Airteagal 13 1

(a)

teagmhais a chosc ó tharlú, agus aird chuí á tabhairt ar laghdú rioscaí tubaiste agus bearta oiriúnaithe don athrú aeráide;

(b)

cosaint fhisiceach leordhóthanach a áirithiú ar a n-áitreabh agus ar a mbonneagar criticiúil, agus aird chuí á tabhairt ar fhálú, bacainní, uirlisí agus gnáthaimh faireacháin imlíne, trealamh braite agus rialuithe rochtana;

(c)

iarmhairtí teagmhas a chomhrac agus a mhaolú agus freagairt orthu, agus aird chuí á tabhairt ar nósanna imeachta agus prótacail um rioscaí agus um bainistíocht géarchéime agus gnáthaimh foláirimh a chur chun feidhme;

(d)

téarnamh ó theagmhais, agus aird chuí á tabhairt ar bhearta leanúnachais gnó agus slabhraí soláthair malartacha a shainaithint, chun soláthar na seirbhíse fíor-riachtanaí a atosú;

(e)

bainistíocht leormhaith ar shlándáil i leith fostaithe a áirithiú, agus aird chuí á tabhairt ar bhearta amhail catagóirí pearsanra a leagan amach a fheidhmíonn feidhmeanna criticiúla, cearta rochtana ar áitreabh, ar bhonneagar criticiúil agus ar fhaisnéis íogair a bhunú, nósanna imeachta grinnfhiosrúcháin le haghaidh seiceálacha cúlra a bhunú i gcomhréir le hAirteagal 14 agus catagóirí na ndaoine ar gá dóibh dul faoi sheiceálacha cúlra den sórt sin a ainmniú, agus ceanglais oiliúna agus cáilíochtaí iomchuí a leagan síos;

(f)

feasacht a mhúscailt maidir leis na bearta dá dtagraítear i bpointí (a) go (e) i measc an phearsanra ábhartha, agus aird chuí á tabhairt ar chúrsaí oiliúna, ábhair faisnéise agus ar chleachtais.