Airteagal 6 Eintitis chriticiúla a shainaithint

1.   Faoin 17 Iúil 2026, sainaithneoidh gach Ballstát na heintitis chriticiúla do na hearnálacha agus do na fo-earnálacha a leagtar amach san Iarscríbhinn.

2.   Nuair a shainaithníonn Ballstát eintitis chriticiúla de bhun mhír 1, cuirfidh sé torthaí a mheasúnaithe riosca Ballstáit agus a straitéise san áireamh agus cuirfidh siad na critéir seo a leanas go léir i bhfeidhm:

3.   Déanfaidh gach Ballstát liosta de na heintitis chriticiúla a shainaithneofar de bhun mhír 2 a bhunú agus áiritheoidh siad go dtabharfar fógra do na heintitis chriticiúla sin faoina sainaithint mar eintitis chriticiúla laistigh d’aon mhí amháin tar éis an tsainaitheantais sin. Cuirfidh na Ballstáit in iúl do na heintitis chriticiúla sin a n-oibleagáidí faoi Chaibidlí III agus IV agus faoin dáta óna mbeidh feidhm ag na hoibleagáidí sin maidir leo, gan dochar d’Airteagal 8. Cuirfidh na Ballstáit eintitis chriticiúla sna hearnálacha a leagtar amach i bpointí 3, 4 agus 8 den tábla san Iarscríbhinn ar an eolas nach bhfuil aon oibleagáidí orthu faoi Chaibidil III agus Chaibidil IV, mura bhforáiltear a mhalairt le bearta náisiúnta.

Maidir leis na heintitis chriticiúla lena mbaineann, beidh feidhm ag Caibidil III ó 10 mí tar éis dháta a thabharfar an fhógra dá dtagraítear sa chéad fhomhír den mhír seo.

4.   Áiritheoidh na Ballstáit go dtabharfaidh a n-údaráis inniúla faoin Treoir seo fógra do na húdaráis inniúla faoi Threoir (AE) 2022/2555 faoi cé hiad na heintitis chriticiúla a shainaithin siad faoin Airteagal seo laistigh de mhí amháin tar éis an tsainaitheantais sin. Sonrófar san fhógra sin, i gcás inarb infheidhme, gur eintitis chriticiúla sna hearnálacha a leagtar amach i bpointí 3, 4 agus 8 den tábla san Iarscríbhinn a ghabhann leis an Treoir seo iad na heintitis chriticiúla lena mbaineann, agus nach bhfuil aon oibleagáidí orthu faoi Chaibidlí III agus IV di.

5.   I gcás inar gá agus ar aon chaoi gach 4 bliana ar a laghad, déanfaidh na Ballstáit athbhreithniú ar an liosta de na heintitis chriticiúla dá dtagraítear i mír 3 a sainaithníodh agus, i gcás inarb iomchuí, nuashonróidh siad é. I gcás ina sainaithneofar eintitis chriticiúla bhreise de bharr na nuashonruithe sin, beidh feidhm ag míreanna 3 agus 4 maidir leis na heintitis chriticiúla sin. Ina theannta sin, aon eintiteas nach sainaithnítear a thuilleadh mar eintiteas criticiúil tar éis aon nuashonrú den sórt sin, áiritheoidh na Ballstáit go dtabharfar fógra dó in am trátha faoin bhfíric sin agus faoin bhfíric nach bhfuil sé faoi réir na n-oibleagáidí faoi Chaibidil III a thuilleadh ón dáta a fhaightear an fógra sin.

6.   Forbróidh an Coimisiún, i gcomhar leis na Ballstáit, moltaí agus treoirlínte neamhcheangailteacha chun tacú leis na Ballstáit eintitis chriticiúla a shainaithint.