Airteagal 15 Cumhacht chun aghaidh a thabhairt ar bhaic ar inréiteacht nó chun iad a bhaint

1.   I gcás ina léirítear leis an measúnú a chuirtear i gcrích i gcomhréir le hAirteagal 13 nó 14 go bhfuil baic shubstainteacha ann ar inréiteacht gnóthais árachais nó athárachais, áiritheoidh na Ballstáit go dtabharfaidh an t-údarás réitigh fógra i scríbhinn faoi sin don ghnóthas árachais nó athárachais sin agus don údarás maoirseachta lena mbaineann.

2.   An ceanglas a bhíonn ar údaráis réitigh pleananna réitigh a tharraingt suas agus an ceanglas a bhíonn ar na húdaráis réitigh ábhartha cinneadh comhpháirteach a dhéanamh i gcomhréir le hAirteagal 17 maidir le pleananna réitigh grúpa dá dtagraítear in Airteagal 9(1) agus Airteagal 11(4) faoi seach, cuirfear ar fionraí iad tar éis an fhógra dá dtagraítear i mír 1 den Airteagal seo go dtí go nglacfaidh an t-údarás réitigh leis na bearta chun na baic shubstainteacha ar inréiteacht a bhaint de bhun mhír 3 den Airteagal seo nó go dtí go ndéanfar cinneadh ina leith de bhun mhír 4 den Airteagal seo.

3.   Laistigh de 4 mhí ón dáta a gheofar fógra dá dtagraítear i mír 1, molfaidh an gnóthas árachais nó athárachais bearta féideartha don údarás réitigh chun aghaidh a thabhairt ar na baic shubstainteacha a shainaithnítear san fhógra nó chun iad a bhaint.

Cuirfear san áireamh san amlíne faoina gcuirfear chun feidhme na bearta sin arna moladh ag an ngnóthas na cúiseanna atá leis na baic shubstainteacha.

Déanfaidh an t-údarás réitigh, tar éis dul i gcomhairle leis an údarás maoirseachta, measúnú ar cé acu a thugtar aghaidh go héifeachtach, leis na bearta sin, ar an mbac substainteach nó nach dtugtar, nó cé acu a bhaintear na baic shubstainteacha nó nach mbaintear.

4.   Údaráis réitigh a thugann faoi deara nach ndéanann na bearta arna moladh ag an ngnóthas árachais nó athárachais i gcomhréir le mír 3 laghdú éifeachtach ar an mbac lena mbaineann, ná nach ndéanann siad an bac sin a bhaint, cuirfidh siad de cheangal, go díreach, nó go hindíreach tríd an údarás maoirseachta, ar an ngnóthas árachais nó athárachais aon cheann de na bearta malartacha a leagtar amach i mír 5 a ghlacadh, agus fógra faoi na bearta sin a thabhairt i scríbhinn don ghnóthas sin, ar gnóthas é a mholfaidh plean chun na ceanglais sin a chomhlíonadh laistigh de mhí amháin tar éis dó an fógra sin a fháil.

Agus bearta malartacha á sainaithint ag údaráis réitigh, léireoidh siad cad ina thaobh nach mbeadh na bearta a mhol an gnóthas árachais nó athárachais in ann na baic ar inréiteacht a bhaint agus an dóigh a bhfuil na bearta malartacha a moladh comhréireach chun na baic sin a bhaint. Cuirfidh údaráis réitigh san áireamh an éifeacht a bheidh ag na bearta ar ghnó an ghnóthais árachais nó athárachais, ar a chobhsaíocht agus ar a chumas rannchuidiú leis an ngeilleagar.

5.   Chun críocha mhír 4, beidh sé de chumhacht ag údaráis réitigh aon cheann de na bearta malartacha seo a leanas, ar a laghad, a dhéanamh:

6.   Sula ndéanfar aon bheart malartach dá dtagraítear i mír 5 a shainaithint, déanfaidh an t-údarás réitigh, tar éis dul i gcomhairle leis an údarás maoirseachta, breithniú cuí ar an éifeacht a d’fhéadfadh a bheith ag an mbeart sin ar fhóntacht agus cobhsaíocht ghnó leanúnach an ghnóthais árachais agus athárachais áirithe sin agus ar an margadh inmheánach.

7.   Maidir le fógra nó le cinneadh arna dhéanamh de bhun mhír 1 nó 4:

Thairis sin, léireofar an dóigh a gcomhlíonann cinneadh a rinneadh de bhun mhír 4 an ceanglas maidir le cur i bhfeidhm comhréireach a leagtar síos i mír 4, an dara fomhír.

8.   Eiseoidh EIOPA treoirlínte, faoin 29 Iúil 2027, i gcomhréir le hAirteagal 16 de Rialachán (AE) Uimh. 1094/2010 chun tuilleadh sonraí ar na bearta dá bhforáiltear i mír 5 den Airteagal seo a shonrú, mar aon leis na himthosca ina bhféadfar gach beart a chur i bhfeidhm.