Airteagal 17 Na heintitis chriticiúla a bhfuil tábhacht Eorpach ar leith ag baint leo a shainaithint

1.   Measfar eintiteas a bheith ina eintiteas criticiúil a bhfuil tábhacht Eorpach ar leith ag baint leis nuair is fíor an méid seo a leanas maidir leis:

2.   Áiritheoidh na Ballstáit go gcuirfidh eintiteas criticiúil, tar éis an fhógra dá dtagraítear in Airteagal 6(3), a údarás inniúil ar an eolas i gcás ina sholáthraíonn sé seirbhísí fíor-riachtanacha do shé Bhallstát nó níos mó ná sin nó i sé Bhallstát nó níos mó. Sa chás sin, áiritheoidh na Ballstáit go gcuirfidh an t-eintiteas criticiúil a údarás inniúil ar an eolas faoi na seirbhísí fíor-riachtanacha a sholáthraíonn sé do na Ballstáit sin nó sna Ballstáit sin agus faoi na Ballstáit dá soláthraíonn sé nó ina soláthraíonn sé na seirbhísí fíor-riachtanacha sin. Tabharfaidh na Ballstáit fógra don Choimisiún, gan moill mhíchuí, faoi chéannacht eintiteas criticiúil den sórt sin agus faoin bhfaisnéis a sholáthraíonn siad faoin mír seo.

Rachaidh an Coimisiún i mbun comhairliúcháin le húdarás inniúil an Bhallstáit a shainaithin eintiteas criticiúil dá dtagraítear sa chéad fhomhír, údarás inniúil Ballstát eile lena mbaineann agus leis an eintiteas criticiúil i dtrácht. Le linn na gcomhairliúchán sin, cuirfidh gach Ballstát in iúl don Choimisiún i gcás ina measann sé gur seirbhísí fíor-riachtanacha iad na seirbhísí a sholáthraíonn an t-eintiteas criticiúil don Bhallstát sin.

3.   Má shuíonn an Coimisiún, ar bhonn na gcomhairliúchán dá dtagraítear i mír 2 den Airteagal seo, go soláthraíonn an t-eintiteas criticiúil lena mbaineann seirbhísí fíor-riachtanacha do shé Bhallstát nó níos mó nó in sé Bhallstát nó níos mó, tabharfaidh an Coimisiún fógra don eintiteas criticiúil sin, trína údarás inniúil, go meastar gur eintiteas criticiúil é a bhfuil tábhacht Eorpach ar leith a bheith ag baint leis, agus cuirfidh sé an t-eintiteas criticiúil sin ar an eolas faoina oibleagáidí faoin gCaibidil seo agus faoin dáta óna mbeidh feidhm ag na hoibleagáidí sin maidir leis. A luaithe a chuirfidh an Coimisiún an t-údarás inniúil ar an eolas faoina chinneadh eintiteas criticiúil a mheas mar eintiteas criticiúil a bhfuil tábhacht Eorpach ar leith ag baint leis, cuirfidh an t-údarás inniúil an fógra sin ar aghaidh chuig an eintiteas criticiúil sin gan moill mhíchuí.

4.   Beidh feidhm ag an Caibidil seo maidir leis an eintiteas criticiúil lena mbaineann a bhfuil tábhacht Eorpach ar leith ag baint leis ón dáta a fhaightear an fógra dá dtagraítear i mír 3 den Airteagal seo.