+Airteagal 4 Cripteashócmhainní, seachas comharthaí sócmhainn-tagartha nó comharthaí ríomh-airgid, a thairiscint don phobal
---+Airteagal 4 1.
---+Airteagal 4 2.
---+Airteagal 4 3.
---+Airteagal 4 4.
---+Airteagal 4 5.
---+Airteagal 4 6.
---+Airteagal 4 7.
---+Airteagal 4 8.

Airteagal 4 Cripteashócmhainní, seachas comharthaí sócmhainn-tagartha nó comharthaí ríomh-airgid, a thairiscint don phobal

1. Forbhreathnú

,
Airteagal 4 1.

Ní dhéanfaidh duine tairiscint don phobal ar chripteashócmhainn seachas comhartha sócmhainn-tagartha nó comhartha ríomh-airgid san Aontas ach amháin más rud é gur fíor an méid seo a leanas i leith an duine sin:

(a) 

is duine dlítheanach é;

(b) 

tá páipéar bán maidir le cripteashócmhainní i dtaca leis an gcripteashócmhainn sin tarraingthe suas aige i gcomhréir le hAirteagal 6;

(c) 

tá fógra faoin bpáipéar bán maidir le cripteashócmhainní tugtha aige i gcomhréir le hAirteagal 8;

(d) 

tá an páipéar bán maidir le cripteashócmhainní foilsithe aige i gcomhréir le hAirteagal 9;

(e) 

tá an chumarsáid mhargaíochta, más ann di, i dtaca leis an gcripteashócmhainn sin dréachtaithe aige i gcomhréir le hAirteagal 7;

(f) 

tá an chumarsáid mhargaíochta, más ann di, i dtaca leis an gcripteashócmhainn sin foilsithe aige i gcomhréir le hAirteagal 9;

(g) 

comhlíonann sé na ceanglais a leagtar síos do thairgeoirí in Airteagal 14.
Airteagal 4 2.

Ní bheidh feidhm ag mír 1, pointí (b), (c), (d) agus (f), maidir le haon cheann de na tairiscintí seo a leanas don phobal ar chripteashócmhainní seachas comharthaí sócmhainn-tagartha nó comharthaí ríomh-airgid:

(a) 

tairiscint do níos lú ná 150 duine nádúrtha nó dlítheanach in aghaidh an Bhallstáit i gcás ina bhfuil daoine den sórt sin ag gníomhú ar a gcuntas féin;

(b) 

thar thréimhse 12 mhí, ag tosú le tús na tairisceana, ní mó ná EUR 1 000 000 , nó an méid coibhéiseach in airgeadra oifigiúil eile nó i gcripteashócmhainní, comaoin iomlán tairisceana don phobal ar chripteashócmhainn san Aontas;

(c) 

tairiscint ar chripteashócmhainn atá dírithe ar infheisteoirí cáilithe, agus orthu amháin, i gcás nach féidir ach le hinfheisteoirí cáilithe den sórt sin an chripteashócmhainn a shealbhú.
Airteagal 4 3.

Ní bheidh feidhm ag an Teideal seo maidir le tairiscintí cripteashócmhainní don phobal seachas comharthaí sócmhainn-tagartha nó comharthaí ríomh-airgid i gcás ina bhfuil feidhm ag aon cheann de na nithe seo a leanas:

(a) 

tairgtear an chripteashócmhainn saor in aisce;

(b) 

cruthaítear an chripteashócmhainn go huathoibríoch mar luach saothair ar an mórleabhar dáilte a chothabháil nó ar idirbhearta a bhailíochtú;

(c) 

baineann an tairiscint le comhartha fóntais lena soláthraítear rochtain ar earra nó ar sheirbhís atá ann nó atá ag feidhmiú;

(d) 

níl an ceart ag sealbhóir na cripteashócmhainne í a úsáid ach amháin mar mhalairt ar earraí agus seirbhísí i líonra teoranta ceannaithe a bhfuil socruithe conarthacha acu leis an tairgeoir.

Chun críocha phointe (a) den chéad fhomhír, ní mheasfar go bhfuil cripteashócmhainn á tairiscint saor in aisce i gcás ina n-éilítear ar cheannaitheoirí sonraí pearsanta a sholáthar don tairgeoir nó gealltanas a thabhairt sonraí pearsanta a sholáthar don tairgeoir mar mhalairt ar an gcripteashócmhainn sin, nó i gcás ina bhfaigheann tairgeoir na cripteashócmhainne ó shealbhóirí ionchasacha na cripteashócmhainne sin aon táillí, coimisiúin, sochair airgeadaíochta nó sochair neamhairgeadaíochta mar mhalairt ar an gcripteashócmhainn sin.

