Airteagal 16 Toisc riosca

Ní chuimseofar tosca riosca cineálacha i réamheolaire, tosca nach bhfeidhmíonn ach mar shéanadh, nó nach dtugtar léargas sách soiléir leo ar na tosca sonracha riosca ar cheart d’infheisteoirí a bheith ar an eolas fúthu.

Agus an réamheolaire á tharraingt suas ag an eisitheoir, an tairgeoir nó na daoine atá ag iarraidh go ligfí urrúis isteach chun a dtrádála ar mhargadh rialáilte, déanfaidh sé ábharthacht na dtosca riosca a mheasúnú ar bhonn dhóchúlacht a dtarlaithe agus mhéid a dtionchair diúltaigh.

Déanfaidh an t-eisitheoir, an tairgeoir nó an duine atá ag iarraidh go ligfí isteach chun trádála iad ar mhargadh rialáilte tuairisc leordhóthanach a thabhairt ar gach toisc riosca, agus míneoidh sé conas a dhéantar difear leis an toisc riosca sin don eisitheoir, nó conas a dhéantar difear léi do na hurrúis atá á dtairiscint nó atá le ligean isteach chun a dtrádála. Féadfaidh eisitheoirí, tairgeoirí nó daoine atá ag iarraidh go ligfí isteach chun trádála iad ar mhargadh rialáilte an measúnú ar ábharthacht na dtosca riosca dá dtagraítear sa tríú fomhír a nochtadh freisin trí úsáid a bhaint as scála cáilíochtúil íseal, meánach nó ard, dá rogha féin.

Cuirfear na tosca riosca láthair i líon teoranta catagóirí, ag brath ar a gcineál. I ngach catagóir, liostófar, ar bhealach atá comhréireach leis an measúnú dá bhforáiltear sa tríú fomhír, na tosca riosca is ábhartha.