Airteagal 21 Maoirseacht agus forfheidhmiú

1.   Chun measúnú a dhéanamh ar chomhlíonadh na n-oibleagáidí a leagtar amach sa n Treoir seo ag na heintitis a shainaithin na Ballstáit gur eintitis chriticiúla iad de bhun Airteagal 6(1), áiritheoidh na Ballstáit go mbeidh na cumhachtaí agus na modhanna ag na húdaráis inniúla chun an méid seo a leanas a dhéanamh:

2.   Áiritheoidh na Ballstáit go mbeidh na cumhachtaí agus na modhanna ag na húdaráis inniúla chun a éileamh, i gcás inar gá sin chun a gcúraimí faoin Treoir seo a chomhlíonadh, go ndéanfaidh na heintitis faoi Threoir (AE) 2022/2555 arna sainaithint ag na Ballstáit mar eintitis chriticiúla faoin Treoir seo na nithe seo a leanas a sholáthar, laistigh de theorainn ama réasúnach a leagfaidh na húdaráis sin síos:

Agus an fhaisnéis sin á héileamh acu, luafaidh na húdaráis inniúla cuspóir an cheanglais agus sonróidh siad an fhaisnéis is gá.

3.   Gan dochar don fhéidearthacht pionóis a fhorchur i gcomhréir le hAirteagal 22, féadfaidh na húdaráis inniúla, tar éis na ngníomhaíochtaí maoirseachta dá dtagraítear i mír 1 den Airteagal seo nó tar éis an mheasúnaithe ar an bhfaisnéis dá dtagraítear i mír 2 den mhír seo, a ordú do na heintitis chriticiúla lena mbaineann na bearta comhréireacha a dhéanamh is gá chun aon sárú ar an Treoir seo a leigheas, laistigh de theorainn ama réasúnta a leagfaidh na húdaráis sin síos, agus go soláthróidh siad faisnéis do na húdaráis sin maidir leis na bearta arna ndéanamh. Cuirfear san áireamh sna horduithe sin, go háirithe, a thromchúisí is atá an sárú.

4.   Áiritheoidh an Ballstát nach bhféadfar na cumhachtaí dá bhforáiltear i míreanna 1, 2 agus 3 a fheidhmiú ach amháin faoi réir coimircí iomchuí. Leis na coimircí sin, ráthófar, go háirithe, go ndéanfar an feidhmiú sin ar bhealach oibiachtúil trédhearcach comhréireach agus go ndéanfar cearta agus leasanna dlisteanacha na n-eintiteas criticiúil lena mbaineann, amhail cosaint rún trádála agus gnó, a choimirciú go hiomchuí, lena n-áirítear a gceart chun éisteacht a fháil, a gceart chun cosaint a fháil agus a gceart chun leigheas éifeachtach a fháil os comhair cúirt neamhspleách.

5.   Áiritheoidh na Ballstáit, i gcás ina ndéanann údarás inniúil faoin Treoir seo measúnú ar chomhlíontacht eintitis chriticiúil de bhun an Airteagail seo, go gcuirfidh an t-údarás inniúil sin údaráis inniúla na mBallstát lena mbaineann aoi Threoir (AE) 2022/2555 ar an eolas. Chun na críche sin, áiritheoidh na Ballstáit gur féidir leis na húdaráis inniúla faoin Treoir seo a iarraidh ar na húdaráis inniúla faoi Threoir (AE) 2022/2555 a gcumhachtaí maoirseachta agus forfheidhmithe a fheidhmiú i ndáil le heintiteas faoi raon feidhme na Treorach sin a sainaithníodh mar eintiteas criticiúil faoin Treoir seo. Chun na críche sin áiritheoidh na Ballstáit go n-oibreoidh na húdaráis inniúla faoin Treoir seo i gcomhar leis na húdaráis inniúla sin agus go malartóidh siad faisnéis leis na húdaráis inniúla faoi Threoir (AE) 2022/2555.