Airteagal 18 Cuspóirí réitigh

1.   Áiritheoidh na Ballstáit maidir le húdaráis réitigh, agus uirlisí réitigh á gcur i bhfeidhm acu agus cumhachtaí réitigh á bhfeidhmiú acu, go dtabharfaidh siad aird ar na cuspóirí réitigh a liostaítear i mír 2, agus go roghnóidh siad na huirlisí agus na cumhachtaí is fearr lena mbainfear amach na cuspóirí is ábhartha in imthosca an cháis.

2.   Is iad seo a leanas na cuspóirí réitigh:

Agus an cuspóir réitigh dá dtagraítear sa chéad fhomhír, pointe (c), á shaothrú, roghnóidh na húdaráis réitigh na cineálacha cur chuige sin i ndáil leis na feidhmeanna criticiúla is fearr a chaomhnóidh leanúnachas an chumhdaigh árachais do na sealbhóirí polasaí.

Agus an cuspóir réitigh dá dtagraítear sa chéad fhomhír, pointe (d), á shaothrú, tabharfaidh na húdaráis réitigh tosaíocht, a mhéid is féidir, d’úsáid foinsí maoiniúcháin seachas buiséad na mBallstát, lena n-áirítear socruithe maoiniúcháin dá dtagraítear in Airteagal 81 agus scéimeanna ráthaíochta árachais, i gcás ina mbeidh siad ar fáil chun na críche sin faoin dlí is infheidhme.

Áiritheoidh na Ballstáit maidir leis na húdaráis réitigh, agus na cuspóirí réitigh á saothrú acu, go bhféachfaidh siad le costas an réitigh a íoslaghdú agus le scriosadh luacha a sheachaint mura gá sin chun na cuspóirí réitigh sin a bhaint amach.

3.   Tá an tábhacht chéanna ag baint leis na cuspóirí réitigh, agus áiritheoidh na Ballstáit go gcoimeádfaidh údaráis réitigh ar mheá cothrom iad, de réir mar is iomchuí, ag féachaint do chineál agus imthosca gach cáis.