10. Féadfaidh maoirseoirí seach-airgeadais a cheadú dá gcontrapháirtithe i dtríú tíortha a bheith rannpháirteach mar bhreathnóirí i gcoláistí maoirseachta AML/CFT sa chás dá dtagraítear i mír 1, pointe (b) nó i gcás ina n-oibríonn eintitis faoi oibleagáid de chuid an Aontais san earnáil seach-airgeadais, nó grúpaí díobh, brainsí agus fochuideachtaí sna tríú tíortha sin, ar choinníoll:
|
(a)
|
go gcuireann na contrapháirtithe tríú tír iarraidh isteach ar rannpháirtíocht agus go gcomhaontaíonn comhaltaí an choláiste lena rannpháirtíocht, nó go gcomhaontaíonn comhaltaí an choláiste cuireadh a thabhairt do na contrapháirtithe tríú tír sin;
|
|
(b)
|
go bhfuil na rialacha cosanta sonraí de chuid an Aontais a bhaineann le haistrithe sonraí á gcomhlíonadh;
|
|
(c)
|
go síníonn na contrapháirtithe tríú tír an comhaontú i scríbhinn dá dtagraítear i mír 7, agus go gcomhroinneann siad laistigh den choláiste an fhaisnéis ábhartha atá acu chun maoirseacht a dhéanamh ar an eintiteas faoi oibleagáid nó ar an ngrúpa;
|
|
(d)
|
go bhfuil an fhaisnéis a nochtar faoi réir ceanglais maidir le rúndacht ghairmiúil a ráthú atá coibhéiseach ar a laghad leis an gceanglas dá dtagraítear in Airteagal 67(1) agus nach n-úsáidtear í ach amháin chun cúraimí maoirseachta na maoirseoirí seach-airgeadais rannpháirteacha nó na gcontrapháirtithe i dtríú tíortha a chomhlíonadh.
|
Áiritheoidh na Ballstáit go ndéanfaidh maoirseoirí seach-airgeadais atá i gceannas ar mháthairghnóthas grúpa nó ar cheannoifig eintitis faoi oibleagáid nó, sna cásanna a chumhdaítear le mír 3, ar an gcoláiste, measúnú an bhfuil coinníollacha na chéad fhomhíre den mhír seo á gcomhlíonadh agus cuirfidh siad faoi bhráid bhuanchomhaltaí an choláiste é. Déanfar an measúnú sin sula gceadaítear don chontrapháirtí tríú tír a bheith ina chomhalta den choláiste agus féadfar é a dhéanamh arís de réir mar is gá ina dhiaidh sin. Féadfaidh na maoirseoirí seach-airgeadais atá i gceannas ar an measúnú tacaíocht a lorg ó AMLA chun an measúnú sin a dhéanamh.