-B4)	Céim na húsáide fuinnimh oibríochtúla (B6)	An chéim deireadh ré (C1-C4)	Acmhainneacht athúsáide, athchúrsála, aisghabhála (D1)	Tairbhí agus ualaí féideartha ó fhóntais onnmhairithe (mar shampla, fuinneamh leictreach, fuinneamh teirmeach, uisce inólta) (D2)
GWP iomlán (1)
(1) Is éard atá in GWP-iomlán suim GWP iontaise, GWP bithghineach agus GWP maidir le húsáid talún agus an t-athrú ar úsáid talún.

IARSCRÍBHINN IV Comhchreat ginearálta chun ullmhacht chliste foirgneamh a rátáil

IARSCRÍBHINN IV

Comhchreat ginearálta chun ullmhacht chliste foirgneamh a rátáil

1. Bunóidh an Coimisiún sainmhíniú ar tháscaire ullmhachta cliste agus modheolaíocht lena ríomhfar é, chun measúnú a dhéanamh ar chumas foirgnimh nó aonaid foirgnimh a oibríocht a oiriúnú de réir riachtanais an tsealbhóra agus na heangaí agus a éifeachtúlacht fuinnimh agus a fheidhmíocht fhoriomlán a fheabhsú.

Cumhdófar leis an táscaire ullmhachta cliste gnéithe le haghaidh coigilteas fuinnimh feabhsaithe, tagarmharcáil agus solúbthacht, feidhmiúlachtaí agus cumais fheabhsaithe mar thoradh ar fheistí idirnasctha agus cliste.

Cuirfear gnéithe, mar shampla, an fhéidearthacht macasamhail dhigiteach den fhoirgneamh san áireamh sa mhodheolaíocht.

Cuirfear san áireamh sa mhodheolaíocht gnéithe, amhail méadair chliste, córais uathoibrithe agus rialaithe foirgnimh, feistí féinrialaithe le haghaidh rialáil aertheochta laistigh, fearais bhaile ionsuite, pointí athluchtaithe d’fheithiclí leictreacha, stóráil fuinnimh agus feidhmiúlachtaí mionsonraithe agus idir-inoibritheacht na ngnéithe sin, chomh maith le tairbhí le haghaidh dálaí aeráide laistigh, éifeachtúlacht fuinnimh, leibhéil feidhmíochta agus solúbthacht chumasaithe.

2. Beidh an mhodheolaíocht ag brath ar na trí phríomhfheidhmiúlacht seo a leanas a bhaineann leis an bhfoirgneamh agus lena chórais theicniúla foirgnimh:

(a)

an cumas feidhmíocht agus oibriú fuinnimh an fhoirgnimh a chothabháil trí thomhaltas fuinnimh a oiriúnú mar shampla trí úsáid a bhaint as fuinneamh ó fhoinsí in-athnuaite;

(b)

an cumas chun a oibríocht a oiriúnú mar fhreagairt ar riachtanais an áititheora agus aird chuí á tabhairt ar infhaighteacht soláimhsitheachta don úsáideoir, aeráid shláintiúil laistigh a chothabháil agus an cumas chun tuairisciú ar úsáid fuinnimh;

(c)

solúbthacht éilimh fhoriomláin fuinnimh foirgnimh, lena n-áirítear a chumas rannpháirtíocht i bhfreagairt ghníomhach agus éighníomhach chomh maith le freagairt ar éileamh intuigthe agus sainráite a chumasú, agus trína stóráil fuinnimh agus fuinneamh a scaoileadh ar ais san eangach, mar shampla trí sholúbthacht agus acmhainní aistrithe ualaigh; agus

(d)

an cumas a éifeachtúlacht fuinnimh agus a fheidhmíocht fhoriomlán a fheabhsú trí úsáid a bhaint as teicneolaíochtaí coigilte fuinnimh.

3. Ina theannta sin, féadfaidh an mhodheolaíocht an méid seo a leanas a chur san áireamh:

(a)

idir-inoibritheacht idir córais (méadair chliste, córais uathoibrithe agus rialaithe foirgnimh, fearais ionsuite baile, feistí féinrialaithe chun rialú a dhéanamh ar aertheocht laistigh den fhoirgneamh agus braiteoirí cáilíochta aeir laistigh agus aeráil); agus

(b)

tionchar dearfach na ngréasán cumarsáide atá ann cheana, go háirithe bonneagar fisiciúil foirgnimh atá réidh don ardluas a bheith ann, mar shampla an lipéad deonach “leathanbhanda-réidh”, agus pointe rochtana a bheith ann d’fhoirgnimh le hilaonaid foirgnimh chónaithe i gcomhréir le hAirteagal 8 de Threoir 2014/61/AE ó Pharlaimint na hEorpa agus ón gComhairle ( 15 ).

