+Airteagal 34 Socruithe rialachais
---+Airteagal 34 1.
---+Airteagal 34 2.
---+Airteagal 34 3.
---+Airteagal 34 4.
---+Airteagal 34 5.
---+Airteagal 34 6.
---+Airteagal 34 7.
---+Airteagal 34 8.
---+Airteagal 34 9.
---+Airteagal 34 10.
---+Airteagal 34 11.
---+Airteagal 34 12.
---+Airteagal 34 13.

Airteagal 34 Socruithe rialachais

1. Forbhreathnú

,
Airteagal 34 1.
Beidh ag eisitheoirí comharthaí sócmhainn-tagartha socruithe láidre rialachais, lena n-áirítear struchtúr soiléir eagraíochtúil ina bhfuil freagrachtaí dea-shainithe, trédhearcacha agus comhsheasmhacha, próisis éifeachtacha chun rioscaí a bhfuil siad neamhchosanta orthu nó a bhféadfaidís a bheith neamhchosanta orthu a shainaithint, a bhainistiú, a thuairisciú agus faireachán a dhéanamh orthu, agus sásraí leordhóthanacha rialaithe inmheánaigh, lena n-áirítear nósanna imeachta fónta ó thaobh an riaracháin agus na cuntasaíochta de.
Airteagal 34 2.
Maidir le comhaltaí an chomhlachta bainistíochta de chuid eisitheoirí comharthaí sócmhainn-tagartha, beidh dea-cháil leordhóthanach orthu agus beidh an t-eolas iomchuí, scileanna iomchuí agus taithí iomchuí acu, ar bhonn aonair agus ar bhonn comhchoiteann araon, chun a gcuid dualgas a dhéanamh. Go háirithe, ní bheidh siad ciontaithe i gcionta a bhaineann le sciúradh airgid nó maoiniú sceimhlitheoireachta nó in aon chionta eile a dhéanfadh difear dá ndea-cháil. Léireoidh siad freisin go bhfuil sé ar a gcumas acu dóthain ama a thiomnú dá gcuid dualgas a dhéanamh go héifeachtach.
Airteagal 34 3.
Déanfaidh comhlacht bainistíochta eisitheoirí comharthaí sócmhainn-tagartha measúnú agus athbhreithniú tréimhsiúil ar éifeachtacht na socruithe beartais agus na nósanna imeachta a cuireadh i bhfeidhm chun Caibidlí 2, 3, 5 agus 6 den Teideal seo a chomhlíonadh agus déanfaidh sé bearta iomchuí chun aghaidh a thabhairt ar aon easnaimh ina leith sin.
Airteagal 34 4.
Beidh dea-cháil leordhóthanach ar scairshealbhóirí nó ar chomhaltaí, bíodh siad díreach nó indíreach, a bhfuil sealúchais cháilitheacha acu in eisitheoirí comharthaí sócmhainn-tagartha agus, go háirithe, ní bheidh siad ciontaithe i gcionta a bhaineann le sciúradh airgid nó maoiniú sceimhlitheoireachta nó in aon chionta eile a dhéanfadh difear dá ndea-cháil.
Airteagal 34 5.

Glacfaidh eisitheoirí comharthaí sócmhainn-tagartha beartais agus nósanna imeachta atá éifeachtach go leor chun comhlíonadh an Rialacháin seo a áirithiú. Déanfaidh eisitheoirí comharthaí sócmhainn-tagartha beartais agus nósanna imeachta a bhunú, a choimeád ar bun agus a chur chun feidhme, go háirithe, maidir leis an méid seo a leanas:

(a) 

an cúlchiste sócmhainní dá dtagraítear in Airteagal 36;

(b) 

cumhdach na gcúlsócmhainní, lena n-áirítear leithscaradh sócmhainní, mar a shonraítear in Airteagal 37;

(c) 

na cearta a dheonaítear do shealbhóirí comharthaí sócmhainn-tagartha, mar a shonraítear in Airteagal 39;

