IARSCRÍBHINN III TUARASCÁIL TIONCHAIR MAIDIR LE BANNAÍ GLASA EORPACHA

— [Dáta foilsithe na tuarascála tionchair]

— [I gcás inarb infheidhme, dáta foilsithe na tuarascála tionchair athbhreithnithe]

— [Dáta eisiúna an bhanna/na mbannaí nó na dtráinsí den bhanna/de na bannaí]

— [Ainm dlíthiúil an eisitheora]

— [I gcás ina bhfuil fáil air, aitheantóir eintitis dhlítheanaigh (LEI) an eisitheora]

— [Seoladh suímh gréasáin a thugann faisnéis d’infheisteoirí maidir le conas teagmháil a dhéanamh leis an eisitheoir]

— [I gcás ina bhfuil fáil air, ainm an bhanna/na mbannaí arna sannadh ag an eisitheoir]

— [I gcás ina bhfuil fáil orthu, uimhreacha aitheantais urrús idirnáisiúnta (ISIN) an bhanna/na mbannaí agus a thráinsí/a tráinse]

— [I gcás ina ndearna athbhreithneoir seachtrach measúnú ar an tuarascáil tionchair, céannacht agus sonraí teagmhála an athbhreithneora sheachtraigh]

— [Más infheidhme, ainm an údaráis inniúil a d’fhormheas an réamheolaire bannaí nó na réamheolairí bannaí]

— [An ráiteas seo a leanas: “[Úsáideann an banna seo] [Úsáideann na bannaí seo] an t-ainmniú ‘Banna Glas Eorpach’ nó ‘EuGB’ i gcomhréir le Rialachán (AE) 2023/2631 ó Pharlaimint na hEorpa agus ón gComhairle (1)].”

— [I gcás ina ndearnadh fáltais ó bhannaí a leithdháileadh i gcomhréir le hAirteagal 5 den Rialachán sin, an ráiteas seo a leanas: “[Baineann an Banna Glas Eorpach seo] [Baineann na Bannaí Glasa Eorpacha seo] úsáid as an tsolúbthacht lena gceadaítear neamhailíniú páirteach leis na critéir scagtha theicniúla a leagtar amach sna gníomhartha tarmligthe arna nglacadh de bhun Airteagal 10(3), 11(3), 12(2), 13(2), 14(2) nó 15(2) de Rialachán (AE) 2020/852 ó Pharlaimint na hEorpa agus ón gComhairle (2) (‘na critéir scagtha theicniúla’), mar a thuairiscítear a thuilleadh i Roinn 4 den tuarascáil tionchair seo.”]

— [Faisnéis faoin gcaoi ar rannchuidigh an banna/na bannaí le straitéis chomhshaoil níos leithne an eisitheora.]

— [I gcás inarb infheidhme, míniú ar aon athrú ar straitéis níos leithne an eisitheora i leith an chomhshaoil ó foilsíodh an bhileog fíricí maidir le bannaí glasa Eorpacha.]

— [Na cuspóirí comhshaoil dá dtagraítear in Airteagal 9 de Rialachán (AE) 2020/852 arna saothrú leis an mbanna/na bannaí];

— [I gcás ina bhfuil an t-eisitheoir faoi réir Airteagal 8 de Rialachán (AE) 2020/852, tuairisc ar conas agus a mhéid (e.g. arna shloinneadh mar athrú céatadáin bliain ar bhliain) a rannchuidigh na fáltais ó bhannaí le príomhtháscairí feidhmíochta an eisitheora maidir le sócmhainní tacsanomaíocht-ailínithe, láimhdeachas, caiteachas caipitil agus caiteachas oibriúcháin agus tuairisc ar na tréimsí airgeadais inar rannchuidigh siad leo.]

— [I gcás ina bhfuil an t-eisitheoir faoi réir oibleagáid pleananna a fhoilsiú de bhun Airteagal 19a(2), pointe (a)(iii), nó, i gcás inarb infheidhme, Airteagal 29a(2), pointe (a)(iii), de Threoir 2013/34/AE ó Pharlaimint na hEorpa agus ón gComhairle (3), nó i gcás ina bhfoilsíonn an t-eisitheoir pleananna aistrithe dá dheoin féin:

— 

— [Meastachán ar dhea-thionchair agus drochthionchair chomhshaoil i bhfoirm chomhlánaithe.]

— [Faisnéis faoin modheolaíocht agus faoi na toimhdí arna n-úsáid chun meastóireacht a dhéanamh ar thionchair na dtionscadal, i gcás nár cuimsíodh an fhaisnéis sin i mbileog fíricí an bhanna maidir leis an mbanna glas Eorpach.]

— [Faisnéis faoi dhea-thionchair agus faoi dhrochthionchair chomhshaoil na dtionscadal, agus i gcás ina bhfuil fáil orthu, méadrachtaí gaolmhara. I gcás nach bhfuil fáil ar an bhfaisnéis sin ar leibhéal tionscadail, ní mór míniú a thabhairt ina leith.]

— [I gcás inar mian leis an eisitheoir í a chur san áireamh, faisnéis faoi cé acu a rannchuidigh nó nár rannchuidigh an tionscadal le gnéithe inbhuanaitheachta eile den bhanna agus conas a rannchuidigh sé leo, lena n-áirítear gnéithe sóisialta an aistrithe i dtreo neodracht aeráide, amhail trí phoist nua, athsciliú agus bonneagar áitiúil a sholáthar do phobail a ndéanann aistriú gníomhaíochtaí eacnamaíocha i dtreo na hinbhuanaitheachta difear dóibh.]

— [I gcás ina leithdháiltear fáltais ó bhannaí i gcomhréir le hAirteagal 5 de Rialachán (AE) 2023/2631, tuairisceoidh an t-eisitheoir an fhaisnéis sin ar leithligh le haghaidh na dtionscadal agus na ngníomhaíochtaí sin.]

— [Nasc chuig suíomh gréasáin an eisitheora dá dtagraítear in Airteagal 15(1) de Rialachán (AE) 2023/2631.]

— [I gcás inarb infheidhme, nasc le tuarascálacha ábhartha an eisitheora, amhail an tuarascáil bhainistíochta chomhdhlúite nó an tuarascáil inbhuanaitheachta chomhdhlúite de bhun Threoir 2013/34/AE.]