Airteagal 18 Misin chomhairleacha

1.   Arna iarratas sin do Bhallstát a shainaithin eintiteas criticiúil a bhfuil tábhacht Eorpach ar leith ag baint leis mar eintiteas criticiúil de bhun Airteagal 6(1), eagróidh an Coimisiún misean comhairleach chun measúnú a dhéanamh ar na bearta atá curtha i bhfeidhm ag an eintiteas criticiúil chun a oibleagáidí faoi Chaibidil III a chomhlíonadh.

2.   Ar a thionscnamh féin nó arna iarraidh sin do Bhallstát amháin nó níos mó dá soláthraítear an tseirbhís fhíor-riachtanach nó ina soláthraítear an tseirbhís fhíor-riachtanach, ar choinníoll go gcomhaontaíonn an Ballstát a shainaithin eintiteas criticiúil a bhfuil tábhacht Eorpach ar leith ag baint leis mar eintiteas criticiúil de bhun Airteagal 6(1) amhlaidh, eagróidh an Coimisiún misean comhairleach dá dtagraítear i mír 1 den Airteagal seo.

3.   Ar iarraidh réasúnaithe a fháil ón gCoimisiún nó ó Bhallstát amháin nó níos mó dá soláthraítear an tseirbhís fhíor-riachtanach nó ina soláthraítear an tseirbhís fhíor-riachtanach, déanfaidh an Ballstát a shainaithin eintiteas criticiúil a bhfuil tábhacht Eorpach ar leith ag baint leis mar eintiteas criticiúil de bhun Airteagal 6(1) an méid a leanas a chur ar fáil don Choimisiún:

4.   Déanfaidh an misean comhairleach na torthaí a thuairisciú don Choimisiún, don Bhallstát a shainaithin an t-eintiteas criticiúil a bhfuil tábhacht Eorpach ar leith ag baint leis mar eintiteas criticiúil de bhun Airteagal 6(1), do na Ballstáit dá soláthraítear an tseirbhís fhíor-riachtanach nó ina soláthraítear an tseirbhís fhíor-riachtanach agus don eintiteas criticiúil lena mbaineann laistigh de 3 mhí tar éis an misean comhairleach a thabhairt i gcrích.

Déanfaidh na Ballstáit dá soláthraítear an tseirbhís fhíor-riachtanach nó ina soláthraítear an tseirbhís fhíor-riachtanach anailís ar an tuarascáil dá dtagraítear sa chéad fhomhír agus, i gcás inar gá, cuirfidh siad comhairle ar an gCoimisiún i dtaobh an gcomhlíonann an t-eintiteas criticiúil lena mbaineann a bhfuil tábhacht Eorpach ar leith ag baint leis a chuid oibleagáidí faoi Chaibidil III agus, i gcás inarb iomchuí, i dtaobh na mbeart a d’fhéadfaí a dhéanamh chun athléimneacht an eintitis chriticiúil sin a fheabhsú.

Déanfaidh an Coimisiún, ar bhonn na comhairle dá dtagraítear sa dara fomhír den mhír seo, a thuairim a chur in iúl don Bhallstát a shainaithin eintiteas criticiúil a bhfuil tábhacht Eorpach ar leith ag baint leis mar eintiteas criticiúil de bhun Airteagal 6(1), do na Ballstáit dá soláthraítear an tseirbhís fhíor-riachtanach nó ina soláthraítear an tseirbhís fhíor-riachtanach agus don eintiteas criticiúil sin i dtaobh an gcomhlíonann an t-eintiteas criticiúil sin a chuid oibleagáidí faoi Chaibidil III agus, i gcás inarb iomchuí, i dtaobh na mbeart a d’fhéadfaí a dhéanamh chun athléimneacht an eintitis chriticiúil sin a fheabhsú.

Áiritheoidh an Ballstát a shainaithin eintiteas criticiúil a bhfuil tábhacht Eorpach ar leith ag baint leis mar eintiteas criticiúil de bhun Airteagal 6(1) go dtabharfaidh a údarás inniúil agus an t-eintiteas criticiúil lena mbaineann aird chuí ar an tuairim dá dtagraítear sa tríú fomhír den mhír seo agus go soláthróidh siad faisnéis don Choimisiún agus do na Ballstáit dá soláthraítear an tseirbhís fhíor-riachtanach nó ina soláthraítear an tseirbhís fhíor-riachtanach faoi na bearta atá déanta aige de bhun na tuairime sin.