(d) 

an sásra trína ndéantar comharthaí sócmhainn-tagartha a eisiúint agus a fhuascailt;

(e) 

na prótacail chun idirbhearta i gcomharthaí sócmhainn-tagartha a bhailíochtú;

(f) 

feidhmiú theicneolaíocht dhílsithe mórleabhar dáilte na n-eisitheoirí, i gcás ina ndéantar na comharthaí sócmhainn-tagartha a eisiúint, a aistriú agus a stóráil trí úsáid a bhaint as teicneolaíocht mórleabhar dáilte den sórt sin nó teicneolaíocht chomhchosúil arna hoibriú ag na heisitheoirí nó ag tríú páirtí a ghníomhaíonn thar a gceann;

(g) 

na sásraí chun leachtacht comharthaí sócmhainn-tagartha a áirithiú, lena n-áirítear an beartas bainistithe leachtachta agus na nósanna imeachta bainistithe leachtachta d’eisitheoirí comharthaí sócmhainn-tagartha suntasacha dá dtagraítear in Airteagal 45;

(h) 

socruithe le heintitis tríú páirtí chun an cúlchiste sócmhainní a fheidhmiú, agus chun na cúlsócmhainní a infheistiú, na cúlsócmhainní a chumhdach agus, i gcás inarb infheidhme, na comharthaí sócmhainn-tagartha a dháileadh ar an bpobal;

(i) 

toiliú i scríbhinn ó eisitheoirí na gcomharthaí sócmhainn-tagartha arna dtabhairt do dhaoine eile a d’fhéadfadh na comharthaí sócmhainn-tagartha a thairiscint nó ligean isteach na gcomharthaí sócmhainn-tagartha chun a dtrádála a iarraidh;

(j) 

láimhseáil gearán, mar a shonraítear in Airteagal 31;

(k) 

coinbhleachtaí leasa, mar a shonraítear in Airteagal 32.

