+Airteagal 43 Formhuiniú seirbhísí a sholáthraítear i dtríú tír faoin Rialachán seo
---+Airteagal 43 1.
---+Airteagal 43 2.
---+Airteagal 43 3.
---+Airteagal 43 4.
---+Airteagal 43 5.
---+Airteagal 43 6.
---+Airteagal 43 7.
---+Airteagal 43 8.

Airteagal 43 Formhuiniú seirbhísí a sholáthraítear i dtríú tír faoin Rialachán seo

1. Forbhreathnú

,
Airteagal 43 1.

Féadfaidh athbhreithneoir seachtrach atá bunaithe san Aontas agus atá cláraithe i gcomhréir le hAirteagal 23 iarratas a dhéanamh chuig ESMA chun formhuiniú ar na seirbhísí a sholáthraíonn athbhreithneoir seachtrach tríú tír ar bhonn leanúnach san Aontas a údarú, ar choinníoll go gcomhlíontar na coinníollacha seo a leanas:

(a) 

d’fhíoraigh an t-athbhreithneoir seachtrach agus tá sé in ann a léiriú do ESMA go leanúnach go gcomhlíonann an soláthar seirbhísí faoin Rialachán seo a dhéanann an t-athbhreithneoir seachtrach tríú tír ceanglais atá chomh dian céanna ar a laghad leis na ceanglais a leagtar síos sa Rialachán seo;

(b) 

tá an saineolas is gá ag an athbhreithneoir seachtrach chun faireachán éifeachtach a dhéanamh ar an ngníomhaíocht maidir leis an soláthar a dhéanann an t-athbhreithneoir seachtrach tríú tír sin ar sheirbhísí faoin Rialachán seo agus chun na rioscaí gaolmhara a bhainistiú;

(c) 

úsáidtear seirbhísí an athbhreithneora sheachtraigh tríú tír ar aon cheann de na cúiseanna oibiachtúla seo a leanas:

(i) 

sonraíochtaí na margaí nó na n-infheistíochtaí foluiteacha;

(ii) 

gaireacht an athbhreithneora sheachtraigh tríú tír do mhargaí tríú tír, d’eisitheoirí tríú tír nó d’infheisteoirí tríú tír;

(iii) 

saineolas an athbhreithneora sheachtraigh tríú tír chun seirbhísí an athbhreithnithe sheachtraigh a sholáthar nó i margaí nó in infheistíochtaí sonracha.
Airteagal 43 2.
Soláthróidh athbhreithneoir seachtrach a chuireann isteach iarratas dá dtagraítear i mír 1 (‘an t-athbhreithneoir seachtrach formhuiniúcháin’) an fhaisnéis uile atá riachtanach chun a dheimhniú do ESMA go bhfuil na coinníollacha uile dá dtagraítear sa mhír sin comhlíonta tráth an iarratais.
Airteagal 43 3.
Déanfaidh ESMA measúnú i dtaobh an bhfuil an t-iarratas dá dtagraítear i mír 1 iomlán laistigh de 20 lá oibre ón uair a gheobhaidh sé an t-iarratas.

I gcás nach bhfuil an t-iarratas iomlán, tabharfaidh ESMA fógra dá réir sin don athbhreithneoir seachtrach formhuiniúcháin agus leagfaidh sé síos spriocdháta faoina mbeidh ar an athbhreithneoir seachtrach formhuiniúcháin faisnéis bhreise a sholáthar.

I gcás ina bhfuil an t-iarratas iomlán, tabharfaidh ESMA fógra dá réir sin don athbhreithneoir seachtrach formhuiniúcháin.

Laistigh de 45 lá oibre ón iarratas iomlán a fháil, scrúdóidh ESMA an t-iarratas agus glacfaidh sé cinneadh chun an formhuiniú a údarú nó a dhiúltú. Tabharfaidh ESMA fógra don athbhreithneoir seachtrach formhuiniúcháin faoina chinneadh. Cuirfear cúiseanna ar fáil sa chinneadh agus gabhfaidh éifeacht leis ar an gcúigiú lá oibre tar éis a ghlactha.
Airteagal 43 4.
Measfar seirbhísí a sholáthróidh athbhreithneoir seachtrach tríú tír ar formhuiníodh a chuid seirbhísí faoin Rialachán seo a bheith ina seirbhísí arna soláthar ag an athbhreithneoir seachtrach formhuiniúcháin. Ní bhainfidh an t-athbhreithneoir seachtrach formhuiniúcháin úsáid as an bhformhuiniú ar shlí go mbeadh sé ar intinn aige ceanglais an Rialacháin seo a sheachaint.
Airteagal 43 5.
Leanfaidh an t-athbhreithneoir seachtrach formhuiniúcháin de bheith lánfhreagrach as na seirbhísí arna soláthar faoin Rialachán seo ag an athbhreithneoir seachtrach tríú tír ar formhuiníodh a chuid seirbhísí agus as comhlíonadh an Rialacháin seo.
Airteagal 43 6.
I gcás ina bhfuil cúiseanna a bhfuil bunús maith leo ag ESMA a mheas nach bhfuil na coinníollacha a leagtar síos i mír 1 á gcomhlíonadh a thuilleadh, beidh an chumhacht aige a cheangal ar an athbhreithneoir seachtrach formhuiniúcháin scor den fhormhuiniú.
Airteagal 43 7.
Foilseoidh an t-athbhreithneoir seachtrach formhuiniúcháin an fhaisnéis dá dtagraítear in Airteagal 38 ar a shuíomh gréasáin.
Airteagal 43 8.
Tuairisceoidh an t-athbhreithneoir seachtrach formhuiniúcháin chuig ESMA gach bliain maidir leis na seirbhísí a d’fhormhuinigh sé le linn an 12 mhí roimhe sin.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R2631
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.