Artikolu 18 Objettivi ta' riżoluzzjoni

1.   L-Istati Membri għandhom jiżguraw li l-awtoritajiet ta' riżoluzzjoni, meta japplikaw għodod ta' riżoluzzjoni u jeżerċitaw setgħat ta' riżoluzzjoni, iqisu l-objettivi ta' riżoluzzjoni elenkati fil-paragrafu 2, u jagħżlu l-għodod u s-setgħat li l-aħjar jilħqu l-objettivi li huma rilevanti fiċ-ċirkostanzi tal-każ.

2.   L-objettivi ta' riżoluzzjoni huma:

Meta jaħdmu biex jintlaħaq l-objettiv ta' riżoluzzjoni msemmi fl-ewwel subparagrafu, il-punt (c), l-awtoritajiet ta' riżoluzzjoni għandhom jagħżlu dawk l-approċċi fir-rigward tal-funzjonijiet kritiċi li jippreservaw bl-aħjar mod il-kontinwità tal-kopertura tal-assigurazzjoni għad-detenturi ta' poloz.

Meta jaħdmu biex jintlaħaq l-objettiv ta' riżoluzzjoni msemmi fl-ewwel subparagrafu, il-punt (d), l-awtoritajiet ta' riżoluzzjoni għandhom, sa fejn ikun possibbli, jipprijoritizzaw l-użu ta' sorsi ta' finanzjament għajr il-baġit tal-Istati Membri, inkluż l-arranġamenti ta' finanzjament kif imsemmija fl-Artikolu 81 u fl-iskemi ta' garanzija tal-assigurazzjoni, fejn dawn ikunu disponibbli għal dak l-għan skont il-liġi applikabbli.

L-Istati Membri għandhom jiżguraw li l-awtoritajiet ta' riżoluzzjoni, meta jsegwu l-objettivi ta' riżoluzzjoni, ifittxu li jimminimizzaw il-kost tar-riżoluzzjoni u jevitaw il-qerda tal-valur sakemm ma tkunx neċessarja sabiex jintlaħqu dawk l-objettivi ta' riżoluzzjoni.

3.   L-objettivi ta' riżoluzzjoni huma ta' sinifikat ugwali, u l-Istati Membri għandhom jiżguraw li l-awtoritajiet ta' riżoluzzjoni jibbilanċjawhom kif xieraq skont in-natura u ċ-ċirkostanzi ta' kull każ.