2. Áireofar i measúnuithe riosca eintitis chriticiúil na rioscaí ábhartha nádúrtha agus de dhéantús an duine a d’fhéadfadh teagmhas a bheith ann dá dtoradh, lena n-áirítear iad siúd de chineál trasearnála nó trasteorann, tionóiscí, tubaistí nádúrtha, éigeandálaí sláinte poiblí agus bagairtí hibrideacha agus bagairtí eascairdiúla eile, lena n-áirítear cionta sceimhlitheoireachta dá bhforáiltear i dTreoir (AE) 2017/541. Cuirfear san áireamh i measúnú riosca eintitis chriticiúil a mhéid a bhraitheann earnálacha eile a leagtar amach san Iarscríbhinn ar an tseirbhís fhíor-riachtanach agus a mhéid a bhraitheann an t-eintiteas criticiúil ar sheirbhísí riachtanacha arna soláthar ag eintitis eile in earnálacha eile den sórt sin, lena n-áirítear, i gcás inarb ábhartha, i mBallstáit chomharsanachta agus i dtríú tíortha.
I gcás ina bhfuil measúnuithe riosca déanta ag eintiteas criticiúil nó ina bhfuil doiciméid tarraingthe suas aige de bhun oibleagáidí a leagtar amach i ngníomhartha dlí eile atá ábhartha dá mheasúnú riosca eintitis chriticiúil, féadfaidh sé na measúnuithe agus na doiciméid sin a úsáid chun na ceanglais a leagtar amach san Airteagal seo a chomhlíonadh. Agus a fheidhmeanna maoirseachta á bhfeidhmiú aige, féadfaidh an t-údarás inniúil a dhearbhú maidir le measúnú riosca atá ann cheana arna dhéanamh ag eintiteas criticiúil agus lena dtugtar aghaidh ar rioscaí agus méid na spleáchas dá dtagraítear sa chéad fhomhír den mhír seo, go gcomhlíonann sé na hoibleagáidí faoin Airteagal seo go hiomlán nó go páirteach.