Airteagal 29 Foirceannadh conarthaí – i bpáirt nó go hiomlán

1.   Féadfaidh an t-údarás réitigh roinnt de chonarthaí seo a leanas an CPL atá faoi réiteach, nó iad ar fad, a fhoirceannadh:

Ní dhéanfaidh an t-údarás réitigh na conarthaí dá dtagraítear i bpointe (a) den chéad fhomhír den mhír seo a fhoirceannadh ach amháin i gcás nach ndearnadh aistriú na sócmhainní agus na suíomhanna de thoradh na gconarthaí sin de réir bhrí Airteagal 48(5) agus (6) de Rialachán (AE) Uimh. 648/2012.

Agus an chumhacht faoin gcéad fhomhír á úsáid aige, déanfaidh an t-údarás réitigh conarthaí dá dtagraítear faoi gach ceann de phointí (a), (b) agus (c) den chéad fhomhír a fhoirceannadh ar bhealach comhchosúil, gan idirdhealú a dhéanamh idir contrapháirtithe na gconarthaí sin, cé is moite de na hoibleagáidí conarthacha sin nach féidir a fhorfheidhmiú laistigh de thréimhse ama réasúnach.

2.   Tabharfaidh an t-údarás réitigh fógra do na comhaltaí imréitigh ábhartha uile faoin dáta ar a ndéantar aon chonradh dá dtagraítear i mír 1 a fhoirceannadh.

3.   Sula ndéanfar aon chonarthaí dá dtagraítear i mír 1 a fhoirceannadh, glacfaidh an t-údarás réitigh na céimeanna seo a leanas:

Déanfaidh na comhaltaí imréitigh, gan moill mhíchuí, cur i bhfeidhm na huirlise sin a chur in iúl dá gcliaint, chomh maith leis an mbealach a ndéanann an cur i bhfeidhm sin difear dóibh.

4.   Bunófar an luacháil dá dtagraítear i bpointe (a) de mhír 3, a mhéid is féidir, ar phraghas cothrom margaidh arna chinneadh ar bhonn rialacha agus socruithe dílse an CPL mura rud é go measfaidh an t-údarás réitigh gur gá modh praghas-aimsithe iomchuí eile a úsáid.

5.   I gcás nach mbeidh comhalta imréitigh neamh-mhainneachtana ábalta an ghlanshuim a chinntear i gcomhréir le mír 3 den Airteagal seo a íoc, féadfaidh an t-údarás imréitigh, ag féachaint d’Airteagal 21 den Rialachán seo, ceangal a chur ar an CPL an comhalta imréitigh neamh-mhainneachtana a chur ar mainneachtain agus úsáid a bhaint as a chorrlach tosaigh agus a ranníocaíocht i leith an chiste mainneachtana i gcomhréir le hAirteagal 45 de Rialachán (AE) Uimh. 648/2012.

6.   I gcás ina mbeidh conradh amháin nó níos mó de na cineálacha conartha dá dtagraítear i mír 1 foirceanta ag údarás réitigh, cuirfidh an t-údarás réitigh cosc sealadach ar an CPL imréiteach a dhéanamh ar aon chonradh nua den chineál céanna leis an gconradh a foirceannadh.

Ní fhéadfaidh an t-údarás réitigh cead a thabhairt don CPL tosú ar imréiteach na gcineálacha conartha sin an athuair ach amháin i gcás ina gcomhlíonfar na coinníollacha seo a leanas:

7.   Déanfaidh ESMA, faoin 12 Feabhra 2022, treoirlínte a eisiúint i gcomhréir le hAirteagal 16 de Rialachán (AE) Uimh. 1095/2010 lena sonrófar a thuilleadh an mhodheolaíocht a úsáidfidh an t-údarás réitigh chun an luacháil dá dtagraítear i bpointe (a) de mhír 3 den Airteagal seo a chinneadh.