5.   Is iad saineolaithe ón Bhallstát ina bhfuil an t-eintiteas criticiúil a bhfuil tábhacht Eorpach ar leith ag baint leis lonnaithe, saineolaithe ó na Ballstáit dá soláthraítear an tseirbhís fhíor-riachtanach nó ina soláthraítear an tseirbhís fhíor-riachtanach, agus ionadaithe ón gCoimisiún a bheidh ar gach misean comhairleach. Féadfaidh na Ballstáit sin iarrthóirí a mholadh le bheith ina gcuid de mhisean comhairleach. Déanfaidh an Coimisiún, tar éis dó dul i gcomhairle leis an mBallstát a shainaithin eintiteas criticiúil a bhfuil tábhacht Eorpach ar leith ag baint leis mar eintiteas criticiúil de bhun Airteagal 6(1), comhaltaí gach misin chomhairligh a roghnú agus a cheapadh i gcomhréir lena n-acmhainneacht ghairmiúil agus áiritheoidh sé, a mhéid is féidir, ionadaíocht chothrom ó thaobh geografaíochta de ó na Ballstáit sin go léir. Beidh imréiteach slándála bailí iomchuí ag comhaltaí an mhisin chomhairligh nuair is gá sin. Is é an Coimisiún a sheasfaidh na costais a bhainfidh le rannpháirtíocht sa mhisean comhairleach.

Eagróidh an Coimisiún clár gach misin chomhairligh, i gcomhairle le comhaltaí an mhisin chomhairligh i dtrácht agus i gcomhaontú leis an mBallstát a shainaithin eintiteas criticiúil a bhfuil tábhacht Eorpach ar leith ag baint leis mar eintiteas criticiúil de bhun Airteagal 6(1).

6.   Glacfaidh an Coimisiún gníomh cur chun feidhme lena leagfar síos rialacha maidir leis na socruithe nós imeachta chun iarrataí ar mhisin chomhairleacha a eagrú, chun misin chomhairleacha a láimhseáil, chun misin chomhairleacha a sheoladh agus a thuairisciú agus chun an chumarsáid maidir leis an tuairim ón gCoimisiún dá dtagraítear sa ceathrú mír, an tríú fomhír, den Airteagal seo agus maidir leis na bearta arna ndéanamh, a láimhseáil, agus rúndacht agus íogaireacht tráchtála na faisnéise lena mbaineann á gcur san áireamh go cuí. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 24(2).

7.   Áiritheoidh na Ballstáit go dtabharfaidh na heintitis chriticiúla a bhfuil tábhacht Eorpach ar leith ag baint leo rochtain do na misin chomhairleacha ar fhaisnéis, córais agus saoráidí a bhaineann le soláthar a sheirbhísí fíor-riachtanacha, nithe a bhfuil gá leo chun an misean comhairleach lena mbaineann a chur i gcrích.

8.   Cuirfear misin chomhairleacha i gcrích i gcomhréir le dlí náisiúnta is infheidhme an Bhallstáit ina dtarlaíonn siad, agus urraim á tabhairt d’fhreagracht an Bhallstáit sin as an tslándáil náisiúnta agus as a leasanna slándála a chosaint.

9.   Agus na misin chomhairleacha á n-eagrú ag an gCoimisiún, cuirfidh sé san áireamh na tuarascálacha ó aon chigireachtaí atá déanta aige faoi Rialacháin (CE) Uimh. 725/2004 agus (CE) Uimh. 300/2008 agus na tuarascálacha ó aon fhaireacháin atá déanta aige faoi Threoir 2005/65/CE i ndáil leis an eintiteas criticiúil lena mbaineann.

10.   Cuirfidh an Coimisiún an Grúpa um Athléimneacht Eintiteas Criticiúil dá dtagraítear in Airteagal 19 ar an eolas aon uair a eagrófar misean comhairleach. Cuirfidh an Ballstát ina tharla an misean comhairleach agus an Coimisiún an Grúpa um Athléimneacht Eintiteas Criticiúil ar an eolas freisin faoi phríomhthorthaí an mhisin chomhairligh agus faoi na ceachtanna a foghlaimíodh d’fhonn foghlaim fhrithpháirteach a chur chun cinn.