4. Ní bheidh tionchar diúltach ag an modheolaíocht ar scéimeanna náisiúnta um dheimhniú feidhmíochta fuinnimh atá ann cheana agus cuirfidh sí le tionscnaimh ghaolmhara ar an leibhéal náisiúnta, agus prionsabal úinéireacht an áititheora, cosaint sonraí, príobháideacht agus slándáil á gcur san áireamh, i gcomhréir le dlí ábhartha an Aontais maidir le cosaint sonraí agus príobháideacht chomh maith leis na teicnící is fearr atá ar fáil don chibearshlándáil.

5. Leagfar amach sa mhodheolaíocht an fhormáid is iomchuí den pharaiméadar um tháscaire ullmhachta cliste agus beidh sí simplí, trédhearcach agus sothuigthe do thomhaltóirí, úinéirí, infheisteoirí agus rannpháirtithe sa mhargadh freagartha ar éileamh.

IARSCRÍBHINN V Teimpléad do dheimhnithe feidhmíochta fuinnimh

IARSCRÍBHINN V

Teimpléad do dheimhnithe feidhmíochta fuinnimh

(dá dtagraítear in Airteagal 19)

1. Ar an gcéad leathanach, beidh na heilimintí seo a leanas ar a laghad sa deimhniú feidhmíochta fuinnimh:

(a)

an aicme feidhmíochta fuinnimh;

(b)

an úsáid bhliantúil fuinnimh phríomhúil arna ríomh in kWh/(m2.y);

(c)

an úsáid bhliantúil fuinnimh deiridh arna ríomh in kWh/(m2.y);

(d)

fuinneamh in-athnuaite a tháirgtear ar an láthair i % den úsáid fuinnimh;

(e)

astaíochtaí gás ceaptha teasa oibríochtúla (kg CO2/(m2.y)), luach GWP ar feadh saolré, má tá sé ar fáil.

Chomh maith leis sin beidh na heilimintí seo a leanas sa deimhniú feidhmíochta fuinnimh:

(a)

an tomhaltas bliantúil fuinnimh phríomhúil agus deiridh arna ríomh in kWh nó MWh;

(b)

táirgeadh fuinnimh in-athnuaite in kWh nó MWh; príomhiompróir fuinnimh agus cineál foinse fuinnimh in-athnuaite;

(c)

na riachtanais fuinnimh arna ríomh in kWh/(m2.y);

(d)

tugtar le fios an bhfuil nó nach bhfuil sé d’acmhainneacht ag an bhfoirgneamh freagairt do chomharthaí seachtracha agus an tomhaltas fuinnimh a choigeartú;

(e)

tugtar le fios an bhfuil nó nach bhfuil an córas dáileacháin teasa laistigh den fhoirgneamh in ann feidhmiú ar leibhéil ísealteochta nó ar leibhéil teochta níos éifeachtaí, i gcás inarb infheidhme;

(f)

faisnéis teagmhála an ionaid ilfhreastail ábhartha le haghaidh comhairle maidir le hathchóiriú.

2. Ina theannta sin, féadfar na táscairí seo a leanas a áireamh sa deimhniú feidhmíochta fuinnimh:

(a)

úsáid fuinnimh, buaiclód, méid an ghineadóra nó an chórais, an príomhiompróir fuinnimh agus an príomhchineál eiliminte i gcás gach ceann de na húsáidí: téamh, fuarú, uisce te tí, aerú agus soilsiú ionsuite;

(b)

an aicme astaíochtaí gás ceaptha teasa (más infheidhme);

(c)

faisnéis faoi aistrithe carbóin a bhaineann le stóráil shealadach carbóin i bhfoirgnimh nó ar fhoirgnimh;

(d)

tugtar le fios an bhfuil nó nach bhfuil pas athchóirithe ar fáil don fhoirgneamh;

(e)

meánluach U na n-eilimintí teimhneacha den imchlúdach foirgnimh;

(f)

meánluach U na n-eilimintí trédhearcacha den imchlúdach foirgnimh;

(g)

an cineál eiliminte trédhearcaí is coitianta (e.g. fuinneog dhéghloinithe);

(h)

torthaí na hanailíse ar an riosca róthéimh (má tá siad ar fáil);

(i)

braiteoirí seasta a bheith ann a dhéanann faireachán ar cháilíocht na timpeallachta laistigh;

(j)

rialuithe seasta a bheith ann a fhreagraíonn do leibhéil cháilíocht na timpeallachta laistigh;

