+Airteagal 123 Cumhachtaí ginearálta imscrúdaitheacha
---+Airteagal 123 1.
---+Airteagal 123 2.
---+Airteagal 123 3.
---+Airteagal 123 4.
---+Airteagal 123 5.
---+Airteagal 123 6.
---+Airteagal 123 7.

Airteagal 123 Cumhachtaí ginearálta imscrúdaitheacha

1. Forbhreathnú

,
Airteagal 123 1.

Chun a fhreagrachtaí maoirseachta a chomhlíonadh faoi Airteagal 117 den Rialachán seo, féadfaidh ÚBE imscrúduithe a dhéanamh maidir le heisitheoirí comharthaí sócmhainn-tagartha suntasacha agus maidir le heisitheoirí comharthaí ríomh-airgid suntasacha. Chuige sin, tabharfar de chumhacht do na hoifigigh agus do na daoine eile a bheidh údaraithe ag ÚBE an méid seo a leanas a dhéanamh:

(a) 

scrúdú a dhéanamh ar aon taifid, ar aon sonraí, ar aon nósanna imeachta agus ar aon ábhar eile atá ábhartha i ndáil le cur i gcrích a chúraimí, gan beann ar an meán ar a bhfuil siad stóráilte;

(b) 

cóipeanna deimhnithe a dhéanamh nó cóipeanna deimhnithe a thógáil a fháil de na taifid sin, de na sonraí sin, de na nósanna imeachta sin agus den ábhar eile sin, nó sleachta astu a thógáil nó a fháil;

(c) 

aon eisitheoir comhartha sócmhainn-tagartha shuntasaigh nó eisitheoir comhartha ríomh-airgid shuntasaigh, nó a comhlacht bainistíochta nó a fhoireann, a thoghairm agus a iarraidh orthu mínithe ó bhéal nó i scríbhinn a thabhairt ar fhíorais nó ar dhoiciméid a bhaineann le hábhar agus cuspóir an imscrúdaithe agus na freagraí a thaifeadadh;

(d) 

agallamh a chur ar aon duine nádúrtha nó dlítheanach eile a thoilíonn go gcuirfí agallamh air chun faisnéis a bhailiú i ndáil le hábhar imscrúdaithe;

(e) 

taifid a iarraidh de thrácht teileafóin agus sonraí.

Cuirfear coláiste amhail dá dtagraítear in Airteagal 119(1) ar an eolas gan moill mhíchuí faoi aon chinntí a d’fhéadfadh a bheith ábhartha maidir le cur i gcrích a chúraimí.
Airteagal 123 2.
Déanfaidh na hoifigigh agus na daoine eile a bheidh údaraithe ag ÚBE chun críocha an imscrúdaithe dá dtagraítear i mír 1 a gcumhachtaí a fheidhmiú ar údarú i scríbhinn a sholáthar ina mbeidh ábhar agus cuspóir an imscrúdaithe sonraithe. Sonrófar san údarú sin freisin na híocaíochtaí pionósacha tréimhsiúla dá bhforáiltear in Airteagal 132 i gcás nach soláthrófar na taifid, na sonraí, na nósanna imeachta, ná aon ábhar eile a éilítear ná freagraí ar na ceisteanna a cuireadh ar eisitheoirí comharthaí sócmhainn-tagartha suntasacha nó ar eisitheoirí comharthaí ríomh-airgid suntasacha nó i gcás ina mbeidh na nithe sin neamhiomlán, agus sonrófar ann na fíneálacha dá bhforáiltear in Airteagal 131, i gcás ina bhfuil na freagraí ar na ceisteanna a cuireadh ar eisitheoirí comharthaí sócmhainn-tagartha suntasacha nó ar eisitheoirí comharthaí ríomh-airgid suntasacha mícheart nó míthreorach.
Airteagal 123 3.
Tá sé de cheangal ar eisitheoirí comharthaí sócmhainn-tagartha suntasacha agus eisitheoirí comharthaí ríomh-airgid suntasacha dul faoi imscrúduithe arna seoladh bunaithe ar chinneadh ó ÚBE. Sonrófar sa chinneadh ábhar agus cuspóir an imscrúdaithe, na híocaíochtaí pionósacha tréimhsiúla dá bhforáiltear in Airteagal 132, na leigheasanna dlí atá ar fáil faoi Rialachán (AE) Uimh. 1093/2010 chomh maith leis an gceart an cinneadh a chur faoi bhráid na Cúirte Breithiúnais lena athbhreithniú.
Airteagal 123 4.
Laistigh de thréimhse réasúnta ama roimh imscrúdú dá dtagraítear i mír 1, cuirfidh ÚBE údarás inniúil an Bhallstáit ina bhfuil an t-imscrúdú le déanamh ar an eolas faoin imscrúdú agus faoi chéannacht na ndaoine údaraithe. Arna iarraidh sin do ÚBE, cuideoidh oifigigh de chuid an údaráis inniúil leis na daoine údaraithe sin a ndualgais a dhéanamh. Féadfaidh oifigigh de chuid an údaráis inniúil lena mbaineann freastal ar na himscrúduithe freisin arna iarraidh sin.
Airteagal 123 5.
Más rud é, maidir le hiarraidh ar thaifid ar thrácht teileafóin nó ar thrácht sonraí dá dtagraítear i mír 1, an chéad fhomhír, pointe (e), go gceanglaítear údarú a fháil ó chúirt de bhun an dlí náisiúnta is infheidhme, déanfaidh ÚBE iarratas ar an údarú sin. Féadfar iarratas a dhéanamh ar an údarú sin freisin mar bheart réamhchúraim.
Airteagal 123 6.

