Airteagal 13 Bearta athléimneachta de chuid eintiteas criticiúil

1.   Áiritheoidh na Ballstáit go ndéanfaidh na heintitis chriticiúla bearta teicniúla, slándála agus eagraíochtúla atá iomchuí agus comhréireach chun a n-athléimneacht a áirithiú, bunaithe ar an bhfaisnéis ábhartha arna soláthar ag na Ballstáit maidir leis an measúnú riosca Ballstáit agus maidir le torthaí an mheasúnuithe riosca eintitis chriticiúil, lena n-áirítear na bearta riachtanacha chun an méid seo a leanas a dhéanamh:

Chun críocha na céad fhomhíre, pointe (e), áiritheoidh na Ballstáit go gcuirfidh eintitis chriticiúla pearsanra na soláthraithe seirbhíse seachtracha san áireamh agus catagóirí pearsanra a fheidhmíonn feidhmeanna criticiúla á leagan amach acu.

2.   Áiritheoidh na Ballstáit go gcuirfidh eintitis chriticiúla plean athléimneachta ar bun, nó doiciméad nó doiciméid atá coibhéiseach le plean athléimneachta, agus go gcuirfidh siad i bhfeidhm iad, ar plean nó doiciméad é ina dtabharfar tuairisc ar na bearta de bhun mhír 1. I gcás ina bhfuil doiciméid tarraingthe suas ag eintitis chriticiúla nó bearta déanta acu de bhun oibleagáidí a leagtar amach i ngníomhartha dlí eile atá ábhartha do na bearta dá dtagraítear i mír 1, féadfaidh siad na doiciméid agus na bearta sin a úsáid chun na ceanglais a leagtar amach san Airteagal seo a chomhlíonadh. Agus a fheidhmeanna maoirseachta á bhfeidhmiú aige, féadfaidh an t-údarás inniúil a dhearbhú maidir le bearta feabhsaithe athléimneachta atá ann cheana de chuid eintitis chriticiúil agus lena dtugtar aghaidh ar na bearta teicniúla, slándála agus eagraíochtúla dá dtagraítear i mír 1, go gcomhlíonann siad oibleagáidí an Airteagail seo go páirteach nó go hiomlán.

3.   Áiritheoidh na Ballstáit go ndéanfaidh gach eintiteas criticiúil oifigeach idirchaidrimh nó a choibhéis a ainmniú mar an phointe teagmhála leis na húdaráis inniúla.

4.   Arna iarraidh sin do Bhallstát a shainaithin an t-eintiteas criticiúil agus le comhaontú an eintitis chriticiúil lena mbaineann, eagróidh an Coimisiún misin chomhairleacha, i gcomhréir leis na socruithe a leagtar amach in Airteagal 18(6), (8) agus (9), chun comhairle a chur ar fáil don eintiteas criticiúil lena mbaineann maidir lena gcuid oibleagáidí faoi Chaibidil III a chomhlíonadh. Déanfaidh an misean comhairleach na torthaí a thuairisciú don Choimisiún, don Bhallstát sin agus don eintiteas criticiúil lena mbaineann.

5.   Déanfaidh an Coimisiún, tar éis dó dul i gcomhairle leis an nGrúpa um Athléimneacht Eintiteas Criticiúil dá dtagraítear in Airteagal 19, treoirlínte neamhcheangailteacha a ghlacadh chun sonrú breise a dhéanamh ar na bearta teicniúla, slándála agus eagraíochtúla gur féidir a dhéanamh de bhun mhír 1 den Airteagal seo.

6.   Glacfaidh an Coimisiún gníomhartha cur chun feidhme chun na sonraíochtaí teicniúla agus modheolaíochta riachtanacha a leagan amach a bhaineann le cur i bhfeidhm na mbeart dá dtagraítear i mír 1 den Airteagal seo. Déanfar na gníomhartha cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 24(2).