(k)

líon agus cineál na bpointí athluchtaithe le haghaidh feithiclí leictreacha;

(l)

córais stórála fuinnimh a bheith ann, cineál agus méid na gcóras sin;

(m)

saolré measta na gcóras agus na bhfearas téimh nó aerchóirithe atá fágtha, i gcás inarb infheidhme;

(n)

a indéanta atá sé an córas téimh a chur in oiriúint chun feidhmiú ag socruithe teochta níos éifeachtaí;

(o)

a indéanta atá sé an córas uisce the tí a oiriúnú le go bhfeidhmeoidh sé ag socruithe teochta níos éifeachtúla;

(p)

a indéanta atá sé an córas aerchóirithe a oiriúnú le go bhfeidhmeoidh sé ag socruithe teochta níos éifeachtúla;

(q)

tomhaltas fuinnimh mhéadraithe;

(r)

cibé acu atá nó nach bhfuil nasc ann le gréasán téimh agus fuaraithe ceantair, agus, má tá fáil air, faisnéis faoi nasc féideartha chuig córas éifeachtúil téimh agus fuaraithe ceantair;

(s)

fachtóirí fuinnimh phríomhúil áitiúla agus fachtóirí gaolmhara astaíochta carbóin an ghréasáin nasctha áitiúil téimh agus fuaraithe ceantair;

(t)

astaíochtaí mínábhair cháithnínigh (PM2.5) oibríochtúla.

Féadfaidh na naisc seo a leanas le tionscnaimh eile a bheith san áireamh sa deimhniú feidhmíochta fuinnimh má tá feidhm acu sin sa Bhallstát ábhartha:

(a)

an ndearnadh nó nach ndearnadh measúnú ullmhachta cliste don fhoirgneamh;

(b)

i gcás ina bhfuil sé ar fáil, luach an mheasúnaithe ullmhachta cliste;

(c)

an bhfuil nó nach bhfuil Logleabhar Digiteach Foirgneamh ar fáil don fhoirgneamh.

Beidh rochtain chomhionann ag daoine faoi mhíchumas ar an bhfaisnéis i ndeimhnithe feidhmíochta fuinnimh.

IARSCRÍBHINN VI Córais rialaithe neamhspleácha le haghaidh deimhnithe feidhmíochta fuinnimh

IARSCRÍBHINN VI

Córais rialaithe neamhspleácha le haghaidh deimhnithe feidhmíochta fuinnimh

1. Sainmhíniú ar dheimhniú feidhmíochta fuinnimh bailí

Soláthróidh na Ballstáit sainmhíniú soiléir ar an méid a mheastar a bheith ina dheimhniú feidhmíochta fuinnimh bailí.

Leis an sainmhíniú ar dheimhniú feidhmíochta fuinnimh bailí áiritheofar an méid seo a leanas:

(a)

Seiceáil bhailíochta ar shonraí ionchuir (lena n-áirítear seiceálacha ar an láthair) an fhoirgnimh a úsáidtear chun an deimhniú feidhmíochta fuinnimh a eisiúint agus na torthaí atá luaite sa deimhniú;

(b)

bailíocht na ríomhanna;

(c)

uasdiall d’fheidhmíocht fuinnimh foirgnimh, arna shloinneadh de rogha leis an táscaire uimhriúil ar úsáid fuinnimh phríomhúil (kWh/(m2.y));

(d)

líon íosta eilimintí atá difriúil ó luachanna réamhshocraithe nó ó luachanna caighdeánacha.

Féadfaidh na Ballstáit eilimintí breise a áireamh sa sainmhíniú ar dheimhniú feidhmíochta fuinnimh bailí, mar shampla diall uasta do luachanna sonracha sonraí ionchuir.

2. Cáilíocht an chórais rialaithe neamhspleách le haghaidh deimhnithe feidhmíochta fuinnimh

Tabharfaidh na Ballstáit sainmhíniú soiléir ar na cuspóirí cáilíochta agus ar an leibhéal muiníne staidrimh ba cheart do chreat an deimhnithe feidhmíochta fuinnimh a bhaint amach. Áiritheofar leis an gcóras rialaithe neamhspleách go mbeidh ar a laghad 90 % de dheimhnithe feidhmíochta fuinnimh eisithe ag a mbeidh muinín staidrimh 95 % don tréimhse a ndearnadh meastóireacht uirthi, tréimhse nach faide ná bliain amháin.

