Airteagal 29 Ceanglais nós imeachta maidir le díolacháin ghnó, sócmhainní, ceart nó dliteanas i gcás réitigh

1.   Faoi réir mhír 3, i gcás ina bhféachfaidh na húdaráis réitigh leis an uirlis díolta gnó a chur i bhfeidhm, nó i gcás ina ndíolfaidh siad gnóthas idirlinne, nó a shócmhainní, a chearta nó a dhliteanais, an gnóthas faoi réiteach, an gnóthas idirlinne nó na sócmhainní, cearta, dliteanais, scaireanna nó ionstraimí úinéireachta eile lena mbaineann, áiritheoidh na Ballstáit go ndéanfar iad a mhargú i gcomhréir leis na ceanglais a leagtar amach i mír 2. Féadfar comhthiomsuithe ceart, sócmhainní, agus dliteanas a mhargú ar leithligh.

2.   Gan dochar do chreat Státchabhrach an Aontais, comhlíonfaidh an margú dá dtagraítear i mír 1 na ceanglais seo a leanas:

Ní chuirfidh na ceanglais sin cosc ar údaráis réitigh ceannaitheoirí áirithe a d’fhéadfadh a bheith ann a lorg.

Aon nochtadh poiblí ar mhargú eintitis dá dtagraítear in Airteagal 1(1), pointí (a) go (e), nó ar mhargú an ghnóthais idirlinne a cheanglófaí murach an nochtadh poiblí i gcomhréir le hAirteagal 17(1) de Rialachán (AE) Uimh. 596/2014, féadfar é a mhoilliú i gcomhréir le hAirteagal 17(4) nó (5) den Rialachán sin.

3.   Féadfaidh na húdaráis réitigh cinneadh réasúnaithe a ghlacadh gan an ceanglas maidir le díolachán a mhargú a chomhlíonadh má chinneann siad gur dócha go mbainfí an bonn ó cheann amháin nó níos mó de na cuspóirí réitigh ach na ceanglais a leagtar síos i mír 2 a chomhlíonadh.