I gcás ina bhfaighidh cúirt i mBallstát iarratas ar údarú maidir le hiarraidh ar thaifid ar thrácht teileafóin nó ar thrácht sonraí dá dtagraítear i mír 1, an chéad fhomhír, pointe (e), déanfaidh an chúirt a fhíorú i dtaobh:

(a) 

an bhfuil cinneadh ÚBE dá dtagraítear i mír 3 barántúil;

(b) 

an bhfuil aon bhearta atá le déanamh comhréireach agus nach bhfuil siad aondeonach ná iomarcach.
Airteagal 123 7.
Chun críocha mhír 6, pointe (b), féadfaidh an chúirt a iarraidh ar ÚBE míniúcháin mhionsonraithe a thabhairt, go háirithe maidir leis na forais atá ag ÚBE chun drochamhras a bheith air go ndearnadh sárú ar an Rialachán seo, maidir le tromchúis an tsáraithe a bhfuil drochamhras ann ina leith agus maidir le cineál na rannpháirtíochta ar thaobh an duine atá faoi réir na mbeart comhéigneach. Ní dhéanfaidh an chúirt sin athbhreithniú, áfach, ar an ngá atá leis an imscrúdú ná ní éileoidh sí go ndéanfar an fhaisnéis atá ar chomhad ÚBE a sholáthar di. Ní bheidh dlíthiúlacht chinneadh ÚBE faoi réir a athbhreithnithe ach amháin ag an gCúirt Bhreithiúnais agus i gcomhréir leis an nós imeachta a leagtar amach i Rialachán (AE) Uimh. 1093/2010.

1.1 Tagairtí

1.2 Ceanglais aitheanta

1.3 Caighdeáin ghaolmhara

2. Ceanglais aitheanta

Ceanglais

3. Caighdeáin ghaolmhara

Caighdeáin
  • Builddate: 09.01.2024 00:00:00 -Doknr: CELEX:32023R1114
  • EULAW -

    EN: Legal acts of the European Union from EUR-Lex, https://eur-lex.europa.eu/. © European Union. Re-use is authorised by Decision 2011/833/EU, provided the source is acknowledged; the consolidated texts are licensed under CC BY 4.0 (EUR-Lex legal notice). Divided into sections and converted into the GRCA format, the wording unchanged. Only the legislation published in the Official Journal of the European Union is deemed authentic.

    DE: Rechtsakte der Europäischen Union aus EUR-Lex, https://eur-lex.europa.eu/. © Europäische Union. Weiterverwendung nach Beschluss 2011/833/EU mit Quellenangabe gestattet; die konsolidierten Fassungen stehen unter CC BY 4.0 (Rechtlicher Hinweis von EUR-Lex). In Abschnitte aufgeteilt und in das GRCA-Format umgewandelt, der Wortlaut unverändert. Verbindlich sind allein die im Amtsblatt der Europäischen Union veröffentlichten Rechtsakte.