Déanfar leibhéal cáilíochta agus leibhéal muiníne an chórais rialaithe neamhspleách le haghaidh deimhnithe feidhmíochta fuinnimh a thomhas trí shampláil randamach agus tabharfaidh sé cuntas ar na heilimintí ar fad arna soláthar sa sainmhíniú ar dheimhniú feidhmíochta fuinnimh bailí. Éileoidh na Ballstáit fíorú tríú páirtí chun meastóireacht a dhéanamh ar 25 % ar a laghad den sampla randamach i gcás inar tarmligeadh na córais rialaithe neamhspleácha chuig comhlachtaí neamhrialtasacha.

Fíorófar bailíocht na sonraí ionchuir leis an bhfaisnéis a chuirfidh an saineolaí neamhspleách ar fáil. D’fhéadfadh deimhnithe táirge, sonraíochtaí nó pleananna tógála a bheith ar áireamh san fhaisnéis sin ina mbeidh mionsonraí maidir le feidhmíocht na n-eilimintí éagsúla a áirítear sa deimhniú feidhmíochta fuinnimh.

Déanfar bailíocht na sonraí ionchuir a fhíorú trí chuairteanna ar an láthair, a fhéadfar a dhéanamh go fíorúil, i gcás inarb iomchuí, ar 10 % ar a laghad de na deimhnithe feidhmíochta fuinnimh atá mar chuid den tsampláil randamach a úsáidtear chun measúnú a dhéanamh ar cháilíocht fhoriomlán na scéime.

Chomh maith leis an íos-sampláil randamach chun an leibhéal foriomlán cáilíochta a chinneadh, féadfaidh na Ballstáit straitéisí éagsúla a úsáid chun drochcháilíocht i ndeimhnithe feidhmíochta fuinnimh a bhrath agus díriú orthu go sonrach chun cáilíocht fhoriomlán na scéime a fheabhsú. Ní féidir anailís spriocdhírithe den sórt sin a úsáid mar bhonn chun cáilíocht fhoriomlán na scéime a thomhas.

Úsáidfidh na Ballstáit bearta réamhghabhálacha agus frithghníomhacha chun cáilíocht chreat foriomlán an deimhnithe feidhmíochta fuinnimh a áirithiú. Féadfar a áireamh ar na bearta sin oiliúint bhreise do shaineolaithe neamhspleácha, sampláil spriocdhírithe, oibleagáid deimhnithe feidhmíochta fuinnimh a chur isteach an athuair, fíneálacha comhréireacha agus toirmisc shealadacha nó bhuana do shaineolaithe.

I gcás ina gcuirtear faisnéis le bunachar sonraí, beidh sé ar chumas na n-údarás náisiúnta an tionscnóir a chuir an fhaisnéis leis a shainaithint, chun críocha faireacháin agus fíoraithe.

3. Infhaighteacht deimhnithe feidhmíochta fuinnimh

Fíorófar leis an gcóras rialaithe neamhspleách an bhfuil deimhnithe feidhmíochta fuinnimh ar fáil do cheannaitheoirí ionchasacha agus do thionóntaí ionchasacha chun a áirithiú gur féidir feidhmíocht fuinnimh an fhoirgnimh a mheas ina gcinneadh ceannach nó cíos a dhéanamh.

Leis an gcóras rialaithe neamhspleách, fíorófar infheictheacht an táscaire feidhmíochta fuinnimh agus na haicme sna meáin fógraíochta.

4. Cóireáil na dtíopeolaíochtaí tógála

Cuirfear tíopeolaíochtaí éagsúla tógála san áireamh sa chóras rialaithe neamhspleách, go háirithe na tíopeolaíochtaí tógála is forleithne i margadh an eastáit réadaigh, mar shampla cónaí aonair, ilchónaitheach, oifigí nó miondíol.

5. Nochtadh poiblí

Foilseoidh na Ballstáit go tráthrialta, sa bhunachar sonraí náisiúnta maidir le deimhniú feidhmíochta fuinnimh, an fhaisnéis seo a leanas ar a laghad maidir leis an gcóras cáilíochta:

(a)

an sainmhíniú ar dheimhniú feidhmíochta fuinnimh bailí;

(b)

cuspóirí cáilíochta don scéim um dheimhniú feidhmíochta fuinnimh;

(c)

torthaí an mheasúnaithe cháilíochta, lena n-áirítear líon na ndeimhnithe a ndearnadh meastóireacht orthu agus líon coibhneasta le líon iomlán na ndeimhnithe a eisíodh le linn na tréimhse atá i gceist (in aghaidh na tíopeolaíochta);

(d)

bearta teagmhasacha chun cáilíocht fhoriomlán na ndeimhnithe feidhmíochta fuinnimh a fheabhsú.

