|
+Airteagal 17 4. |
Airteagal 17 4.Féadfaidh eisitheoir nó rannpháirtí sa mhargadh lamháltas astaíochtaí, ar a fhreagracht féin, moill a chur ar nochtadh poiblí faisnéise ón taobh istigh ar choinníoll go gcomhlíonfar gach ceann de na coinníollacha seo a leanas:
(a)
ba dhóchúil go ndéanfadh nochtadh láithreach dochar do leasanna dlisteanacha an eisitheora nó an rannpháirtí sa mhargadh lamháltas astaíochtaí;
(b)
níl an fhaisnéis ón taobh istigh a mbeartaíonn an t-eisitheoir nó an rannpháirtí sa mhargadh lamháltas astaíochtaí moill a chur uirthi i gcodarsnacht leis an bhfógra poiblí is déanaí nó le cineál eile teachtaireachta ón eisitheoir nó ón rannpháirtí sa mhargadh lamháltas astaíochtaí maidir leis an ábhar céanna dá dtagraíonn an fhaisnéis ón taobh istigh;
(c)
is féidir leis an eisitheoir nó an rannpháirtí sa mhargadh lamháltas astaíochtaí rúndacht na faisnéise sin a áirithiú. I gcás inar chuir eisitheoir nó rannpháirtí sa mhargadh lamháltas astaíochtaí moill ar nochtadh faisnéise ón taobh istigh faoin mír seo, déanfaidh sé, láithreach tar éis an fhaisnéis a nochtadh don phobal, a chur in iúl don údarás inniúil a shonraítear faoi mhír 3 gur cuireadh moill ar nochtadh na faisnéise agus tabharfaidh sé míniú i scríbhinn ar an gcaoi a ndearnadh na coinníollacha a leagtar amach sa mhír seo a chomhlíonadh. De rogha air sin, féadfaidh na Ballstáit a fhoráil nach mbeidh taifead ar mhíniú den sórt sin le tarchur ach ar iarraidh ón údarás inniúil a shonraítear faoi mhír 3. De mhaolú ar an dara fomhír den mhír seo, eisitheoir nach ligtear a chuid ionstraimí airgeadais isteach chun a dtrádála ach ar mhargadh fáis FBManna, ní sholáthróidh sé míniú i scríbhinn don údarás inniúil a shonraítear faoi mhír 3 ach arna iarraidh sin. Fad a bheidh an t-eisitheoir in ann údar cuí a thabhairt lena chinneadh maidir le moilliú, ní cheanglófar air taifead a choinneáil ar an míniú sin. 1. Forbhreathnú
1.1 Tagairtí
1.2 Ceanglais aitheanta1.3 Caighdeáin ghaolmhara2. Ceanglais aitheanta
3. Caighdeáin ghaolmhara
|