7. L-objettivi ta' impriża tranżitorja ma għandhomx jimplikaw xi dmir jew responsabbiltà għall-azzjonisti jew kredituri tal-impriża taħt riżoluzzjoni. Il-membri tal-korp amministrattiv, maniġerjali jew superviżorju jew tal-maniġment superjuri tal-impriża tranżitorja ma għandux ikollhom responsabbiltà quddiem tali azzjonisti jew kredituri għal atti jew għal ommissjonijiet fl-eżerċizzju tad-dmirijiet tagħhom, sakemm tali atti jew ommissjonijiet ma kinux jinvolvu negliġenza serja jew imġiba ħażina serja skont il-liġi nazzjonali li taffettwa direttament id-drittijiet ta' tali azzjonisti jew kredituri.
L-Istati Membri jistgħu jkomplu jillimitaw ir-responsabbiltà ta' impriża tranżitorja u tal-membri tal-korp amministrattiv, maniġerjali jew superviżorju jew tal-maniġment superjuri tagħha f'konformità mal-liġi nazzjonali għal atti u għal ommissjonijiet fil-qadi tad-dmirijiet tagħhom.