IARSCRÍBHINN VII

Creat modheolaíochta comparáideach chun na leibhéil is fearr costas i dtaca le ceanglais feidhmíochta fuinnimh d’fhoirgnimh agus eilimintí foirgnimh a shainaithint

Cuirfidh an creat modheolaíochta comparáideach ar chumas na mBallstát feidhmíocht fuinnimh agus astaíochtaí foirgneamh agus eilimintí foirgneamh a chinneadh mar aon le gnéithe eacnamaíocha na mbeart a bhaineann le feidhmíocht fuinnimh agus astaíochtaí, agus iad a nascadh d’fhonn an leibhéal is fearr costas a shainaithint chun spriocanna 2030 maidir le laghdú ar astaíochtaí agus aeráidneodracht, chomh maith le stoc foirgneamh astaíochtaí nialasacha, a bhaint amach faoi 2050 ar a dhéanaí.

Beidh treoirlínte ag gabháil leis an gcreat modheolaíochta comparáideach ina leagfar amach conas an creat sin a chur i bhfeidhm agus na leibhéil feidhmíochta is fearr ó thaobh costais de á ríomh.

Leis an gcreat modheolaíochta comparáideach, beifear in ann aird a thabhairt ar phatrúin úsáide, ar dhálaí aeráide lasmuigh agus ar na hathruithe a dhéanfar orthu amach anseo de réir na réamh-mheastachán aeráide is fearr atá ar fáil, lena n-áirítear tonnta teasa agus fuachta, costais infheistíochta, catagóir thógála, costais chothabhála agus oibriúcháin (lena n-áirítear costais agus coigiltis fuinnimh), tuillimh ón bhfuinneamh a tháirgtear, i gcás inarb infheidhme, seachtrachtaí comhshaoil agus sláinte na húsáide fuinnimh, costais bainistithe dramhaíola, i gcás inarb infheidhme, agus forbairtí teicneolaíochta. Ba cheart é a bheith bunaithe ar chaighdeáin Eorpacha ábhartha a bhaineann leis an Treoir seo.

Cuirfidh an Coimisiún an méid seo a leanas ar fáil freisin:

—

treoirlínte a bheidh ag gabháil leis an gcreat modheolaíochta comparáideach; Fónfaidh na treoirlínte sin chun a chur ar chumas na mBallstát tabhairt faoi na céimeanna atá liostaithe thíos;

—

faisnéis faoi fhorbairtí i bpraghsanna fuinnimh fadtéarmacha a mheastar a bheith ann.

Chun go gcuirfidh na Ballstáit an creat modheolaíochta comparáideach i bhfeidhm, leagfar síos coinníollacha ginearálta, arna gcur in iúl le paraiméadair, ar leibhéal na mBallstát. Eiseoidh an Coimisiún moltaí do na Ballstáit maidir lena leibhéil optamachta costais, i gcás inarb ábhartha.

Cuirfidh an creat modheolaíochta comparáideach de cheangal ar na Ballstáit an méid seo a leanas a dhéanamh:

—

foirgnimh thagartha a shainiú a bhfuil a bhfeidhmiúlacht agus a suíomh geografach ina saintréithe díobh agus ionadaíoch, lena n-áirítear dálaí aeráide laistigh agus lasmuigh. Folóidh na foirgnimh thagartha foirgnimh chónaithe agus foirgnimh nach foirgnimh chónaithe iad, idir fhoirgnimh nua agus fhoirgnimh atá ann cheana;

—

bearta fuinneamhéifeachtúla a shainiú a ndéanfar measúnú orthu i gcás na bhfoirgneamh tagartha. Féadfaidh na bearta sin a bheith ina mbearta d’fhoirgnimh aonair ina n-iomláine, d’eilimintí foirgnimh aonair, nó do mheascán d’eilimintí foirgnimh;

—

Measúnú a dhéanamh ar an ngá le fuinneamh deiridh agus príomhúil, agus astaíochtaí na bhfoirgneamh tagartha mar thoradh orthu, agus na bearta sainithe fuinneamhéifeachtúla á gcur i bhfeidhm;

—

ríomh a dhéanamh ar chostais (i.e. glanluach láithreach) na mbeart fuinneamhéifeachtúil (dá dtagraítear sa dara fleasc) le linn na saolré eacnamaíche measta a chuirtear i bhfeidhm ar na foirgnimh thagartha (dá dtagraítear sa chéad fhleasc) trí phrionsabail an chreata modheolaíochta chomparáidigh a chur i bhfeidhm.

