Airteagal 37 2

(a)

sainaithníonn sí na punanna nó na deasca trádála ba chúis leis an sárú go príomha;

(b)

déanann sí anailís ar na difríochtaí idir na hathruithe hipitéiseacha agus na hathruithe iarbhír ar luach na punainne;

(c)

déanann sí anailís ar cé acu ba iad gluaiseachtaí margaidh, fachtóirí riosca nó paraiméadair ba chúis leis an sárú nó nárbh iad, agus cé na cinn de na nithe siúd ba chúis leis;

(d)

déanann sí anailís ar cé acu a chuir nó nár chuir aon saincheist samhaltaithe, nó fachtóirí riosca in easnamh, leis an sárú, agus soláthraíonn sí míniú ar cén chuid de na hathruithe ar luach na punainne is féidir a mhíniú leis an tsamhail agus cén chuid nach féidir;

(e)

déanann sí anailís ar cé acu a chuir nó nár chuir teipeanna próisis, lena n-áirítear suíomhanna nár gabhadh i gceart nó nuashonruithe sonraí in easnamh, leis an sárú nó cé acu ba iad na nithe sin ba chúis leis nó nárbh iad;

(f)

tugann sí tuairisc ar thorthaí na ngníomhaíochtaí arna ndéanamh de thoradh phointí (a) go (e) le linn di fógra a thabhairt do na húdaráis inniúla faoi na sáruithe a d’eascair as a gclár cúltástála arna dhéanamh i gcomhréir le hAirteagal 325bf de Rialachán (AE) Uimh. 575/2013.