Airteagal 26 1

(a)

a cheangal ar an institiúid liosta de chuair raonta difríochta creidmheasa agus innéacsanna creidmheasa gach eisitheora a bhfuil punann na hinstitiúide íogair ina leith, agus na fachtóirí riosca a úsáidtear chun an riosca bainteach a shamhaltú, a sholáthar;

(b)

a cheangal ar an institiúid anailís ar íogaireacht a punainne i leith chuair raonta difríochta creidmheasa agus innéacsanna creidmheasa gach eisitheora dá dtagraítear i bpointe (a) a sholáthar;

(c)

a fhíorú, i gcás ina ndéantar an riosca i raon difríochta creidmheasa eisitheora a shamhaltú mar shuim fachtóra riosca chórasaigh dá dtagraítear in Airteagal 3(3) de Rialachán Tarmligthe (AE) 2022/2060 agus fachtóra riosca neamhghnách, cé acu a thugann nó nach dtugann an luaineacht a ghintear trí thurraing a bhaint as na fachtóirí sin léiriú ar an luaineacht a bhreathnaítear i gcás an raoin difríochta creidmheasa eisitheora sin;

(d)

a fhíorú cé acu a dhéantar nó nach ndéantar an riosca boinn idir eisitheoirí a ghabháil trí raonta difríochta creidmheasa na n-eisitheoirí a shamhaltú go díreach nó trí bhíthin fachtóir riosca boinn, agus cé acu a dhéantar nó nach ndéantar faireachán ar an mbonn idir dhá shuíomh éagsúla a thagraíonn don eisitheoir céanna agus, i gcás inarb ábhartha, an bonn sin a áireamh sa tsamhail tomhais riosca inmheánach;

(e)

measúnú a dhéanamh ar cé acu a dhéantar nó nach ndéantar an riosca a bhaineann le hathruithe ar chuair raonta difríochta creidmheasa a ghabháil go cuí mar a cheanglaítear le hAirteagal 29 den Rialachán seo;

(f)

measúnú a dhéanamh ar cé acu a dhéantar nó nach ndéantar riosca vega i ndáil le raon difríochta creidmheasa a ghabháil go cuí mar a cheanglaítear le hAirteagal 30 den Rialachán seo.