Airteagal 106

Chun an bunachar sonraí dá dtagraítear in Airteagal 11 a bhunú agus a chothabháil, tabharfaidh an tÚdarás comhaontú déthaobhach i gcrích le ÚBE maidir le rochtain ar bhunachar sonraí AML/CFT, chomh maith le maoiniú agus comhbhainistiú an bhunachair sonraí sin, arna bhunú i gcomhréir le hAirteagal 9a de Rialachán (AE) Uimh. 1093/2010. Bunófar an socrú ar feadh tréimhse a chomhaontófar go frithpháirteach agus a fhéadfar a fhadú go tráth nach déanaí ná an 30 Meitheamh 2027. Le linn na tréimhse sin, beidh ÚBE in ann ar a laghad leanúint d’fhaisnéis a fháil, anailís a dhéanamh uirthi agus í a chur ar fáil i gcomhréir le hAirteagal 9a(2) de Rialachán (AE) Uimh. 1093/2010 nó i gcomhréir leis an Rialachán seo, thar ceann an Údaráis agus bunaithe ar an maoiniú a chuirfidh an tÚdarás ar fáil chun na críche sin.

I gcás ina mbeidh níos mó ná 40 eintiteas faoi oibleagáid nó grúpa ann mar thoradh ar chur i bhfeidhm an chritéir dá dtagraítear sa chéad fhomhír den mhír seo, roghnóidh an tÚdarás, ó na heintitis faoi oibleagáid nó na grúpaí a roghnófaí i gcomhréir leis an gcéad fhomhír den mhír seo agus a fheidhmíonn sa líon is lú Ballstát, iad siúd ag a bhfuil an cóimheas is airde idir líon na n-idirbheart le tríú tíortha agus líon iomlán na n-idirbheart arna dtomhas sa bhliain airgeadais dheireanach.