Artikolu 29 Rekwiżiti proċedurali rigward il-bejgħ ta' negozju, ta' assi, ta' drittijiet jew ta' obbligazzjonijiet f'riżoluzzjoni

1.   Soġġetti għall-paragrafu 3, l-Istati Membri għandhom jiżguraw li, meta l-awtoritajiet ta' riżoluzzjoni jfittxu li japplikaw l-għodda ta' bejgħ ta' negozju, jew ibigħu impriża tranżitorja, jew l-assi, id-drittijiet jew l-obbligazzjonijiet tagħha, l-impriża taħt riżoluzzjoni, l-impriża tranżitorja jew l-assi, id-drittijiet, l-obbligazzjonijiet, l-ishma jew l-istrumenti ta' sjieda l-oħrajn ikkonċernati jiġu kkummerċjalizzati f'konformità mar-rekwiżiti stabbiliti fil-paragrafu 2. Aggregazzjonijiet ta' drittijiet, ta' assi u ta' obbligazzjonijiet jistgħu jiġu kkummerċjalizzati separatament.

2.   Mingħajr preġudizzju għall-qafas tal-Unjoni dwar l-għajnuna mill-Istat, il-kummerċjalizzazzjoni msemmija fil-paragrafu 1 għandha tikkonforma mar-rekwiżiti li ġejjin:

Dawk ir-rekwiżiti ma għandhomx jipprevjenu lill-awtoritajiet ta' riżoluzzjoni milli jissolleċitaw akkwirenti potenzjali partikolari.

Kwalunkwe żvelar pubbliku tal-kummerċjalizzazzjoni ta' entità msemmija fl-Artiklu 1(1), il-punti (a) sa (e), jew tal-impriża tranżitorja li altrimenti jkun meħtieġ f'konformità mal-Artikolu 17(1) tar-Regolament (UE) Nru 596/2014 jista' jiġi pospost f'konformità mal-Artikolu 17(4) jew (5) ta' dak ir-Regolament.

3.   L-awtoritajiet ta' riżoluzzjoni jistgħu jadottaw deċiżjoni motivata li ma jikkonformawx mar-rekwiżit li jikkummerċjalizzaw bejgħ meta jiddeterminaw li l-konformità mar-rekwiżiti stabbiliti fil-paragrafu 2 x'aktarx li xxekkel wieħed jew aktar mill-objettivi ta' riżoluzzjoni.