+Airteagal 39 1

Airteagal 39 1

1.   Le linn do na húdaráis inniúla measúnú a dhéanamh ar chomhlíontacht institiúide le hAirteagal 325bi(1), pointe (e), de Rialachán (AE) Uimh. 575/2013 i ndáil le ceanglais maidir le ríomh na gceanglas cistí dílse le haghaidh riosca margaidh i gcás suíomhanna sa leabhar neamhthrádála, fíoróidh siad cé acu a shonraítear nó nach sonraítear an méid seo a leanas leis na beartais inmheánacha dá dtagraítear san Airteagal sin:

(a)

raon feidhme na suíomhanna malairte eachtraí sa leabhar neamhthrádála a ríomhann an institiúid na ceanglais cistí dílse ina leith le cur chuige malartach na samhla inmheánaí agus, i gcás inarb infheidhme, an chúis fholuiteach le suíomhanna áirithe a eisiamh ón raon feidhme sin;

(b)

raon feidhme na suíomhanna tráchtearraí sa leabhar neamhthrádála a ríomhann an institiúid na ceanglais cistí dílse ina leith le cur chuige malartach na samhla inmheánaí, agus i gcás inarb infheidhme, an chúis fholuiteach le suíomhanna áirithe a eisiamh ón raon feidhme sin;

(c)

i gcás suíomhanna atá faoi réir riosca malairte eachtraí ach nach bhfuil faoi réir riosca tráchtearraí:

(i)

cé acu atá nó nach bhfuil an luach a úsáidtear mar bhonn chun na ceanglais cistí dílse a ríomh le haghaidh riosca malairte eachtraí ar an luach cuntasaíochta deiridh dá bhfuil ar fáil dá dtagraítear in Airteagal 3(1) de Rialachán Tarmligthe (AE) 2023/1577, nó ar an gcóirluach deiridh dá bhfuil ar fáil dá dtagraítear in Airteagal 3(2) den Rialachán Tarmligthe sin, agus an mhinicíocht a n-athríomhtar an luach sin dá réir;

(ii)

cé acu atá nó nach bhfuil deasca trádála ann a bhfuil a suíomhanna neamhlíneacha sa ráta malairte faoi réir na láimhseála dá dtagraítear in Airteagal 3(4) agus Airteagal 5(1), an dara fomhír, de Rialachán Tarmligthe (AE) 2023/1577 agus, i gcás inarb infheidhme, an chúis atá leis an maolú sin a bheith ann le haghaidh roinnt deasca trádála, ach gan é a bheith ann le haghaidh cinn eile;

(d)

na deasca trádála ar ina leith a ríomhtar na hathruithe hipitéiseacha agus iarbhír ar luach na punainne i ndáil le suíomh leabhair neamhthrádála atá faoi réir riosca tráchtearraí nó faoi réir riosca tráchtearraí agus riosca malairte eachtraí araon i gcomhréir le hAirteagal 5(2), pointe (a), de Rialachán Tarmligthe (AE) Uimh. 2023/1577, agus deasca trádála ar ina leith a ríomhtar na hathruithe i gcomhréir le hAirteagal 5(2), pointe (b), den Rialachán Tarmligthe sin, agus an chúis leis an rogha sin.

1. Forbhreathnú

,

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 17.06.2024 00:00:00 -Doknr: CELEX:32024R1085
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.