Airteagal 6 An réamheolaire

►M5  Gan dochar d’Airteagal 14a(2), d’Airteagal 15a(2) agus d’Airteagal 18(1), cuimseofar i réamheolaire an fhaisnéis is gá atá ábhartha d’infheisteoir chun measúnú feasach a dhéanamh ar an méid seo a leanas: ◄

▼B

D’fhéadfadh an fhaisnéis sin a bheith éagsúil ag brath ar aon cheann de na nithe seo a leanas:

Beidh an réamheolaire i bhformáid chaighdeánaithe agus déanfar an fhaisnéis a nochtfar i réamheolaire a chur i láthair in ord caighdeánaithe, i gcomhréir leis na gníomhartha tarmligthe dá dtagraítear in Airteagal 13(1). Scríobhfar agus cuirfear i láthair an fhaisnéis i réamheolaire i bhfoirm sho-inanailísithe, ghonta agus shothuigthe, agus cuirfear san áireamh inti na tosca a leagtar amach i mír 1, an dara fomhír, den Airteagal seo.;

Féadfaidh an t-eisitheoir, an tairgeoir nó an duine atá ag iarraidh go ligfí urrúis isteach chun a dtrádála ar mhargadh rialáilte an réamheolaire a tharraingt suas ina mbeidh doiciméad amháin nó doiciméid ar leithligh.

Gan dochar d'Airteagal 8(8) agus don dara fomhír d’Airteagal 7(1), i gcás réamheolaire ina bhfuil doiciméid ar leithligh, beidh, an fhaisnéis is gá a thabhairt roinnte i ndoiciméad clárúcháin, nóta mínithe urrús agus achoimre. Is sa doiciméad clárúcháin a bheidh an fhaisnéis faoin eisitheoir. Is é a bheidh i nóta mínithe na n-urrús an fhaisnéis faoi na hurrúis atá á dtairiscint don phobal nó á ligean isteach chun a dtrádála ar mhargadh rialáilte.

Maidir le réamheolaire a bhaineann le scaireanna, beidh uasfhad 300 taobh de pháipéar A4 ann nuair a bheidh sé priontáilte agus déanfar é a chur i láthair agus a leagan amach sa dóigh is go mbeidh sé éasca le léamh, ag baint úsáid as carachtair atá inléite ó thaobh méide de.

Ní chuirfear san áireamh an achoimre, an fhaisnéis a chorpraítear trí thagairt i gcomhréir le hAirteagal 19 nó an fhaisnéis bhreise atá le soláthar i gcás ina bhfuil stair chasta airgeadais ag an eisitheoir nó i gcás ina bhfuil gealltanas suntasach airgeadais déanta ag an eisitheoir, dá dtagraítear in Airteagal 18 de Rialachán Tarmligthe (AE) 2019/980 ón gCoimisiún ( 8 ), nó an fhaisnéis atá le soláthar i gcás ollathrú suntasach, mar a shainmhínítear an méid sin in Airteagal 1, pointe (e), den Rialachán Tarmligthe sin, san uasfhad dá dtagraítear i mír 4 den Airteagal seo.

De mhaolú ar mhír 2, an chéad fhomhír, agus ar mhíreanna 4 agus 5, i gcás ina bhfuil urrúis le ligean isteach chun a dtrádála ar mhargadh rialáilte san Aontas agus ina dtairgtear iad d’infheisteoirí i dtríú tír nó ina láithrítear iad go príobháideach le hinfheisteoirí i dtríú tír ina n-ullmhaítear doiciméad tairisceana faoin dlí, faoin riail nó faoi chleachtas an mhargaidh, ní bheidh feidhm ag ceanglais i leith na formáide caighdeánaithe, an oird chaighdeánaithe, an uasfhaid, an teimpléid agus leagan amach na réamheolairí, lena n-áirítear na ceanglais maidir le clómhéid agus stíl, maidir leis an réamheolaire chun na hurrúis sin a ligean isteach chun a dtrádála ar mhargadh rialáilte.

Forbróidh ÚEUM treoirlínte maidir le sothuigtheacht agus maidir le teanga shimplí a úsáid i réamheolairí chun a áirithiú go mbeidh an fhaisnéis a thugtar iontu gonta, soiléir agus soláimhsithe don úsáideoir ag brath ar an gcineál réamheolaire agus ar an gcineál infheisteoirí a bhfuiltear ag díriú orthu.

Forbróidh ÚEUM dréachtchaighdeáin theicniúla cur chun feidhme chun teimpléad agus leagan amach na réamheolairí a shonrú, lena n-áirítear an chlómhéid agus na ceanglais stíle, ag brath ar an gcineál réamheolaire agus ar chineál na n-infheisteoirí a bhfuiltear ag díriú orthu.