I gcás ina ndéanann eisitheoirí comharthaí sócmhainn-tagartha socruithe dá dtagraítear sa chéad fhomhír, pointe (h), leagfar amach na socruithe sin i gconradh leis na heintitis tríú páirtí. Leis na socruithe conarthacha sin, leagfar amach róil, freagrachtaí, cearta agus oibleagáidí eisitheoirí na gcomharthaí sócmhainn-tagartha agus na n-eintiteas tríú páirtí araon. Forálfar le haon socrú conarthach lena ngabhann impleachtaí trasdlínse do rogha gan débhrí maidir leis an dlí is infheidhme.
Airteagal 34 6.
Murar thionscain siad plean fuascailte dá dtagraítear in Airteagal 47, cuirfidh eisitheoirí comharthaí sócmhainn-tagartha córais iomchuí agus chomhréireacha, acmhainní iomchuí agus comhréireacha agus nósanna imeachta iomchuí agus comhréireacha i bhfeidhm chun feidhmiú leanúnach agus rialta a gcuid seirbhísí agus gníomhaíochtaí a áirithiú. Chuige sin, coimeádfaidh eisitheoirí comharthaí sócmhainn-tagartha a gcórais uile agus a bprótacail rochtana slándála uile ar bun i gcomhréir le caighdeáin iomchuí an Aontais.
Airteagal 34 7.
Má chinneann eisitheoir comhartha sócmhainn-tagartha scor dá sheirbhísí agus dá ghníomhaíochtaí a sholáthar, lena n-áirítear trí scor d’eisiúint an chomhartha sócmhainn-tagartha sin, cuirfidh sé plean faoi bhráid an údaráis inniúil chun scor den sórt sin a fhormheas.
Airteagal 34 8.
Sainaithneoidh eisitheoirí comharthaí sócmhainn-tagartha foinsí riosca oibriúcháin agus déanfaidh siad iad a íoslaghdú trí chórais, rialuithe agus nósanna imeachta iomchuí a fhorbairt.
Airteagal 34 9.
Bunóidh eisitheoirí comharthaí sócmhainn-tagartha beartas agus pleananna leanúnachais gnó chun a áirithiú, i gcás ina gcuirtear isteach ar a gcórais agus a nósanna imeachta TFC, go gcaomhnaítear sonraí agus feidhmeanna riachtanacha agus go gcoimeádtar a ngníomhaíochtaí ar bun nó, i gcás nach féidir é sin a dhéanamh, go n-athshlánaítear na sonraí agus na feidhmeanna sin go tráthúil agus go n-atosaítear a ngníomhaíochtaí go tráthúil.
Airteagal 34 10.
Beidh sásraí rialaithe inmheánaigh agus nósanna imeachta éifeachtacha i bhfeidhm ag eisitheoirí comharthaí sócmhainn-tagartha maidir le bainistiú riosca, lena n-áirítear socruithe éifeachtacha rialaithe agus coimirce chun córais TFC a bhainistiú mar a cheanglaítear le Rialachán (AE) 2022/2554 ó Pharlaimint na hEorpa agus ón gComhairle ( 11 ). Forálfar leis na nósanna imeachta do mheasúnú cuimsitheach a bhaineann leis an spleáchas ar eintitis tríú páirtí dá dtagraítear i mír 5, an chéad fhomhír, pointe (h), den Airteagal seo. Déanfaidh eisitheoirí comharthaí sócmhainn-tagartha faireachán agus measúnú ar bhonn tráthrialta ar leordhóthanacht agus éifeachtacht na sásraí rialaithe inmheánaigh agus na nósanna imeachta um measúnú riosca agus déanfaidh siad bearta iomchuí chun aghaidh a thabhairt ar aon easnaimh ina leith sin.
Airteagal 34 11.
Beidh córais agus nósanna imeachta i bhfeidhm ag eisitheoirí comharthaí sócmhainn-tagartha atá leordhóthanach chun infhaighteacht, barántúlacht, sláine agus rúndacht sonraí a choimirciú mar a cheanglaítear le Rialachán (AE) 2022/2554 agus i gcomhréir le Rialachán (AE) 2016/679. Déanfaidh na córais sin sonraí agus faisnéis ábhartha a bhailítear agus a tháirgtear le linn ghníomhaíochtaí na n-eisitheoirí a thaifeadadh agus a a choimirciú.
Airteagal 34 12.
Áiritheoidh eisitheoirí comharthaí sócmhainn-tagartha go ndéanann iniúchóirí neamhspleácha iniúchadh orthu go tráthrialta. Cuirfear torthaí na n-iniúchtaí sin in iúl do chomhlacht bainistíochta an eisitheora lena mbaineann agus cuirfear ar fáil don údarás inniúil iad.
Airteagal 34 13.

Faoin.30 Meitheamh 2024, déanfaidh ÚBE, i ndlúthchomhar le ESMA agus le BCE, treoirlínte a eisiúint i gcomhréir le hAirteagal 16 de Rialachán (AE) Uimh. 1093/2010 lena sonraítear an t-íosmhéid inneachair atá le bheith sna socruithe rialachais maidir leis an méid seo a leanas:

(a) 

na huirlisí faireacháin le haghaidh na rioscaí dá dtagraítear i mír 8;

(b) 

an plean leanúnachais gnó dá dtagraítear i mír 9;

(c) 

an sásra rialaithe inmheánaigh dá dtagraítear i mír 10;

(d) 

na hiniúchtaí dá dtagraítear i mír 12, lena n-áirítear an doiciméadacht íosta atá le húsáid san iniúchadh.

Agus na treoirlínte dá dtagraítear sa chéad fhomhír á n-eisiúint, cuirfidh ÚBE san áireamh na forálacha maidir le ceanglais rialachais i ngníomhartha reachtacha eile de chuid an Aontais maidir le seirbhísí airgeadais, lena n-áirítear Treoir 2014/65/AE.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.