Más rud é, ar feadh gach tréimhse 12 mhí a thosaíonn ó thús na tairisceana tosaigh don phobal, gur mó ná EUR 1 000 000 comaoin iomlán tairisceana don phobal ar chripteashócmhainn sna himthosca dá dtagraítear sa chéad fhomhír, pointe (d), san Aontas, seolfaidh an tairgeoir fógra chuig an údarás inniúil ina mbeidh tuairisc ar an tairiscint agus ina míneofar cén fáth a bhfuil an tairiscint díolmhaithe ón Teideal seo de bhun na chéad fhomhíre, pointe (d).

Bunaithe ar an bhfógra dá dtagraítear sa tríú fomhír, déanfaidh an t-údarás inniúil cinneadh a bhfuil údar cuí leis i gcás ina measann sé nach gcáilíonn an ghníomhaíocht do dhíolúine mar líonra teoranta faoin gcéad fhomhír, pointe (d), agus cuirfidh sé an tairgeoir ar an eolas dá réir sin.
Airteagal 4 4.
Ní bheidh feidhm ag na díolúintí a liostaítear i míreanna 2 agus 3 i gcás ina gcuireann an tairgeoir, nó duine eile atá ag gníomhú thar ceann an tairgeora, in iúl in aon chumarsáid go bhfuil rún aige ligean isteach chun trádáil cripteashócmhainní a iarraidh seachas comhartha sóchmhainn-tagartha nó comhartha ríomh-airgid.
Airteagal 4 5.

Ní gá údarú mar sholáthraí seirbhísí cripteashócmhainní de bhun Airteagal 59 chun cumhdach agus riar cripteashócmhainní a sholáthar thar ceann cliant nó chun seirbhísí aistrithe le haghaidh cripteashócmhainní a sholáthar i ndáil le cripteashócmhainní a bhfuil a dtairiscintí don phobal díolmhaithe de bhun mhír 3 den Airteagal seo, mura rud é:

(a) 

go bhfuil tairiscint eile ann don phobal ar an gcripteashócmhainn chéanna agus nach mbaineann an tairiscint sin tairbhe as an díolúine; nó

(b) 

go ligtear an chripteashócmhainn atá á tairiscint isteach ar ardán trádála.
Airteagal 4 6.
I gcás ina mbaineann an tairiscint don phobal ar chripteashócmhainn seachas comhartha sócmhainn-tagartha nó comhartha ríomh-airgid le comhartha fóntais lena dtugtar rochtain ar earraí agus seirbhísí nach bhfuil ann go fóill nó nach bhfuil ag feidhmiú go fóill, ní bheidh fad na tairisceana don phobal mar a thugtar tuairisc air sa pháipéar bán maidir le cripteashócmhainní níos faide ná 12 mhí ó dháta foilsithe an pháipéir bháin maidir le cripteashócmhainní.
Airteagal 4 7.
Aon tairiscint don phobal a dhéantar ina dhiaidh sin ar an gcripteashócmhainn seachas comhartha sócmhainn-tagartha nó comhartha ríomh-airgid, measfar gur tairiscint ar leithligh don phobal í a bhfuil feidhm ag ceanglais mhír 1 maidir léi, gan dochar do chur i bhfeidhm féideartha mhír 2 nó 3 maidir leis an tairiscint don phobal ina dhiaidh sin.

Ní bheidh aon pháipéar bán breise maidir le cripteashócmhainní ag teastáil le haghaidh aon tairiscint don phobal ina dhiaidh sin ar an gcripteashócmhainn seachas comhartha sócmhainn-tagartha nó comhartha ríomh-airgid fad a bheidh páipéar bán maidir le cripteashócmhainní foilsithe i gcomhréir le hAirteagail 9 agus 12, agus a thoileoidh an duine atá freagrach as páipéar bán den sórt sin a tharraingt suas lena úsáid i scríbhinn.
Airteagal 4 8.
I gcás ina bhfuil tairiscint don phobal ar chripteashócmhainn seachas comhartha sócmhainn-tagartha nó comhartha ríomh-airgid díolmhaithe ón oibleagáid páipéar bán maidir le cripteashócmhainní a fhoilsiú faoi mhír 2 nó 3, ach ina ndéantar páipéar bán a tharraingt suas go deonach mar sin féin, beidh feidhm ag an Teideal seo.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.