7.5. TSCR, TSLRR, OCR agus OLRR a chinneadh

Ba cheart d’údaráis inniúla an TSCR a chinneadh agus a chur in iúl i dtéarmaí Chaipiteal CET1, Chaipiteal Leibhéal 1 agus Cistí Dílse Iomlána i gcomhréir le tábla 14 thíos: Tábla 14. TSCR a chinneadh i dtéarmaí CET1, T1 agus cistí dílse iomlána

Ba cheart d’údaráis inniúla an TSLRR (i dtéarmaí chaipiteal Leibhéal 1) a chinneadh mar shuim:

• a. an ceanglas cistí dílse maidir le cóimheas giarála de bhun Airteagal 92(1), pointe (d) de Rialachán (AE) Uimh. 575/2013;
• b. na cistí dílse breise a theastaíonn chun aghaidh a thabhairt ar riosca na giarála iomarcaí (arna chinneadh i gcomhréir leis na critéir atá sonraithe i Rannóg 7.3).

I gcás ina gceanglaíonn údaráis inniúla ar institiúidí P2R-LR a chlúdach le cáilíocht chaipitil níos airde i gcomhréir le mír 331, ba cheart dóibh an TSLRR (i dtéarmaí CET1) a chinneadh mar chuid de na cistí dílse breise dá dtagraítear i bpointe b den mhír roimhe seo, a gceanglaíonn an t-údarás inniúil é a shealbhú i bhfoirm chaipiteal CET1.

I gcás ina bhfuil breithniú á dhéanamh ar an bhféidearthacht go n-éileofar cáilíocht níos airde caipitil, ba cheart go mbeadh sé d’aidhm ag na húdaráis inniúla forluí le ceanglais eile atá ann cheana a sheachaint laistigh den chruach ceanglas ábhartha atá bunaithe ar TREA nó bunaithe ar chóimheas giarála agus leis an MREL.

Ba cheart d'údaráis inniúla an OCR a chinneadh mar shuim de:

• a. TSCR;
• b. ceanglais chomhcheangailte um chaipiteal maolánach.

Ba cheart d'údaráis inniúla an OLRR a chinneadh mar shuim de:

• a. TSLRR;
• b. ceanglas maolánach cóimheas giarála G-SII i gcomhréir le hAirteagal 92(1a) de Rialachán (AE) Uimh. 575/2013.

Níor cheart d’údaráis inniúla ítimí agus ionstraimí seachas na cinn atá incháilithe chun cistí dílse a chinneadh (mar a shainmhínítear i gCuid a Dó de Rialachán (AE) Uimh. 575/2013) a mheas agus an TSCR, an TSLRR, an OCR nó an OLRR á measúnú/ríomh.