Trí chostais na mbeart fuinneamhéifeachtúil a ríomh le linn na saolré eacnamaíche measta, déanann na Ballstáit costéifeachtacht na n-íosleibhéal feidhmíochta fuinnimh a mheas. Cuirfidh sé sin ar a gcumas na leibhéil is fearr costas i dtaca leis na ceanglais feidhmíochta fuinnimh a chinneadh.

IARSCRÍBHINN VIII Ceanglais maidir le pasanna athchóirithe

IARSCRÍBHINN VIII

Ceanglais maidir le pasanna athchóirithe

1. Áireofar an méid seo a leanas ar an bpas athchóirithe:

(a)

faisnéis maidir le feidhmíocht fuinnimh reatha an fhoirgnimh;

(b)

léiriú grafach nó léirithe grafacha ar an treochlár agus na céimeanna atá ann le haghaidh athchóiriú domhain céimneach;

(c)

faisnéis faoi cheanglais náisiúnta ábhartha, mar shampla, íoscheanglais feidhmíochta fuinnimh le haghaidh foirgneamh, íoschaighdeáin feidhmíochta fuinnimh agus rialacha sa Bhallstát maidir le deireadh a chur de réir a chéile le breosla iontaise a úsáidtear le haghaidh téimh agus fuaraithe i bhfoirgnimh, lena n-áirítear dátaí cur i bhfeidhm;

(d)

míniú gonta ar sheicheamhú optamach na gcéimeanna;

(e)

faisnéis faoi gach céim, lena n-áirítear:

(i)

ainm na mbeart athchóirithe, agus tuairisc orthu, le haghaidh na céime, lena n-áirítear roghanna ábhartha le haghaidh na dteicneolaíochtaí, na dteicnící agus na n-ábhar a bheidh le húsáid;

(ii)

an coigilteas fuinnimh measta i dtomhaltas fuinnimh phríomhúil agus deiridh, in kWh agus i bhfeabhsú de réir céatadáin i gcomparáid leis an tomhaltas fuinnimh sula dtabharfar faoin gcéim;

(iii)

an laghdú measta ar astaíochtaí gás ceaptha teasa oibríochtúla;

(iv)

an coigilteas measta ar an mbille fuinnimh, lena léirítear go soiléir na toimhdí maidir leis na costais fuinnimh a úsáidtear chun an ríomh a dhéanamh;

(v)

aicme feidhmíochta fuinnimh mheasta an deimhnithe feidhmíochta fuinnimh atá le baint amach tar éis an chéim a chur i gcrích;

(f)

faisnéis faoin nasc féideartha le córas éifeachtúil téimh agus fuaraithe ceantair;

(g)

sciar na giniúna aonair nó comhchoitinne agus féintomhaltas an fhuinnimh in-athnuaite a mheastar a bhainfear amach tar éis an athchóirithe;

(h)

faisnéis ghinearálta maidir leis na roghanna atá ar fáil chun ciorclaíocht táirgí foirgníochta a fheabhsú agus chun a n-astaíochtaí gás ceaptha teasa ar feadh na saolré iomláine a laghdú, chomh maith le tairbhí níos leithne a bhaineann le sláinte agus compord, cáilíocht na timpeallachta laistigh agus acmhainneacht oiriúnaitheach fheabhsaithe an fhoirgnimh i leith an athraithe aeráide;

(i)

faisnéis maidir leis an gcistiú atá ar fáil agus naisc chuig na leathanaigh ghréasáin ábhartha ina léirítear foinsí an chistiúcháin sin;

(j)

faisnéis maidir le comhairle theicniúil agus seirbhísí comhairleacha, lena n-áirítear sonraí teagmhála agus naisc chuig leathanaigh ghréasáin ábhartha na n-ionad ilfhreastail.

2. Féadfar an méid seo a leanas a áireamh ar an bpas athchóirithe:

(a)

amlíne tháscach na gcéimeanna;

(b)

i gcás gach céim:

(i)

tuairisc mhionsonraithe ar na teicneolaíochtaí, na teicnící agus na hábhair atá le húsáid agus na buntáistí, na míbhuntáistí agus na costais a bhaineann leo;

(ii)

conas a bheadh feidhmíocht fuinnimh an fhoirgnimh i gcomparáid leis na híoscheanglais feidhmíochta fuinnimh i gcás na bhfoirgneamh a bhfuil athchóiriú mór á dhéanamh orthu, foirgneamh atá nach mór neodrach ó thaobh an fhuinnimh de agus ceanglais maidir le foirgnimh astaíochtaí nialasacha tar éis an chéim a thabhairt chun críche agus conas a bheadh feidhmíocht fuinnimh na n-eilimintí foirgnimh a cuireadh ina ionad i gcomparáid le híoscheanglais feidhmíochta fuinnimh le haghaidh eilimintí foirgnimh aonair, i gcás inarb ann dóibh;

