7. Ní thabharfar le tuiscint le cuspóirí an ghnóthais idirlinne go bhfuil aon dualgas ná freagracht ar scairshealbhóirí ná ar chreidiúnaithe an ghnóthais faoi réiteach. Ní bheidh baill an chomhlachta riaracháin, bainistíochta nó maoirseachta ná bainistíocht shinsearach an ghnóthais idirlinne faoi aon dliteanas i leith na scairshealbhóirí nó na gcreidiúnaithe sin maidir le gníomhartha nó le neamhghníomhartha agus a ndualgais á gcomhlíonadh, ach amháin i gcás ina raibh baint ag mórfhaillí nó mí-iompar tromchúiseach faoin dlí náisiúnta ag gníomhartha nó neamhghníomhartha den sórt sin lena ndearnadh difear díreach do chearta na scairshealbhóirí nó na gcreidiúnaithe sin.
Féadfaidh na Ballstáit teorainn bhreise a chur le dliteanas gnóthais idirlinne agus le dliteanas a chomhlachta riaracháin, bainistíochta nó maoirseachta nó le dliteanas a bhainistíochta sinsearaí i gcomhréir leis an dlí náisiúnta i leith gníomhartha agus neamhghníomhartha le linn dóibh a ndualgais a chomhlíonadh.