7.5. Determinazzjoni tat-TSCR, TSLRR, OCR u OLRR

L-awtoritajiet kompetenti għandhom jiddeterminaw u jesprimu t-TSCR f’termini tal-Kapital tas-CET1, il-Kapital tal-Grad 1 u l-Fondi Proprji Totali f’konformità mat-tabella 14 hawn taħt: Tabella 14. Determinazzjoni tat-TSCR f’termini tas-CET1, T1 u l-fondi proprji totali

L-awtoritajiet kompetenti għandhom jiddeterminaw it-TSLRR (f’termini ta’ kapital tal-Grad 1) bħala s-somma ta’:

• a. ir-rekwiżit ta’ fondi proprji tal-proporzjon ta’ ingranaġġ skont l-Artikolu 92(1), il-punt (d), tar-Regolament (UE) 575/2013;
• b. il-fondi proprji addizzjonali meħtieġa biex jiġi indirizzat ir-riskju ta’ ingranaġġ eċċessiv (iddeterminati f’konformità mal-kriterji speċifikati fit-taqsima 7.3).

Meta l-awtoritajiet kompetenti jirrikjedu li l-istituzzjonijiet ikopru l-P2R-LR bi kwalità ogħla ta’ kapital f’konformità mal-paragrafu 331, huma għandhom jiddeterminaw it-TSLRR (f’termini tas-CET1) bħala l-parti mill-fondi proprji addizzjonali msemmija fil-punt b tal-paragrafu preċedenti, li huwa meħtieġ mill-awtorità kompetenti li jinżamm fil-forma ta’ kapital tas-CET1.

Meta jikkunsidraw il-possibbiltà li jitolbu kwalità ogħla ta’ kapital, l-awtoritajiet kompetenti għandhom jimmiraw li jevitaw it-trikkib fuq rekwiżiti eżistenti oħra fi ħdan l-istack ta’ rekwiżiti rilevanti bbażati fuq it-TREA jew fuq il-proporzjon tal-ingranaġġ u fuq l-MREL.

L-awtoritajiet kompetenti għandhom jiddeterminaw l-OCR bħala s-somma ta’:

• a. TSCR;
• b. rekwiżiti ta’ bafer kapitali kombinati.

L-awtoritajiet kompetenti għandhom jiddeterminaw l-OLRR bħala s-somma ta’:

• a. TSLRR;
• b. rekwiżit ta’ bafer tal-proporzjon ta’ ingranaġġ ta’ G-SII f’konformità mal-Artikolu 92(1a), tar-Regolament (UE) 575/2013.

L-awtoritajiet kompetenti ma għandhomx jikkunsidraw entrati u strumenti oħra għajr dawk eliġibbli għad-determinazzjoni tal-fondi proprji (kif definit fil-Parti Tnejn tar-Regolament (UE) 575/2013) fil-valutazzjoni/kalkolu tat-TSCR, TSLRR, OCR jew OLRR.