(iii)

na costais mheasta maidir leis an gcéim a chur i gcrích;

(iv)

an tréimhse aisíoca mheasta le haghaidh na céime, ina bhfuil tacaíocht airgeadais ar fáil agus nach bhfuil tacaíocht airgeadais ar fáil;

(v)

an t-am a mheastar a bheidh ag teastáil chun an chéim a chur i gcrích;

(vi)

i gcás ina bhfuil siad ar fáil, na luachanna tagartha ar astaíochtaí gás ceaptha teasa ar feadh na saolré le haghaidh na n-ábhar agus an trealaimh agus naisc chuig na leathanaigh ghréasáin ábhartha i gcás inar féidir teacht orthu;

(vii)

saolré mheasta na mbeart agus na costais chothabhála mheasta;

(c)

modúil neamhspleácha maidir leo seo:

(i)

na ceirdeanna tipiciúla is gá nó atá molta chun athchóiriú fuinnimh a dhéanamh (ailtirí, comhairleoirí, conraitheoirí, soláthróirí agus suiteálaithe, etc.) nó naisc chuig na leathanaigh ghréasáin ábhartha;

(ii)

liosta de na hailtirí, na comhairleoirí, na conraitheoirí, na soláthróirí nó na suiteálaithe ábhartha sa cheantar, d’fhéadfadh nach bhfuil san áireamh ann ach iad siúd a chomhlíonann coinníollacha áirithe mar shampla, a bhfuil lipéid nó coinníollacha níos airde cáilíochta nó deimhniúcháin acu, nó naisc chuig na leathanaigh ghréasáin ábhartha;

(iii)

na dálaí teicniúla is gá chun téamh ar theocht íseal a leathadh amach ar an mbealach is fearr;

(iv)

conas a d’fhéadfadh na céimeanna athchóirithe agus na bearta breise feabhas a chur ar ullmhacht chliste an fhoirgnimh;

(v)

ceanglais theicniúla agus sábháilteachta le haghaidh ábhar agus oibreacha;

(vi)

na toimhdí bunúsacha atá mar bhonn ag na ríomhanna a cuireadh ar fáil nó naisc chuig an leathanach gréasáin ábhartha ar ar féidir teacht orthu;

(d)

faisnéis maidir le rochtain a fháil ar leagan digiteach den phas athchóirithe;

(e)

aon athchóirithe móra atá déanta ar an bhfoirgneamh nó aonad foirgnimh, dá dtagraítear in Airteagal 8(1), agus aon iarfheistiú nó athsholáthar ar eilimint foirgnimh ar cuid den imchlúdach foirgnimh í agus ag a bhfuil tionchar suntasach ar fheidhmíocht fuinnimh an imchlúdaigh foirgnimh, dá dtagraítear in Airteagal 8(2), i gcás ina gcuirtear an fhaisnéis sin ar fáil don saineolaí a bheidh ag déanamh an phas athchóirithe;

(f)

faisnéis a bhaineann le sábháilteacht sheismeach, i gcás ina gcuirtear an fhaisnéis sin a bhaineann leis an bhfoirgneamh ar fáil don saineolaí;

(g)

arna iarraidh sin agus bunaithe ar an bhfaisnéis a chuireann úinéir reatha an fhoirgnimh ar fáil, ceangaltán ina bhfuil faisnéis bhreise, mar shampla, inoiriúnaitheacht spásanna do riachtanais atá ag athrú agus aon athchóiriú atá beartaithe.

3. Maidir le stádas an fhoirgnimh roimh chéimeanna an athchóirithe, measfar sa phas athchóirithe, a mhéid is féidir, an fhaisnéis atá sa deimhniú feidhmíochta fuinnimh.

4. Beidh gach méadrach a úsáidfear chun tionchar na gcéimeanna a mheas bunaithe ar thacar gnáthdhálaí.

IARSCRÍBHINN IX

Cuid A

An Treoir Aisghairthe agus liosta de na leasuithe comhleanúnacha a rinneadh uirthi

(dá dtagraítear in Airteagal 36)

Treoir 2010/31/AE ó Pharlaimint na hEorpa agus ón gComhairle

(IO L 153, 18.6.2010, lch. 13)

Treoir (AE) 2018/844 ó Pharlaimint na hEorpa agus ón gComhairle

(IO L 156, 19.6.2018, lch. 75)

