+Airteagal 114 Cinntí a fhoilsiú
---+Airteagal 114 1.
---+Airteagal 114 2.
---+Airteagal 114 3.
---+Airteagal 114 4.

Airteagal 114 Cinntí a fhoilsiú

1. Forbhreathnú

,
Airteagal 114 1.
Déanfaidh údaráis inniúla cinneadh lena bhforchuirtear pionóis riaracháin agus bearta eile riaracháin as sárú ar an Rialachán seo i gcomhréir le hAirteagal 111 a fhoilsiú ar a suíomhanna gréasáin oifigiúla gan moill mhíchuí tar éis don fhógra faoin gcinneadh sin a bheith tugtha don duine nádúrtha nó dlítheanach is ábhar don chinneadh sin. Áireofar san fhoilsiú sin, ar a laghad, faisnéis maidir le cineál agus nádúr an tsáraithe, mar aon le céannacht na ndaoine nádúrtha nó dlítheanacha atá freagrach. Ní gá cinntí lena bhforchuirtear bearta de chineál imscrúdaitheach a fhoilsiú.
Airteagal 114 2.

I gcás ina measann an t-údarás inniúil go bhfuil foilsiú chéannacht na n-eintiteas dlítheanach nó chéannacht nó sonraí pearsanta na ndaoine nádúrtha míréireach agus sin mar gheall ar mheasúnú cás ar chás a rinneadh maidir le comhréireacht fhoilsiú na sonraí sin, nó i gcás ina gcuirfeadh foilsiú den sórt sin imscrúdú atá ar siúl ag an am sin i mbaol, déanfaidh na húdaráis inniúla ceann de na gníomhaíochtaí seo a leanas:

(a) 

foilsiú an chinnidh chun pionós riaracháin nó beart eile riaracháin a fhorchur a chur siar go dtí an tráth a scoirfidh cúiseanna a neamhfhoilsithe de bheith ann;

(b) 

an cinneadh a fhoilsiú chun pionós riaracháin nó beart eile riaracháin a fhorchur gan ainm ar bhealach a bheidh i gcomhréir leis an dlí náisiúnta, i gcás ina n-áirithítear, leis an bhfoilsiú gan ainm sin, cosaint éifeachtach na sonraí pearsanta lena mbaineann;

(c) 

gan an cinneadh maidir le pionós riaracháin nó beart eile riaracháin a fhorchur i gcás ina meastar nach leor iad na roghanna dá bhforáiltear i bpointí (a) agus (b) chun an méid seo a leanas a áirithiú:

(i) 

nach gcuirtear cobhsaíocht na margaí airgeadais i mbaol;

(ii) 

comhréireacht i dtaca le cinneadh mar sin a fhoilsiú ag féachaint do bhearta a meastar gur mionbhearta iad.

Má dhéantar cinneadh pionós riaracháin nó beart eile riaracháin a fhoilsiú gan ainm, amhail dá dtagraítear sa chéad fhomhír, pointe (b), féadfar foilsiú na sonraí ábhartha a chur siar go ceann tréimhse réasúnach i gcás ina dtuartar go mbeidh deireadh laistigh den tréimhse sin leis na cúiseanna a bheith ann don fhoilsiú sin gan ainm.
Airteagal 114 3.
I gcás ina bhfuil an cinneadh pionós riaracháin nó beart eile riaracháin a fhorchur faoi achomharc os comhair na gcúirteanna ábhartha nó na gcomhlachtaí riaracháin ábhartha, déanfaidh údaráis inniúla an fhaisnéis sin, agus aon fhaisnéis eile maidir leis an toradh ar an achomharc sin, a fhoilsiú láithreach, ar a suíomh gréasáin oifigiúil. Thairis sin, foilseofar freisin aon chinneadh lena gcuirtear cinneadh roimhe sin chun pionós riaracháin nó beart eile riaracháin a fhorchur ar neamhní.
Airteagal 114 4.
Áiritheoidh na húdaráis inniúla go bhfanfaidh aon fhoilseachán i gcomhréir leis an Airteagal seo ar a suíomh gréasáin oifigiúil ar feadh tréimhse nach giorra ná 5 bliana i ndiaidh a fhoilsithe. Ní choimeádfar sonraí pearsanta atá san fhoilseachán ar shuíomh gréasáin oifigiúil an údaráis inniúil ach don tréimhse atá riachtanach i gcomhréir leis na rialacha infheidhme um chosaint sonraí.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.