Airteagal 1 amháin

Rialachán (AE) 2018/1999 ó Pharlaimint na hEorpa agus ón gComhairle

(IO L 328, 21.12.2018, lch. 1)

Airteagal 53 amháin

Cuid B

Teorainneacha ama don trasuí sa dlí náisiúnta agus dátaí cur i bhfeidhm

(dá dtagraítear in Airteagal 36)

Treoir

Teorainn ama don trasuí

Dátaí cur i bhfeidhm

2010/31/AE

9 Iúil 2012

a mhéid a bhaineann le hAirteagail 2, 3, 9, 11, 12, 13, 17, 18, 20 agus 27, an 9 Eanáir 2013;

a mhéid a bhaineann le hAirteagail 4 go 8, 14, 15 agus 16, an 9 Eanáir 2013 maidir le foirgnimh atá á n-áitiú ag na húdaráis phoiblí agus an 9 Iúil 2013 maidir le foirgnimh eile

(AE) 2018/844

10 Márta 2020

IARSCRÍBHINN X Tábla comhghaoil

IARSCRÍBHINN X

Tábla comhghaoil

Treoir 2010/31/AE	An Treoir seo
Airteagal 1	Airteagal 1
Airteagal 2, pointe (1)	Airteagal 2, pointe 1
—	Airteagal 2, pointe (2)
Airteagal 2, pointe (2)	Airteagal 2, pointe (3)
—	Airteagal 2, pointí (5) agus (6)
Airteagal 2, pointí (3), (3a), (4) agus (5)	Airteagal 2, pointí (7) go (10)
—	Airteagal 2, pointí (12), (13) agus (14)
Airteagal 2, pointí (6), (7), (8) agus (9)	Airteagal 2, pointí (15) go (18)
—	Airteagal 2, pointí (19) go (22)
Airteagal 2, pointe (10)	Airteagal 2, pointe (23)
—	Airteagal 2, pointí (24) go (29)
Airteagal 2, pointí (11), (12), (13) agus (14)	Airteagal 2, pointí (30) go (33)
—	Airteagal 2, pointí (34), (37) go (40) agus (42)
Airteagal 2, pointe (15)	Airteagal 2, pointe (42)
Airteagal 2, pointí (15), (15a), (15b), (15c), (16) agus (17)	Airteagal 2, pointí (43), (44), (47), go (50)
Airteagal 2, pointe (18)	—
Airteagal 2, pointe (19)	Airteagal 2, pointe (51)
—	Airteagal 2, pointí (52) go (64)
Airteagal 2, pointe (20)	—
Airteagal 2a	Airteagal 3
Airteagal 3	Airteagal 4
Airteagal 4	Airteagal 5
Airteagal 5	Airteagal 6
Airteagail 6 agus 9	Airteagal 7
Airteagal 7	Airteagal 8
—	Airteagal 9
—	Airteagal 12
Airteagal 8(1), (9)	Airteagal 13
Airteagal 8(2) go (8)	Airteagal 14
Airteagal 8(10), (11)	Airteagal 15
—	Airteagal 16
Airteagal 10	Airteagal 17
Airteagal 11	Airteagal 19
Airteagal 12	Airteagal 20
Airteagal 13	Airteagal 21
—	Airteagal 22
Airteagal 14 agus Airteagal 15	Airteagal 23
Airteagal 16	Airteagal 24
Airteagal 17	Airteagal 25
—	Airteagal 26
Airteagal 18	Airteagal 27
Airteagal 19	Airteagal 28
Airteagal 19a	—
Airteagal 20	Airteagal 29
Airteagal 21	Airteagal 30
Airteagal 22	Airteagal 31
Airteagal 23	Airteagal 32
Airteagal 26	Airteagal 33
Airteagal 27	Airteagal 34
Airteagal 28	Airteagal 35
Airteagal 29	Airteagal 36
Airteagal 30	Airteagal 37
Airteagal 31	Airteagal 38
Iarscríbhinn I	Iarscríbhinn I
—	Iarscríbhinn II
—	Iarscríbhinn III
Iarscríbhinn IA	Iarscríbhinn IV
—	Iarscríbhinn V
Iarscríbhinn II	Iarscríbhinn VI
Iarscríbhinn III	Iarscríbhinn VII
Iarscríbhinn IV	Iarscríbhinn IX
Iarscríbhinn V	Iarscríbhinn X

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais
Foinse	Ceanglas

3. Caighdeáin ghaolmhara

Caighdeáin
Foinse	Ceanglas

Builddate: 24.05.2026 00:00:00 -Doknr: CELEX:32024L1275
EULAW -
European Regulation published on http://eur-lex.europa.eu/